أهم نصيحة حتى مايرجع الاكتئاب
وحتى تنتصر عليه من البداية:
-لاتتبع شعورك. لاتتبع شعورك.
لمن تحس إنّ النشاطات الي تسعدك بالعادة معد تسعدك! لاتوقفها أبدًا! إذا وقفتها فأنت ماتساعد نفسك بالعكس تساعد الاكتئاب يطول ويبقى.
مارس نفس نشاطاتك حتى لو نص الوقت الي كنت تقضيه. المهم لاتوقف!

وضروري:
-تتكلم عن مشاعرك مع شخص يفهمك.
-تقابل الي تحبهم.
-ماتنطوي على نفسك ولا تجلس لوحدك وقت طويل.
-تحاول تبني نمط صحي(تمارين، اكل نظيف)
حتى لو تتمرن 5 دقايق. المهم ماتوقف وتحرك جسمك. لإنّه بيساعدك كثير.
لاتنتظر الشعور يتغير. خلي الشعور. ركز على إنّك تسوي حتى لو ماحسيت بتغير.

-وبيساعدك كثير لو يكون عندك نمط نوم روتيني (مو متقلب وغير ثابت)
-الشاور البارد ممكن يكون حل مؤقت وسريع.
المهم. لاتحط في بالك انّك لازم تحس بتحسن بعد التمرين. خلي هدفك تتمرن وفقط. بغض النظر عن شعورك قبل وبعد.
خلي هدفك ”الفعل“..
وليس انتظار تغير الشعور.

وكذلك بكل الأمور:
لاتنتظر مشاعرك تتغير بعد ممارسة نشاطاتك المُفضلة، بعد مقابلة صديق… إلخ.
الفكرة المهمة:
-عدم التوقف.
-الاستمرار.
-المحاولة.
-عدم انتظار تغير/ اختفاء الشعور.
ومراجعة مُختص بتساعدك كثير.