ثريد عن الدورة الشهرية و علاقتها بالدايت و الوزن
من اكبر المشاكل الي بتواجه السيدات هي زيادة الوزن وللاسف اغلب المختصيين بيغلطو غلطة كبيرة انهم بيعاملو الراجل زي السيدة ف الدايت بنفس المباديء بالرغم من الاختلاف ف سيستم الهرمونات بالكامل ف جسمهم و الي بشكل مباشر بيأثر علي الوزن و النظام الي بيترسم للسيدة
حتي طريقة تتبع التقدم بتكون مختلفة عن الرجال ، الي بيتحكم ف دا بكل بساطة هي الدورة الشهرية و الي هنشرحها بالتفصيل و هنربط كل حاجة فيها بالدايت و الوزن ، الدورة الشهرية بتتقسم لنصفين بشكل اساسي و كل نصف بينقسم لنصفين تانيين لكن احنا هنركز علي النصفيين الرئيسيين
متوسط المده هي ٢٨ يوم بتختلف ك زياده او نقص حسب كل سيده برينجات مختلفة ، ف اول ١٤ يوم اسمهم follicular phase و دي بتتحسب من اول يوم بينزل فيه دم لحد اليوم ال١٤ ف ال١٤ يوم دول الهرمون المسيطر هو الاستروجين و دا هرمون لطيف جدا بيساعد ان الشهية تكون مستقره و ان الجسم يكون مرتاح
مفيش اي ستريس و بالتالي كمان مفيش احتباس ميه و استقرار الشهية سببه الاساسي ان حساسية الانسولين ف احسن حالتها ف بالتالي مستويات الجوع و الشبع مستقرة و كمان درجه حرارة الجسم طبيعية ف الجسم مش محتاج طاقة زيادة ، هنا الدايت ممكن يتقسم عادي جدا و كميات الكارب تكون معتدله
مفيش اي مشاكل و تمرين الحديد ف احسن حالاته و الاداء كمان متحسن بيلاحظ ان ف اخر كام يوم من ال١٤ يوم بيحصل احتباس ميه بسيط عند اغلب السيدات و دا طبيعي انه يحصل ، بعدها بيبدأ المرحلة التانية و هي ال luteal phase الي بيحصل فيها عكس المرحلة الاولي ان الاستروجين بيقل جدا و بيحصل زيادة
ف مستويات البروجيستيرون الي بيكون بيجهز بطانه الرحم انها تستوعب الجنين المحتمل ف بيحصل شوية تغيرات مش بسيطة ف الجسم اولها زيادة درجة الحرارة الي بتزود معاها الحرق من ٢٠٠ ل ٣٠٠ كالوري و نادرا ل ٤٠٠ حسب الفروق الفردية الي بالتالي بتحرك الجسم و تزود شهيته ناحية الاكل عشان يقدر يكمل
احتياجات جسمه مش بس كده لا البروجيسترون بيزود الكورتيزول ف الجسم بسبب زيادة التوتر و الستريس ف بيحصل حاجتين اولهم احتباس للميه بسبب رد فعل الكورتيزول انه بيحمي الجسم من فقدان سوايله ف الفتره دي ظنا منه انه محتاجها و زيادة الوزن بتبقي واضحة و بتوصل لحد ٤% من وزن الجسم و بتبان جدا
ك تورمات و انتفاخات ف البطن و الرجل و اوقات السمانه و المنظر العام بيكون كأن الجسم مغيم و مش صافي و الحاجة التانيه هي اضطراب الشهية بسبب التوتر و الستريس المستمر دا و الي بيصعب الموضوع اكتر هو ان حساسية الانسولين بتكون ف اقل مستوياتها ف بالتالي كريفينج للكارب
مش بيخلص و رغبة دايمة ف اكل السكريات و من تجاربي مع سيدات كتير مهما كان السكريات مش من مفضلات اكلهم ف بيكون عندهم رغبه فيها ف الوقت دا و مش بيلاقو تفسير مقنع و مع تقلب المود الشديد الي اوقات بيشخصه الطب النفسي ك مشكلة طبيه محتاجة ادوية اسمها
Premenstrual dysphoric disorder
Premenstrual dysphoric disorder
ف ايوه دا مش دلع بنات ولا انك مش قادره تستحملي و ان الموضوع ممكن محتاج تدخل طبي من مختص عشان الموضوع يبقي احسن ف الفترة دي ، طيب ازاي تتعاملي مع جسمك علي مدار الدورة الشهرية ؟
اول حاجة و اهم حاجة مينفعش توزني ف يوم عشوائي و مينفعش تقارني اي يوم ب يوم كده و خلاص لازم تبقي عارفه ان
اول حاجة و اهم حاجة مينفعش توزني ف يوم عشوائي و مينفعش تقارني اي يوم ب يوم كده و خلاص لازم تبقي عارفه ان
كل فتره ف الشهر وزنك مختلف و دا طبيعة جسمك و الي ربنا خلقك بيه يعني وزنك ف اليوم ال٢٥ هيبقي اعلي من وزنك ف اليوم السابع لو بتحاولي تثبتي وزنك و لو بتحاولي تخسي و وزنتي ف نفس المدتين ممكن تفتكري ان وزنك زاد او ان الدايت فيه مشكلة او وزنك ثابت مع ان مفيش اي مشكلة غير عدم درايتك
الكافية بجسمك ، الحل هنا انك توزني كل يوم او اكتر من مره ف الاسبوع و تقارني اسبوع ب اسبوع مع مراعاه الفتره نفسها يعني مينفعش اقارن اول اسبوع ب اخر اسبوع لكن اقارن متوسط اول اسبوع من الشهر ب متوسط اول اسبوع من الشهر الي بعده و متوسط اخر اسبوع ف الشهر ب متوسط اخر اسبوع ف الشهر الي
بعده غير كده مش هتشوفي نتايج و توتري نفسك و بس ، كمان المقاسات مينفعش تتاخد ف اخر اسبوع و لازم تبقي عامله حسابك ان جسمك مش ف حالته الطبيعية عشان تستني منه نتايج ف متبدأيش الموضوع غلط و تستني تشوفي نتيجة ازاي طيب ؟
النقطة الاهم هنا هي السيطرة علي حالتك النفسية تجاه الاكل خصوصا اخر
النقطة الاهم هنا هي السيطرة علي حالتك النفسية تجاه الاكل خصوصا اخر
فتره الحل الجذري هو ان يكون في نظام يكون في ترتيب واضح لوجباتك مينفعش يكون الاكل عشوائي مينفعش تاكلي لما يكون نفسك تاكلي عشان ساعتها مش هتحبي تاكلي فراخ و رز لا هتحبي تاكلي شوكلاته و جنك فود هيدخلك ف دوامه من الاكل الي انتي مش محتاجاه اصلا
لازم يكون النظام مشبع و كمياته كبيرة و اصنافه مقبولة ليكي و في سيدات بيحبو يزودو الفاتس علي حساب الكارب ف الفتره التانيه من الدورة الشهرية و دا بيساعدهم يتحكمو ف موضوع حساسية الانسولين لكن دا مش ضروري عند الكل و التجربة هي الي تعرفك ، مهم كمان تعرفي ازاي تبني علاقه صحية بالاكل مع
جسمك و تتواصلي معاه و تفهميه و تترجمي شهيتك صح و تفهميها و تفرقي بين الكريفينج الحقيقي و الكريفينج الي تحت تغيرات هرمونات جسمك و دا هيحصل بالتجربة مره و اتنين و ١٠ لحد ما تسيطري علي جسمك و تفهميه و لازم تحاولي و تفشلي عشان تتعلمي من غلطات قبل كده لكن لو متوقعه انك تاكلي بنفس
الاسلوب الغلط و تعملي نفس الغلطات و مستنيه نتيجة يا اما جسمك وحش و مش بيحرق ف انتي بتخدعي نفسك و بتخلقي ستريس وهمي هيكون سبب ف مشاكل كتير ليكي ف المستقبل ، الدورة الشهرية ربنا خلقك بيها ف مفيش مشكلة ف دا لازم تتقبلي تغيرات جسمك و تقلباته و لازم تعرفي ان دا الطبيعي و انك تحبي نفسك
ف كل مراحلها عشان تقدري تتعاملي معاها صح و تطلعي منها مرتاحه ب اقل خساير او حتي بدون خساير و من تجاربي مع سيدات كتير مع نظام مناسب و تعليمهم ازاي يتعاملو مع جسمهم ف الفترة دي كانت النتايج هايله و كل المشاكل دي اتحلت ف انتي كمان تقدري تعملي دا !
جاري تحميل الاقتراحات...