أنا مرة فضلت ابعت كل يوم لمدة تسع ساعات لمدة 6 شهور ايميلات لجامعات أجنبية لحد ما اتقبلت فمنحة بحثية
و أنا فثانوى حليت خمس كتب مسائل فيزياء رغم أفكارهم اللي كانت متكرره
و انا ذاكرت انجليزي لمده ١٠ ساعات يوميا لمدة ٦ شهور لغايه ما اتقبلت ف Vodafone UK

و انا كنت ضعيف جدا ف الرياضه
جبت كتابين وتابعت ٣ قنوات ع اليوتيوب رغم اني كنت ضعيف ف الرياضه ومش طايقها
لغايه ما بقيت اقدر اشرح وأحل أي مسأله رياضه ف اي كتاب بعد ٤ شهور من المرمطه دي
و انا فضلت اروح الجيم و محافظ على اكلى لمدة تلت سنين!

و اتمرن لحد ما طلعت اول جمهورية فى الكونج فو
((( الحقيقة دول مش أنا .. بس دول ناس انا اعرفهم شخصيا .. و المشترك مابينهم كلهم حاجة واحدة : الناس دى تقبلت الملل والتكرار و الجوع و الجهد و الساعات الطويلة المملة فى المذاكرة و التمرين
عشان الناس دى اقتنعوا و فهموا كويس ..

ان مفيش طريق تانى عشان تحقق ذاتك و ترتاح نفسيا غير العمل الشاق و عدم الاستسلام
شباب..
"مفيش سر للنجاح او التفوق "
يمكن تلخيص سر لنجاح ببساطة فى : تقبلك لتحمل الملل و الجهد والتكرار الممل لغايه ما تحقق هدفك!

ف قوم كده علي الماده اللي انت مش طايقها أو ضعيف فيها
ابذل فيها عدد ساعات مُضاعف حتي لو مش لاقي نتيجه حاليا !
بس بعد فتره محترمه ..مستواك ف الماده دي هتنبهر بيه 🤝
.منقول_