كلمتين في خاطري لكل طالب وطالبه ادري ي قره العين ان عليك ضغط كبير جدا من الجامعه اختبارات وتسليم مشاريع وتحضر نفسك لمشروع التخرج وضغط من اهلك انهم معشمين عليك ويبغون يفرحون بك وضغط عليك من نفسك ان تجاهد نفسك وخايف من المستقبل لكن خلني اعلمك على كم شي لاني جايك من المستقبل

اول شي ي بهجة فؤادي تذكر قول الله عز وجل ( فإن مع العسر يسرا إن مع العسر يسرا ) ذكر ان مع العسر الي هو الكرب والهم والحزن شوف ياتيك الفرج والبشاره الي تبكي من حجمها وهي تخرجك او سهوله اختبار ياتيك او الA+ الي ماكنت متوقعه فلا تحزن وتذكر ان الله عز وجل معك دائم وابدا

ثاني شي ي انشراح صدري تذكر ان هذا الوقت سيمضي مهما واجهت منه صعوبه او هم او غم والله بعد فتره ستتذكر هالوقت وتضحك عليه وتقول انك قلقان من ولاشي فلا تهلك صحتك وتفكيرك على شي سيمضي ونتائجه ستفرحك لان تعبك لن يروح مهما صار لك

ثالث شي ي نظر عيني قدامك شخص متخرج مقبول من الجامعه وتوظف بوظيفه لائقه به وبراتب طيب غير العروض الي توصلني بين فتره وفتره فلا تظن ان معدلك النازل او رسوبك في ماده راح يغير شي راح تاخذ رزقك لو اجتمعو كل البشر عليك والله ستاخذه
وفقني الله وياكم ي مستقبل الوطن ❤️