مؤخراً مريت بمفهوم اسمه صيام الدوبامين ، وجدته مثير للإهتمام لأن كيف الواحد يصوم عن مادة طبيعية تُفرز في الجهاز العصبي؟
الموضوع كله بدأ بسؤال ؛ ليش نستمتع بالأشياء السريعة والسهلة زي التيك توك واليوتيوب ونستصعب المهام الأخرى زي القراءة والمذاكرة والبحث ؟
باختصار شديد ، الدوبامين يُفرز عندما نفعل نشاط وله مكافأة فورية. مثال؛ لما تشوف فيديو مُضحك على التيك توك تضحك ! بعدها جهازك العصبي حاب يعيد الشعور مرة ثانية وتروح تشوف فيديوهات زيادة عشان تضحك
بالتكرار تبدأ عندنا حلقة مفرغة يسمونها mindless scrolling وهي انك تشوف محتوى ورا محتوى بشكل مستمر وغير فعّال وتضيع وقت كبير عليه ولا تلاحظ الا بعدين ان وقتك طار
هنا المثير للإهتمام ، احنا عارفين ان اللي نسويه طلباً للدوبامين مو شرط مفيد لنا ، مثلا طالب عنده اختبار بس جالس عالتيك توك ، او مدمن مخدرات عارف انه المخدرات تضره لكنه مستصعب تركها لان الدوبامين حلو!
طيب ليش نستصعب المهام اللي تستدعي جهد والتزام زي المذاكرة او التمرين؟ لان مالها مكافأة فورية. كيف؟
خذ مثلاً واحد وده يكون اصح ويخسر وزن ويبني عضل ، هل هذي الاشياء بتصير بيوم؟ باسبوع؟ لا طبعاً تحتاج وقت وجهد عشان يوصل للنتيجة اللي يبغاها. عشان كذا الدوبامين يُفرز بمعدل ابطأ لو كانت المهمة "صعبة"
بينما المهمة بذاتها ليست صعبة لكن الإلتزام هو اللي يفرق. الشيء اللي يسوي للنشاط أو المهمة تعزيز او reinforcement هو الدوبامين
طيب شاللي خلاني اشرح هالكلام كله؟
صيام الدوبامين ليس فعلاً كما اسمه ، قد يقل افراز الدوبامين اذا مارسته لكن عملياً ماتقدر تمنع مادة عصبية تمر في مخك اذا سويت شي معين
صيام الدوبامين ليس فعلاً كما اسمه ، قد يقل افراز الدوبامين اذا مارسته لكن عملياً ماتقدر تمنع مادة عصبية تمر في مخك اذا سويت شي معين
ماهو التعريف اللي وجدته اسهل شرحاً لصيام الدوبامين؟ يسمونه digital detox ويستدعي انك "تصوم مؤقتاً" عن الأجهزة الالكترونية ووسائل التواصل الإجتماعي ، وبعضهم يصومون عن الطعام والشراب
وهذا ماوجدته جميلاً ، احنا نصوم رمضان كل سنة وكل مرة نصوم عن الدوبامين فترة من اليوم نصفي فيها اذهاننا نذكر الله ونقرا قرآن.
من هذا الكلام كله وش نستفيد؟ الدوبامين مو شرير ولا قصدي ابين لكم انه مادة سامة ، لكن نظام حياتنا اليومي هذا الجيل يعرضنا لكمية مهولة من الدوبامين ، وكل ما تعرضنا له كلما كوننا تحمّل او tolerance
يعني مثلاً القهوة ، اللي مايشرب قهوة بالعادة لا شربها تأثر فيه ويتنشط وممكن يجيه خفقان ، لكن اللي متعود عليها ويشرب اكثر من كوب باليوم عادي يشرب له كوب وينام بعده 🤷🏻♀️
فتخيل معي انك متعود على جرعات يومية كبيرة من الدوبامين وكل يوم جسمك يتعود عليه وكل يوم تحس انه غير كافي. تعب!
طيب وش الحل؟
خليك واقعي في وقت الشاشة الخاص بك ، مارس هوايات جديدة ، اذا عندك شي يحتاج التزام وممارسة رتب لك فيه اهداف صغيرة عشان كل ماحققت هدف صغير تحتفل فيه وتنتقل للي بعده ، كذا تشجع نفسك على الالتزام
خليك واقعي في وقت الشاشة الخاص بك ، مارس هوايات جديدة ، اذا عندك شي يحتاج التزام وممارسة رتب لك فيه اهداف صغيرة عشان كل ماحققت هدف صغير تحتفل فيه وتنتقل للي بعده ، كذا تشجع نفسك على الالتزام
مو شرط المُتعة بالجوال أو البلايستيشن فقط ، جرب شي جديد يمكن تستمتع فيه. ما اقول احرم نفسك منهم ، لكن حط لك وقت محدد عشان ما تضر نفسك.
اضافة شخصية بسيطة ، يحزنني اللي نسأله عن هواياته ويقول ماعندي. مو انتقاد ولا استنقاص ولا حتى شفقة ، لكن كيف تقضي يومك وتمر في وقت فراغك لو ماعندك اشياء تمارسها للترويح عن نفسك؟ مو شرط تكون هواية نموذجية زي القراءة والسباحة وركوب الخيل 😆
عادي لو اي شي يومي دنيوي بسيط ، مثلاً انا احب ارتب المكان اللي انا جالسة فيه. واحب اعتبرها هواية لان النشاط هذا ممتع بالنسبة لي. احد ثاني يحب يرسم ، احد ثاني يحب يزرع ويعتني بالنباتات المنزلية والامثلة ماتخلص ، اللي عليك بس تجرب شي جديد!
كتبت الكلام هذا كله تشجيعاً للناس اللي ماتعرفوا على ذواتهم وماعندهم نشاط يبذلون فيه طاقة وياخذون منه ايجابية. كلنا مميزين وعندنا قدرات مميزة نستكشفها 🤍
ختاماً احب اقول اني قريت بشكل سطحي عن الموضوع وحبيت انقله بشكل بسيط والأخطاء واردة ، اذا لقيت خطأ أو هفوة في كلامي لا تتردد في تصحيحها 👍🏻
جاري تحميل الاقتراحات...