ثريد متجدد راح اعلمكم كيف تصورون اطباقكم أو اي منتج بطريقة جذابه 📸
اولاً اي شخص يبداء الثريد اذكركم بذكر الله وحمده في كل وقت وحين، فالحمدلله والشكر له 🤍 ثانياً اي احد يستفيد من الثريد اتمنى يتذكرني بدعوه ويدعي لأمي بالرحمه والمغفرة 🤍
نقول بسم الله ونبداء الثريد ب ٤ اقسام وهي:
١-الكاميرا
٢-الاضاءة
٣-مكان التصوير
٤-التعديل بالبرامج
١-الكاميرا
٢-الاضاءة
٣-مكان التصوير
٤-التعديل بالبرامج
الكاميرا:
اول شي اي جوال حديث سواء كان ايفون هواوي سامسونغ راح يعطيكم نتيجة مرضيه إذا اتبعتم الخطوات اللي راح اذكرها بالثريد، ومو شرط يكون الجوال ايفون عشان تضبط الصورة اهم شي يكون الجوال نسخة حديثة…
ودام كثير يسألوني عن جوالي فراح اجاوب هنا جوالي iphone xs max
اول شي اي جوال حديث سواء كان ايفون هواوي سامسونغ راح يعطيكم نتيجة مرضيه إذا اتبعتم الخطوات اللي راح اذكرها بالثريد، ومو شرط يكون الجوال ايفون عشان تضبط الصورة اهم شي يكون الجوال نسخة حديثة…
ودام كثير يسألوني عن جوالي فراح اجاوب هنا جوالي iphone xs max
ثانياً وقت التصوير لازم تكون الكام نظيفه يعني قبل لا نبداء الالتقاطه ننظف الكام وافضل شي ننظفها بقطعة قماش قطن + نخلي اضاءة الجوال على اعلى شي عشان نقدر نشوف تفاصيل الصورة بوضوح
ندخل على الاعدادات > كاميرا> ونفعل زر المربعات واسمه بالانجليزي grid ، هذا بالنسبة للايفون عشان تظهر لنا المربعات زي في الصورة وراح اعطيكم شرح مبسط لفايدة المربعات: اول شي عشان تعطينا مقياس للميلان يعني اذا بصور شي فيه خط مستقيم زي الطاولة اثبت الخط اللي في الكام على خط الطاولة
الفايدة الثانية عشان تطلع لنا التقاطعات الاربعة اللي عليها دائرة ⭕️ وفايدتهم اني اخلي العنصر الاساسي اللي ابغى اصوره على واحد من هذي التقاطعات، لاحظوا الناس اللي محدده عليهم بمربع على واحد من هذي التقاطعات طيب ليش؟ لان يقولون غالباً العين تتجه على هذي التقاطعات لما تشوف اي صورة
فيعني وقت تصوير الاطباق نخلي الطبق على هذي التقاطعات مثال من تصويري 👇🏻
طيب غلط لو خليت الطبق في نص الكام؟ لا طبعاً وعن نفسي احب اخلي الطبق في النص واغلب صوري كذا ولا فيها اختلاف كبير، بس مسألة التقاطعات تعطي احترافيه اكثر
طيب غلط لو خليت الطبق في نص الكام؟ لا طبعاً وعن نفسي احب اخلي الطبق في النص واغلب صوري كذا ولا فيها اختلاف كبير، بس مسألة التقاطعات تعطي احترافيه اكثر
الإضاءة:
الشمس ثم الشمس ثم الشمس
هي افضل مصدر للإضاءة ! وافضل وقت تصورون فيه وقت ما تكون الشمس ساطعه يعني تقريباً من الساعة ٨ الصباح الى ٣ العصر
طيب والإضاءة الصناعيه؟ عن نفسي جربتها بداية تصويري وما كانت سيئة + يبغالها شرح طويل ومن احد مختص فراح استثنيها من الثريد
الشمس ثم الشمس ثم الشمس
هي افضل مصدر للإضاءة ! وافضل وقت تصورون فيه وقت ما تكون الشمس ساطعه يعني تقريباً من الساعة ٨ الصباح الى ٣ العصر
طيب والإضاءة الصناعيه؟ عن نفسي جربتها بداية تصويري وما كانت سيئة + يبغالها شرح طويل ومن احد مختص فراح استثنيها من الثريد
اهم شي تختارون زاوية اشعة الشمس تدخل منها بطريقة ممتازه يعني بالنسبة لي اعتمد على مصدر الشمس من باب كبير يدخل لي اضاءة بصورة ممتازة + كونوا قريبين من الزاوية قدر الامكان، والاهم تسكرون اي نور في المكان وتعتمدون على اضاءة الشمس فقط
مكان التصوير:
وهنا بنتكلم عن نقطيتين الخلفية والاطباق..
عن نفسي افضل اختار خلفية بيضاء او فاتحه وطبعاً اللي يتابعني بيلاحظ اغلب الصور فيها سطح ابيض وخلفيه بيضاء، اولاً سهل في تنسيق الالوان ثانياً يبرز الطبق اكثر ثالثاً لون منعش ويناسب اضاءة الشمس
وهنا بنتكلم عن نقطيتين الخلفية والاطباق..
عن نفسي افضل اختار خلفية بيضاء او فاتحه وطبعاً اللي يتابعني بيلاحظ اغلب الصور فيها سطح ابيض وخلفيه بيضاء، اولاً سهل في تنسيق الالوان ثانياً يبرز الطبق اكثر ثالثاً لون منعش ويناسب اضاءة الشمس
وعن نفسي استخدم طاولة بيضاء وخلفيه بيضاء زي بالصورة، وممكن تستخدمون خلفية بيج او ليموني وحتى الرصاصي الفاتح حلو بالتصوير 👍🏻وممكن تستخدمون قطعة قماش بيضاء وتخلونها خلفية وسطح بنفس الوقت للي ما عنده طاوله
والحين فقرتي المفضلة الاطباق 😋
اول شي عن اختيار الطبق اللي راح اقدم فيه الاكله + العناصر المساعده…
احب من فترة لفترة انزل اشتري اطباق تكون بألوان زاهيه زي البيج والاخضر الفاتح او اطباق عليها نقش جميل تساعد كثير في عملية الجذب للطبق، ومن فترة نزلت صور فطوري لاحظوا اشكال الاطباق
اول شي عن اختيار الطبق اللي راح اقدم فيه الاكله + العناصر المساعده…
احب من فترة لفترة انزل اشتري اطباق تكون بألوان زاهيه زي البيج والاخضر الفاتح او اطباق عليها نقش جميل تساعد كثير في عملية الجذب للطبق، ومن فترة نزلت صور فطوري لاحظوا اشكال الاطباق
العناصر المساعدة:
لما اصور احرص دايماً يكون في عنصر جمالي غير الطبق ممكن كوب قهوة، مناشف، نبته…الخ وفي الصورة هذي حطيت افكار للعناصر المساعدة اللي تعطي جمال للصورة وتقدرون ترجعون لصوري في الحساب وتلاحظون اني اعتمد عليها غالباً الاكواب والمناشف 💯
لما اصور احرص دايماً يكون في عنصر جمالي غير الطبق ممكن كوب قهوة، مناشف، نبته…الخ وفي الصورة هذي حطيت افكار للعناصر المساعدة اللي تعطي جمال للصورة وتقدرون ترجعون لصوري في الحساب وتلاحظون اني اعتمد عليها غالباً الاكواب والمناشف 💯
لاحظوا في اخر صور نزلتها استخدامي لعناصر الجذب زي المناشف، الكتب، النبات، عناصر من الطبخة نفسها (طماطم، فراولة)
نرجع للصور هذي وبخليها مصدر لكم في تزيين الاطباق، طبعاً نعرف ان تزيين الطبق يجذب بنسبة ٧٠٪ وقبل التزيين حابه انوه على نظافة الطبق يعني ما يكون فيه بقع مويه او نقط زيت او كريمة، وفي التزيين المجال لكم مفتوح استخدموا اي عنصر يزيد من جمال الطبق
التعديل بالبرامج:
اكثر برنامج مهم في التعديل على الاضاءة وجودة الصور وكثيييير يسألوني كيف صورك واضحه كذا! هو برناج Lightroom وهو برنامج مجاني وبعطيكم شرح بسيط عنه، بس حابه اوريكم بالمثال هذا اول شي الفرق الشاسع اللي يسويه في جودة وإضاءة الصورة👀!
اكثر برنامج مهم في التعديل على الاضاءة وجودة الصور وكثيييير يسألوني كيف صورك واضحه كذا! هو برناج Lightroom وهو برنامج مجاني وبعطيكم شرح بسيط عنه، بس حابه اوريكم بالمثال هذا اول شي الفرق الشاسع اللي يسويه في جودة وإضاءة الصورة👀!
البرنامج مافيه اي تعقيد مجرد تدخلون الصورة في البرنامج تضغطون على زر ال light وتبدون تعدلون على السطوع، الظل، الاضاءة…الخ
وبعدها تضغطون على زر ال color وبعدها تضغطون على زر mix عشان يطلع لكم باليت الألوان كامل وتختارون اللون اللي تبغون تزودن من حدته او تقللون منه، شوفوا الصور كل شي حددت عليه 👇🏻
طبعاً برنامج اللايت روم فيه شروحات كثيرة له باليوتيوب اللي حاب يتعمق اكثر بالبرنامج، او ممكن تكتفون بالتجربة الشخصية وتصيرون تعدلون لما توصلون لنتيجة مرضيه، بس اهم شي تدربون عليه باستمرار ولا تخافون من مسألة "يمكن الصورة ما تضبط" عادي اجلسوا جربوا لما تطلعون بنتيجة مرضيه 👍🏻
وبكذا وصلت لاخر الثريد ونصيحتي لاي شخص حاب يدخل بمجال تصوير الاطباق يستمر على التصوير والتجربة ومافي مشكلة من التغيير والتجديد بالعكس هذا راح يخليكم تطورون بشكل سريع 💯
وبس اتمنى اني افدكم بمعلوماتي المتواضعة عن تصوير الاطباق…
وأي أحد يشوف الثريد ويعجبه اتمنى يتابعني وينشر الثريد، وارسلوه لأشخاص مهتمين بموضوع التصوير، أتمنى للجميع يوم ممتع وأطباق شهيه 🙌🏻♥️
وأي أحد يشوف الثريد ويعجبه اتمنى يتابعني وينشر الثريد، وارسلوه لأشخاص مهتمين بموضوع التصوير، أتمنى للجميع يوم ممتع وأطباق شهيه 🙌🏻♥️
جاري تحميل الاقتراحات...