هل من حق شريك حياتك مهما كان مسماه انه يحكم علي وزنك او يطلب منك تبقي ف شكل معين ؟
الاجابة قطعا لا و لو شريك حياتك بيضغط عليك عشان تبقي ف جسم معين ف دا ريد فلاج انه تقبله و حبه ليك مشروط و مفيش حاجة اسمها حب مشروط مينفعش اقولك لو مخستش هسيبك او لو منزلتيش جيم هسيبك

شريكك مطلوب منه يحبك زي ما انت و انت لو هتعمل حاجة ف عشان نفسك و صحتك مش عشان ترضيه ، لو راجل او ست و شريكك طلب منك دا فكر تاني ما تقرر ان دا الشخص الي عاوز تكمل معاه حياتك عشان تغيرات احوال الحياة عمرها ما هتكون مضمونة و محدش هيقدر يحافظ علي وزن و شكل طول حياته قدام ظروف الدنيا

ك بنت اكيد هيكون في حمل و ولاده و طبيعي الوزن هيزيد و ك راجل ممكن تضطر تيجي علي نفسك شوية عشان مشغول توفر حياه احسن لبيتك ف طبيعي وزنك هيزيد شوية أو حتي ظروف تحصل تخليك تخسر وزن و شكل جسمك يتغير ، اوعي تخس/ي عشان شريكك طلب منك تعمل دا عشانه او عشان يحبك.

لو مش عاجبك شريكك زي ما هو ف ابعد عنه احسن و روح دور علي حد عاجبك و لو دا مبدأك ف اختيار شريكك و ان تغير شكله هيتناسب مع حبك ليه ف انت لسه محتاج تكبر شوية قبل ما تاخد خطوة و تشيل مسئولية وجود شخص ف حياتك و الكلام دا للجنسين مش للرجالة بس.