جا ببالي كلام اقوله وخذوه قاعدة بحياتكم استغربت ان في ناس للحين ماتطورت وعلى تفكيرها الناس تتفشل من اي شي الحال اللي اي شخص عليه الان مو هو اللي اختاره نسبك جمالك وزنك طولك حالتك المادية حرص امك وابوك عليك مو شي يفشل قدام الناس

- صديقاتك بيطلعون مكان وامك قالت لا ترا مو عيب ماتروحين معهم عشان امك ماتحب هالمكان قوليها وبثقة ويقول اللي يقول
- اشوفها بكثرة يقولون استحي اطلع جوالي قدام البنات، الجامعة.. الخ لان اصدارتهم افضل مني طيب حبيبيتي اللي بيدك شغال؟ تتواصلي فيه مع الناس؟ خلاص خليك واثقة

- بعزم صديقاتي على بيتي بس بيتنا قديم، اثاث بيتنا قديم مو فخم... الخ
طيب مو انتو بتتجمعون للوناسة ولا الفشخرة ومعليش اذا اللي حولك يهتمون بالمظاهر اتركيهم وبس اشوف هالايام الناس واعية اكثر

دورك انت كشخص بالمجتمع اترك الناس بحالهم.
- شخص كان نحيف وسمن مالي دخل اسأله ولا اقوله ترا انت سمنت اكيد هو داري ويمكن بهالفترة بيعاني من مشكلة ليه ازيدها عليه.
-وحدة لابسة وكاشخة على قدها وعلى ذوقها مافي داعي اخرب فرحتها والمح لها ان ذوقها ما اعجبني.

-شخص عزمني الله يعطيه العافيه وماعجبني اكلهم مافي داعي اكسر بخاطره والمح ان اكلهم مو زين يمكن هذا المتوفر عندهم يمكن هم كذا طبخهم
الشيء الوحيد اللي بيبقى الاثر الطيب وجبرك لخواطر الناس وجبر الخواطر على فكرة عليه اجر ومايسمى مجاملة وشكرا