✌️✌️✌️ شوف تجربتي:
انا دخنت ل ١٥ سنة و حاولت عشرات المرات أوقف و فشلت. في ٢٠٢٠ مع الكورونا كنت مشرف علي مركز عزل في واحدة من دول الجنوب الافريقي. الكورونا كانت جديدة و لسة الناس ما فاهمينها و كان معدل الوفيات مرعب. في الفترة ديك كنت بدخن من ٢٠ الي ٣٠ سيجارة وينستون اصلي في اليوم
انا دخنت ل ١٥ سنة و حاولت عشرات المرات أوقف و فشلت. في ٢٠٢٠ مع الكورونا كنت مشرف علي مركز عزل في واحدة من دول الجنوب الافريقي. الكورونا كانت جديدة و لسة الناس ما فاهمينها و كان معدل الوفيات مرعب. في الفترة ديك كنت بدخن من ٢٠ الي ٣٠ سيجارة وينستون اصلي في اليوم
كان عندنا اجراءات احترازية عالية جدا. من ضمنها لما ترجع البيت تدخل و تستحم في حمام ملحق و تغير ملابسك و الجزمة برة البيت. كانت ايام مجنونة و مرعبة و الطيران متوقف. اسرتي كانت معاي، و ما قدرت ارجعهم السودان لحد ٢٠٢١. كان في حديث عن انو المدخنين فرصة نجاتهم ضئيلة جدا مع الكورونا
يوم 2020/4/8 رجعت البيت الساعة ٨ مساء. زوجتي كانت نايمة سخنت العشاء و أكلت و طلعت البلكونة و بديت ادخن و افكر.. جو جميل و مطر ناعم و ليل و هدؤ و حزن و كآبة بسبب مشاهد مركز العزل. خلصت سيجارة اولي و بديت التانية و جاتني شرقة و قحة. طوالي بديت افكر في الكورونا و رئتي المنهكة
اول حاجة جات في خاطري كانت اسرتي. لو جاتني الكورونا و ما نجيت منها ح يحصل عليهم شنو؟ الجثمان ما ح يدوهم و ح اندفن بعيدا في ارض غريبة و غالبا اولادي لما يكبروا ما ح يقدروا يزورو قبري. و زوجتي ما ح تقدر تسافر بعد الوفاة للسودان و لا في زول ح يقدر يجي يقيف معاها بسبب الطيران الموقوف
في النقطة دي طفيت السجارة و قررت اوقف تدخين.. مشيت صحيت زوجتي و كلمتها ضحكت فيني لأني قبل كدا حاولت عشرات المرات بدون نتيجة. جرجرتها وهي شبه نايمة للحديقة وقدامها كسرت ٢ باكو ونستون وارد ألمانيا 😭😭😭😭. و لحد يومنا هذا تاني ما دخنت و لا راودتني نفسي علي التدخين. سنتين و٣ شهور
طبعا كانت في صعوبة في الأيام الاولي وعكس معظم المقلعين حديثا اصابني خمول عام و كنت عاوز انوم بس. اصلا كنت رياضي فقمت عززت برنامجي ومن الوقت داك للان بجري ٦ كيلو يوميا بلا استثناء لاي. وزني زاد عشرة كيلو في السنة الاولي.. و الان نقصت ٦ كيلو. و ما ذلت صامدا. موفق يا صديقي.
دي كانت تجربتي لكن عندي ملاحظات مهمة جدا عاوز اشاركها. الملاحظات دي وعيت بيها بعد ما وقفت تدخين و نوعا ما فهمت ليه فشلت عشرات المرات سابقا و نجحت في المرة الاخيرة:
١. مرحلة تكسير العظام: الاسبوع الاول اصعب مرحلة علي الاطلاق هي "مرحلة نكون او لا نكون" . كنت قريب جدا من الانتكاس
١. مرحلة تكسير العظام: الاسبوع الاول اصعب مرحلة علي الاطلاق هي "مرحلة نكون او لا نكون" . كنت قريب جدا من الانتكاس
اهم شي هنا انك ما تثق في عزيمتك ابدا. اعمل كل ما يلزم لانك ما "تلتقي مع سيجارة وجها لوجه". انا في اليوم الاول اتخلصت من المخزون الاستراتيجي و بعديها ابتديت proactively افتش في العلب المنفردة الكاملة و النص و المجدوعة هنا و هناك. و جات مرحلة الاعقاب والتخلص من الطفايات و الولاعات
٢. السير علي الحافة: الشهر الاول و الثاني شعرت انني بخير ولكن لم اثق بنفسي بعد. كنت زي الماشي علي الحافة و ممكن اعبر او اسقط. بديت اكتشف ان التدخين عادة مرتبطة بعادات اخري يومية. ركزت علي الرياضة بكثافة وبقيت اتمشي كل ما اخرم كعادة اضافية😅. بنهاية الشهر التاني استقريت نوعا ما
٣. الدعم الاجتماعي: هنا ح اسهب شوية. فشلي في المرات السابقة كان بسبب انعدام الدعم الاجتماعي. مجتمعي صديق للتدخين وكل اصحابي تقريبا مدخنين. كنت بنتكس من "اسبوع تكسير العظام" عادة لانو السجاير موجود محل ما اقبل. المرة الاخيرة كنت في غربة والسودانيين قليلين (دا كان تحدي آخر)
كنا ٦ عوايل و ٢ عزابة في مدينتنا. بنتلاقي كل عطلة نهاية الأسبوع عند واحدة من الأسر وبندور الكتشينة (حريق). الغالبية كانت مدخنة. اضطريت للاسف اوقف مواصلة الناس لفترة طويلة وفي الحقيقة علاقتي اتوقفت ببعضهم تماما ليومنا هذا للاسف. دا اصعب قرار اتخذتو وأثر علي حياتي الإجتماعية.
العبرة.. لازم الناس الحواليك يساعدوك ويتفهموا حوجتك للدعم او تتخلي عنهم. مرات الاصحاب براهنوا علي فشلك كنوع من التسلية ودا خطير جدا. قد تضطر لخسارة بعض الامكنة العزيزة زي الجنبات ولمة الكتشينة وقد تضطر لتجنب بعض الاعزاء لفترة طويلة.
ح اكتب لسة لما القي زمن. مودتي.
ح اكتب لسة لما القي زمن. مودتي.
جاري تحميل الاقتراحات...