يقول رئيس بي تك للتجارة محمود خطاب إن العادات الشرائية في القرى المصرية تدعم نمو سوق الأجهزة الكهربائية رغم التضخم لأن يكون بها طلبات مبالغ فيها عند الزواج. هذا حقيقي ويحدث في الأحياء الشعبية بالقاهرة أيضاً، مثلاً يجهزوا العروسة رغم فقرهم بثلاجة وديب فريزر/ خلاط وكيتشن ماشين 1/4
غسالة فول أوتوماتيك وغسالة عادية وغسالة بيبي إلخ. وعندما يتعثر عليهم السداد ويدخلوا السجن في قضية شيكات يقولولنا إحنا نسدد ديون الغارمين والغارمات وإحنا شخصياً ما عندناش ربع الأجهزة اللي عندهم :) فأنا أسدد ليه بقى فشخرة غيري؟ لو كانت دي عاداتهم وتقاليدهم فلازم يغيروها 2/4
ما ينفعش ندعم استمرار السلوك الاستهلاكي غير المبرر ده. الناس لازم تتعلم إزاي تعيش على قد دخلها وإنها تشتغل عشان تكسب مش يعيشوا وفي دماغهم إن في حد يعطف عليهم ويسدد لهم ديونهم وكمان يأكلهم ويشربهم بكراتين رمضان وغيره وغيره. إحنا كدة بندعم الركود الاقتصادي والزيادة السكانية 3/4
الطبقة بتاعتي بتعاني اقتصاديا جداً ومع ذلك مش بيتعمل حسابنا في أي مساعدات اجتماعية ومش بنلاقي حد ييجي يسدد أقساطنا مثلاً ولكن دايما بياخدوا مننا واحنا حرفياً نعيش بأسلوب حياة أبسط كتير من الطبقة اللي بيقولوا عليهم فقراء وهو اسلوب حياتهم مفيهوش ريحة الفقر 4/4
جاري تحميل الاقتراحات...