١- تنتظرنا خريطة لطيفة خفيفه! اول شيء مين نشوف؟ زي ماعلمتكم "مفتاح كل خريطة طالعها" هنا عندنا خريطة شخص بطالع ميزان "درجة ٢٧ في العذراء بس يحتل الميزان حدود كبيرة من الطالع، بالتالي تثبت هيمنته" شخصية انيييققه ومظهرها يفتح النفس وملامحها تهبل وفيها ظرافة وبس تشوفونها تدخل قلبكم!
٢- كيف عرفتي يا لافندر؟ اول شيء طالعها محكوم من الزهرة وزهرتها في بيت شرفها وقمرها رابع! هذي ابرز الدلالات يعني هنا اتخيلها آية في الجمال واللطافة! اصلًا خريطتها باعثة على الراحة 💘
٣- مهم جدًا عندها تكسب ثقة الآخرين من حولها و ولائهم، هي تعبر عن ذاتها من خلال الآخرين كيف يعني؟ كل ما زادت علاقاتها وزادوا محبيها و مؤيديها، كل ما ثقتها بنفسها زادت وحست بوجودها.. يعني هنا معيار الثقة بالذات مربوط تمامًا بالمجتمع حواليها، عشان كذا راح نشوف شخصية دبلوماسية جدًا..
٤- ولو تلاحظون مريخها في الثاني عشر وهذا مش افضل موقع للمريخ، بيعطينا شخص يكتم ردود افعاله واحيانًا يتجرع القهر على مضض ويمشي وفي نفس الوقت مريخها هو الي يحكم بيت مجتمعها "السابع" يعني هنا للمجتمع من حولها تأثير جدًا كبير عليها، ولو تلاحظون كمان عندها الشمس تقابل زحل، وش يعني؟
٥- المقابلة اتصال يوحي بخلل في التوازن مابين معاني هذين الكوكبين، وزحل طبيعته انو يعلمك ويربيك هذا الاتصال يعطينا شخص يجد خلل في الوصول لهويته الحقيقية يعني يضل طول عمره يسعى ويتشكل بشخصيات عدة تناسب المجتمع حوله آنذاك لين مع العمر يوصل لجوهره الحقيقي، وهذي بالتأكيد..
٦- ماراح تكون مرحلة سهلة، حتتعلم فيها كثير اضيفوا لذلك الشمس هنا في درجة صفر والي بتعطينا شخص يتخبط يمنةً ويُسرة لين يفهم نفسه! مشكلة هذي الدرجة انها تعدم معاني الكوكب يعني هنا صاحبة الخريطة تجهل جزء كبير من نفسها، كبير مو شوية!
٧- خريطتها حلوة بس عندها مشكلة في فهم الذات، المجتمع من حولها قادر يشكلها في غمضة عين! اصلًا عندها زحل في البيت الخامس بيت الهوية وفي برج الدلو، صاحبة الخريطة عندها صفات مميزة وفريدة هي تلاقي صعوبة في الاعتراف فيها وربما تم محاربتها بسببها بالتالي صار عندها ممانعة وخوف من اظهار..
٨- حقيقتها، فعشان تتكيف مع المحيط الي حولها تبدأ تتبنى أدوار وصفات تساعدها تندمج معهم.. زحل هنا بيعلمها كيف تظهر على حقيقتها الكاملة وتتقبل اختلافتها زي ماهي، وبيعلمها انو هذي الاختلافات هي الي تميزك عمّن حولك وتجعل منك نسخة أصيلة لا يكررها الزمن! ❤️
٩- عندها اقتران لافت للانتباه في الثاني عشر الي هو اقتران الزهرة والمريخ بالعذراء! المريخ حاكم المجتمع عندها والزهرة تحكم الطالع و الثامن، وقوع هالحكام في بيت العزلة واللاواعي وخصوصًا في برج دقيق وعملي زي العذراء مسبب لها بعض المشاكل، اكيد للموقع نقاط قوة بلا شك ابرزها..
١٠- الهالة اللطيفة الي يمنحها لها خصوصًا في بيئة العمل، هذا الاقتران برضو يخليها نبيهه ويخليها تميز العدو من الصديق ولمّاحة لأدق التفاصيل، خصوصًا التفاصيل النفسية للآخرين من حولها، الزهرة والمريخ يقوون من صفات برج الاقتران "العذراء" ويضيفون عليها شوية بهارات نفسية!
١١- يعني هذا يعطيها امكانيات نفسية لقراءة الآخرين من حولها، و طولة بال ما يملكها أحد من البشر! مقدرة عن التخطيط والتنفيذ بصمت شفتم الإنجاز العظيم الي نُفذ ببراعة وإتقان بس مانعرف مين سواه! هذا الشخص من المرجح يملك مثل هذا الموقع بخريطتها 💘
مشكلة الاقتران هذا هو "القلق و الأرق"
مشكلة الاقتران هذا هو "القلق و الأرق"
١٢- لأنه يرهقها بالتفاصيل الي احيانًا تكون عديمة المنفعة، لا تنسون في نهاية الكطاف العذراء برج عطارد وقوعه في بيت نفسي يخليها تفكر حتى وهي نايمة وهذا يجلب لها مشاكل في النوم، ارهاق.. ووو كلو يتبع بعضه
ضروري تمارس جلسات التأمل من فترة لفترة عشان تصفي ذهنها
ضروري تمارس جلسات التأمل من فترة لفترة عشان تصفي ذهنها
١٣- بتقولون لي اللحين طيب عطاردها في الأسد في ال١١ وين الرابط؟ بقولكم مين حاكم عطارد؟ الشمس الي في درجة صفر وتقابل زحل الخامس، مين حاكم بيتها الثالث؟ المشتري، طيب مين حاكم المشتري؟ نرجع لنفس الدائرة "الشمس الي في درجة صفر وتقابل زحل"
١٤- هنا بالإضافة للي قلته احاديثها الداخلية مع نفسها فيها شيء من الجلد الذاتي تعالو شوفوا قمرها فين؟ في برج زحل وكل هذا جذوره من العائلة لأن اكيد شايفين الحفلة الي في بيتها الرابع وزحل المستقعد في بيت طفولتها، معظم جذور عدم الثقة بالذات تعود لطفولتها محتاجة تنظف الأساسات.
انتهى بكل حُب ✅
هذا تحليل صغنون جدًا لحته صغيرة من خريطتها، وماخفي أكبر وأعظم!
لو نتوغل كمان بالاتصالات وحكام البيوت والدرجات حنستخرج معاني أدق وأدق!
لا تترددون في مشاركة تحليلاتكم للخريطة 💜
هذا تحليل صغنون جدًا لحته صغيرة من خريطتها، وماخفي أكبر وأعظم!
لو نتوغل كمان بالاتصالات وحكام البيوت والدرجات حنستخرج معاني أدق وأدق!
لا تترددون في مشاركة تحليلاتكم للخريطة 💜
جاري تحميل الاقتراحات...