اتمنى تجربون تتصدقون كل شهر وشوفو الرزق شلون يجيكم واليسر والتوفيق والبركة بحياتكم
وبقولكم أسهل طريقه تكسبون فيها أجر
تروحون للبقاله
وتاخذون اكياس تعبونها مويه وعصير
وفطاير وشبسات وبساكيت اللي تقدرون عليه المهم من كل شي تحبونه وبعلمكم ليش قلت من اشياء تحبونها ؟

وتعطينها اي عامل تلقينه قدامك يمشي وينظف بالشمس
وشوفي فرحتهم وحماسهم ودعواتهم
احساس وشعور حلو مررة
لتصل لدرجة أهل البر:
أنفق مما تحب"لن تنالوا البر حتى تنفقوا مما تحبون"،واحذر من الصدقة بالرديء"ولا تيمموا الخبيث منه تنفقون ولستم بآخذيه.."

كان سيّدنا عمر بن الخطاب رضي الله عنه يتصدق بالسكر لأنه يحبه وحتى ينال فضل الله سبحانه وتعالى في قوله :
"لن تنالو البر حتى تنفقوا مما تحبون"
صرت الاحظ بركة هالشي بيومي واحس بسعاده من جوا صار هالشي يونسني ووالله اني مااحس ان فلوسي تنقص سبحان الله ربي يبارك لك
"مانقُص مالٌ من صدقه"

جربوا تسوونها لو مرة وحده واذا مابتطلعين اعطي فلوس اخوانك ويشترون ويعطونهم وبتدعون لي
ونسيت اقولكم سوو نفس الطريقه لعاملات تلقونهم بالمستشفيات او باماكن عامة اذا حصلتيهم اشتري لهم اشياء تحبينها واعطيهم وشوفي كيف فرحتهم وعادي تعطونهم فلوس كاش المهم اخلصو النيه لله والله يتقبل منكم