لما تقابل طبيب نفسي حط ببالك انه هو مثل اي طبيب ثاني، علاجه لحالتك دواء
جلسات ماهي عنده في الغالب
حتى يوصل لهذا القرار ..
بيسمع اعراضك ويشوف هل انت فعلا عندك مرض ولا لا
اما تفاصيل التفاصيل لظروفك، مشاكلك ،قصة الحياة
هذه عادة ما تساعده ع قرار كتابة الدواء مثل الاعراض

فالتركيز الرئيس هو ما تشتكي منه من اعراض ..
ضيقة ، حزن ، قلق ، توتر ، خوف ، مشاكل في التركيز و النوم ، اعراض جسدية .. الخ
ويسالك عن اي عرض ما اشتكيت منه
ثم بعد ذلك يشوف هل عندك موانع من استخدام الدواء ولا لا
ثم بعد ذلك بشكل مختصر عن ظروفك دون الدخول بالتفاصيل

ممكن يسمع مشاكلك ..
لانه ربما يساعده لمعرفة هل عندك اعراض معينة كالذهان او لا …
بعدين يحولك لمعالج حتى يشتغل على ظروفك والمشاكل والصدمات اللي مريت فيها ..
هذا عادة اللي يصير ..
فيه اطباء يسوون جلسات بس عادة مهو كثير ..

يجي السوال طيب ليش اشوف الطبيب .. ابي جلسات من البداية
ما يصلح!
قرار تحتاج دواء او جلسات هذا قرار طبي ماهو سهل ..
لازم تشوف طبيبك ويشوف وش مناسب لك
فيه حالات عندها تفكير انتحار ومحاولات وقررت جلسات من نفسها وفشلت الجلسات .. وتدهورت زيادة صحة المريض!

فيه حالة عندها نوبة ارتفاع مزاج وقلة نوم ونشاط زايد ، ومنبسطة من الاعراض ولا اشتكت.. ثم لما جاء الاكتئاب قالت ابي علاج جلسات ..
فشلت الجلسات في علاج الاكتئاب وتقلبات المزاج لان الحالة تحتاج دواء لتثبيت مزاج ..
والامثلة كثيرة ..
هذا طب ولازم تمشي بمنهج علمي