ثريد عن الشهية و ليه دايما حاسس ان شهيتك مش مستقرة و إزاي تتعامل مع دا.
◾هيكون في جيفاواي ف اخر الثريد
◾هيكون في جيفاواي ف اخر الثريد
ناس كتير شكوتهم الاساسية ان دايما حاسيين انهم جعانين أو ان شهيتهم مضطربة طول اليوم مثلا يصحي مش جعان بس يلاقي انه علي اخر اليوم مش عارف يبطل اكل أو انه دايما نفسه عاوزه حاجة مسكرة أو انه بيصحي بالليل جعان ياكل كل الي قدامه مع انه مش محتاج ياكل كل دا ، اول حاجة لازم نتكلم عنها هي
التخطيط و الروتين ، لو مش بتصحي ف مواعيد ثابتة و تنام ف مواعيد ثابتة و عندك جدول مواعيد اكل ثابتة ف الجوع و بتاكل الي يكون قدامك ف اضطراب الشهية هيفضل بيطاردك و ملهاش حل غير انك لازم تبني روتين و تخطط ليومك و شغلك و اكيد اكلك و وجباتك عشان وسط لخبطة اليوم العشوائي و ضغوطات الحياة
الي مفيش اكتر منها دلوقتي اكيد مش هيبقي عندك بال تجهز اكل او تهتم بالاكل و يا تاكل من اكل البيت الي عمره ما هيكون مناسب ليك بسبب طريقة التحضير او انك تطلب فاست فود و اكيد هو كمان مش هيكون اختيار مناسب الي بالتالي هيخلي وزنك يزيد و هتبقي مستغرب انك ممكن بتاكل كميات بسيطة بس الوزن
بيزيد و دا بسبب حاجة اسمها ال caloric dense يعني محتوي الاكل دا ايه من السعرات بغض النظر عن كميته و وزنه بمقارنة بسيطة مثلا ١٠٠ جرام سوداني ب ٢ كيلو فراولة أو ٣٥٠ جرام صدور فراخ بعد الطبخ أو حتي ٤٦٠جرام رز مطبوخ و ال١٠٠ جرام مكسرات دول بيخلصو ف ساعه فيلم بتتسلي بيهم و الي هياخدنا
للنقطة التانية انك عشان مش عامل نظام ف بتلقط كتير او بتاكل سناكس كتير سواء مكسرات ب انواعها او اي مقرمشات او تسالي أو ممكن تكون حلويات و شوكلاته ف التالي هتلاقي انك كل شوية جعان ف تاكل تاني عشان كل الاصناف دي عمرها ما هتشبعك خصوصا لو فيها سكر عالي هيخليك دايما جعان بعده و تحس
انك مش قادر تبطل اكل و كل ساعتين عاوز تاكل تاني و مش عاوز رز و فراخ مثلا لا عاوز تكمل ف الحلويات و المقرمشات عشان اكيد طعمهم احلي من الفراخ و الرز و دا بسبب محتواهم من الدهون و السكريات و الملح الي وجودهم ف اي صنف بيخليك تحبه ف تستهلك منه كميات كبيرة و دا اللعبه الاساسية ل اي
مكان بيقدم اكل سواء مطعم او شركة شوكلاته او اي حاجة علي نفس النوع هتلاقي ان بيتجمع فيها المكونات دي و هو دي مهمته انه يعملك منتج يعجبك ف تاكل منه اكتر ف هو يكسب اكتر ، ف الاكل دا مش هيشبعك ولا يخليك حاسس ب امتلاء حقيقي ف شوية و هتجوع تاني
النوم من الحاجات الي بتأثر علي شهيتك جدا ف عاوز اقولك مهما كان نظامك محسوب و بتاكل بالنهار لو بتسهر هتجوع و دا بسبب رد فعل جسمك علي السهر ك ستريس علي الجسم الي هيخلي الكورتيزول عادي و يزود احساس الجوع عندك بالتبعية لإحتياجه للطاقة او خوفه انها مش كفاية ف هتلاقي انك بدأت تاكل تاني
مع انك لحد اخر وجبة كنت شبعان و لو نمت ف ميعادك ف هتنام و انت مش محتاج تاكل حاجة و كمان كوالتي النوم هتأثر انك تصحي الصبح قادر تحكم علي شهيتك كويس و تقرر انت محتاج تاكل ايه او تلتزم ب اكل متجهز قبل كده دا غير مشاكل السهر و تأثيره السيء علي جسمك كله وانه بيأثر كمان علي فقدان الوزن
سواء انك هتخسر عضلات اكتر او ان جسمك مش قادر يستشفي اصلا او ان شهيتك مش هتسيبك تخس اصلا و لما نيجي عند هرمونات جسمك ف الموضوع ملوش كبير و لا انا اقدر اكمل و اقدر استحمل و الكلام دا جسمك هيكسب يعني هيكسب ف عمرك ما هتبقي اقوي من عقلك ابدا ف سيبك من موضوع العزيمة دا دلوقتي عشان لو
تماسكت مره ف مش هتتماسك التانية ولا التالتة و هتضعف و دا هياخدنا للنقطة الي بعدها انك ماشي علي دايت قاسي و سواء لسه عليه او سبته ف شهيتك هتحاربك عشان نزول الوزن السريع دا جسمك بيصنفه ك اعتداء علي نظامه الحيوي الي دوره يخليك ف نسبة دهون متعود عليها و لو زادت ف هي خير و بركة
ف حتي لو خسيت و قولنا انك قدرت تتماسك بالنظام القاسي دا ف جسمك عنده الف طريقة يرجعك للوزن القديم و كنت كتبت ثريد كامل عن الموضوع دا بالتفصيل ممكن تشوفه
و طبعا منقدرش ننسي الستريس و مشاكل و ضعوطات الحياة الي هتخليك تخش ف نفس حاله افراز كورتيزول عالي دوره انه يحاول يرجع الجسم لحاله الاستقرار تاني بسبب انك متصعب او متوتر او مضايق او اي حاجة غير طبيعه الجسم النيوترال ف هتلاقي انك بتروح للاكل ظنا منك ان دا هيخليك احسن و اه بتبقي احسن
بس دا مش بيستمر عشان هتكتشف انك مكنتش محتاج تاكل كل دا و تدخل ف حاله من الاحساس بالذنب و ليه اكلت كل دا و انا مش محتاجة و جيس وات بقي عندي مشكلة زيادة غير المشكلة الاساسية الي كنت فاكر انها هتتحل لما اكل ان وزني هيزيد بسبب كمية الاكل دي كلها ف المشكلة تكبر اكتر و احساسك يبقي اسوء
اخر حاجة معانا هي فترة الpms الي بيزيد فيها افراز البروجيستيرون الي بيرتفع معاه الكورتيزول و بتبقي الشهية مش مستقرة لنفس الاسباب الي قولتها فوق و ضروري تعرفي اكتر عن جسمك و ازاي تتعاملي معاه ف الوقت دا ف في ثريد كامل يشرح الدورة الشهرية
طيب احنا كده قولنا كل المشاكل طيب ازاي نحلها ؟
١.ابني روتين ثابت ليومك مهما كلفك دا
٢.خطط ليومك و اكلك و جهز كل حاجة مسبقا ف وقت انت عارف انك فاضي فيه
٣.اتحرك او انزل الجيم هيساعدك كتير تتحكم ف شهيتك
٤.اتعلم تقول لا لو الاكل دا مش مناسب ليك و عارف انك مش محتاجة
٥.ابني روتين نوم
١.ابني روتين ثابت ليومك مهما كلفك دا
٢.خطط ليومك و اكلك و جهز كل حاجة مسبقا ف وقت انت عارف انك فاضي فيه
٣.اتحرك او انزل الجيم هيساعدك كتير تتحكم ف شهيتك
٤.اتعلم تقول لا لو الاكل دا مش مناسب ليك و عارف انك مش محتاجة
٥.ابني روتين نوم
٦. اصحي و نام ف نفس الميعاد كل يوم و دا هيكون صعب ف الاول بس جسمك هيتعود لو كملت
٧. لازم تنام علي الاقل ٦ ساعات و يكون بالليل لو مش هينفع يبقي الصبح لو مش هينفع يبقي متقطعين احسن من مفيش و دا احسن السيئيين
٨. اتعلم تقول لا تاني لو في حاجة مش مناسبة ليك و لنظامك
٩.اتعلم تسمع لجسمك
٧. لازم تنام علي الاقل ٦ ساعات و يكون بالليل لو مش هينفع يبقي الصبح لو مش هينفع يبقي متقطعين احسن من مفيش و دا احسن السيئيين
٨. اتعلم تقول لا تاني لو في حاجة مش مناسبة ليك و لنظامك
٩.اتعلم تسمع لجسمك
١٠. اصبر علي فشلك افشل الف مره و هتنجح ف ١٠٠١ ف طول ما بتحاول هتنجح و الي فشل هو الي مكملش
١١. اطلع بره الكومفرت زون عشان جسمك بيحب الراحة و اسرع اختيار حتي لو دا مش مناسب ف عمرك ما هتنجح ف اي حاجة ف حياتك لو بتختار اسهل اختيار و تكبر دماغك
١٢. ابني نظام مناسب ليك يشبعك و يرضيك
١١. اطلع بره الكومفرت زون عشان جسمك بيحب الراحة و اسرع اختيار حتي لو دا مش مناسب ف عمرك ما هتنجح ف اي حاجة ف حياتك لو بتختار اسهل اختيار و تكبر دماغك
١٢. ابني نظام مناسب ليك يشبعك و يرضيك
١٣. ارضي عينك قبل بطنك
١٤. كل نسبة بروتين عالية ف اليوم
١٥. اوعي تقطع كارب ابدا و وزعه صح علي يومك
١٦. لو تقدر تخلي في كارب ف كل الوجبات اعمل دا لو مينفعش جرب و اعرف انت محتاجه امتي اكتر وقت
١٧.تغيرات الجسم وقت البريود طبيعية و هتحصل كل شهر اتعلمي ازاي تتعاملي معاها و تفهمي جسمك
١٤. كل نسبة بروتين عالية ف اليوم
١٥. اوعي تقطع كارب ابدا و وزعه صح علي يومك
١٦. لو تقدر تخلي في كارب ف كل الوجبات اعمل دا لو مينفعش جرب و اعرف انت محتاجه امتي اكتر وقت
١٧.تغيرات الجسم وقت البريود طبيعية و هتحصل كل شهر اتعلمي ازاي تتعاملي معاها و تفهمي جسمك
بمناسبة ان الاكونت كمل سنتين هنا و اننا كملنا ٣٠٠٠ سؤال علي كيريوس كات ف اي شخص هيعمل ربتويت للثريد دا هيكون ليه فرصة انه يكسب شهر كامل متابعة مطلوب منه بس ان يكون عنده استعداد و يكون عاوز يعمل حاجة و يحقق هدفه و يستثمر ف صحته ،
◾ هختار ٣ اشخاص بشكل عشوائي
◾ هختار ٣ اشخاص بشكل عشوائي
جاري تحميل الاقتراحات...