انا احب رياضة السباحه
مشتركه زي ماقلت لكم في نادي
المهم لما بنزل ( البسين ) احب ادلع نفسي اترك نفسي عالاخر واخذ كل النفافيخ
تطفوا بي
مالكم في الطويله شافتني وحده من مو من نوع ( الطقطقه )
لا لا بل انها من نوع ابعد من الطنازه يتعدا مرحلة التريقه بمراحل
يتبع 1

المهم وانا اطفوا طلبت صديقتي لوح اضافي
قامت الاخت (المنطنزجشيه) واللي ماتعرفني عدل قالت (وااي ماخليتي نفيخه ماخذتيها كل ذا تخافين على روحتش) وهي تتبوسم التبسم الخبيث اياه
فرمقتها رمقة عن بعد وسحبت بقية الالواح اشارة مني لعناد النسوان وقبول المجاكر 😂
يتبع 2

المصيبه هي عندها اكبر نفيخه بالبركه و متشعبطه فيها بقوه المهم اسوي نفسي ماشفتها وانا اطرطش بالماي واتغيشم واصقعها ذيك الصقعه وتنفلت البلونه منها وتقعد تخابط واخليها 😁 حق ابو ثواني حتى وقفت قالت (يتعنز الاعمى على المتكسر) في اشارة لي اني خبله وماعرف اسبح واطق لها الابتسامه
يتبع3

المهم انها وقفت صارت تتنفس وانا اطالعها بحب يشبه حبها قلت (تبين اللوح ولا ما تخافين على روحتش) قامت طنشتني وراحت ودخلت الكوتش وصفرت اشاره لبداية الكلاس قمت فلت كل البالونات ورحت اسبح حتى آخر المسبح وهي تتفرج فيني بحقد 😂 والكوتش تقول لها ( take u blace ) قلت تقول لك اسبحي
يتبع4

سكتت قلت لها عادي قولي للكوتش ماعرف لمكاني
حسيت ان الماي صار دافي من صخونتها
قربت منها قلت لاعاد تتريقين عالناس وتستقوين عليهم وانتي ماتعرفينهم اوك ياحلوه والمشكله انك اضعف منهم
خذت مكانها وتدربنا عادي وطلعت بسرعه من الكلاس
حسافه
ماخلتني اعنقر لها 😂 لكن الوعد بكره 😇
#وناسه