مكان العمل
التكنولوجيا
الصحة
نمط الحياة
تحقيق التوازن بين العمل والحياة
العمل عن بساطة
مكتب المنزل
رفاهية مكان العمل
كنت بحاول الفترة إللي فاتت أظبط مساحة في البيت عشان يبقي عندي home office مريح و كمان أشتري كل اللي محتاجه من مكتب و كرسي و شاشة و ما إلى ذلك.
تعالوا أحكيلكم عملت إيه بالتفصيل 🧵
تعالوا أحكيلكم عملت إيه بالتفصيل 🧵
من حوالي شهر كده بدأت شغل جديد في GitLab و للناس إللي متعرفش، الشركة دي all-remote يعني باختصار مفيش مكاتب و بنشتغل من أي مكان في العالم (على الأغلب في البلد اللي انت مقيم فيه).
و عشان كده الشركة بتساعد شوية في مصاريف إنك تعمل home office تشتغل منه و يكون مناسب ليك لأنهم مدركين مدى أهمية الموضوع ده لراحة الموظفين و تحسين أدائهم (تخيل لو بتشتغل طول الوقت من على كنبة مثلاً و تأثير ده على جسمك و صحتك).
المهم، أول ما اشتغلت في الشركة مكنش عندي أي حاجة من دول، مفيش مكتب، مفيش كرسي، مفيش شاشة!
أول خطوة كانت الاستثمار في standing desk كويس، و ده بيبقى مكتب ممكن تتحكم في ارتفاعه (في حدود معينة) من خلال موتور كهرباء متثبت فيه، بيسمح لك تطلع و تنزل المكتب من headset متعلقة في المكتب من قدام زي اللي في الصورة كده.
الهدف من استخدام مكتب زي ده هو إنك تقدر تشتغل و انت واقف و ده صحياً أفضل للجسم، و ده لأنه جسمنا مش المفروض أنه يفضل قاعد على كرسي ٨ ساعات أو اكتر في اليوم.
المكتب اللي اشتريته فيه خاصية جميلة بتسمح إنك تسجل ٤ ارتفاعات في الذاكرة بتاعته، بحيث بدل ما تحتاج كل مرة تقعد تطلع و تنزل و تاخد وقت عشان تفتكر انت كنت حاطط المكتب على أي ارتفاع، ممكن تختار ارتفاع معين يبقى preset و لما تدوس على رقمه يطلع او ينزل للارتفاع ده زي الفيديو كده.
و بيكون فيه شوية اختيارات تانية و ألوان مختلفة و طبعاً كل حاجة زيادة بتزود السعر.. المكتب ده كان متوفر ليه كذا نوع desktop بس انا كنت بقارن بين bamboo و laminate و استقريت في الاخر على laminate desktop عشان مكنتش مستريح للخشب الطبيعي و كمان كنت عايز حاجة لونها غامق.
الخطوة التانية كانت شراء كرسي مكتب ergonomic (و ده مصطلح بيقصد بيه أنه الحاجة دي متصنعة بشكل مخصوص عشان تبقى مريحة اكتر في بيئة العمل).. الهدف هنا أنه ده شيء هتقضي وقت طويل من ساعات شغلك بتستخدمه و لازم يبقى مريح.
بالطبع في أنواع مختلفة لكراسي المكتب بتحقق الموضوع ده بس بتختلف كتير في السعر و جودة الخامات المستخدمة.. أنا كنت عايز اجيب كرسي مشهور اسمه Herman Miller Aero بس مشكلته أنه غالي (سعره في ألمانيا جديد ميقلش عن ١٣٠٠ يورو).
بس طبعاً الشركة حاطه budget لكل حاجة.. فرغم إني شايف ده استثمار على المدى البعيد لأنه كرسي زي ده بيبقى جودته عالية و ممكن يقعد ١٠-١٥ سنة بدون ما يبوظ - فرق السعر كان هيبقى كتير، فأتجهت لبديل مناسب بالمبلغ المتاح (في حدود ٢٠٠ - ٤٠٠ دولار أمريكي) .
الكرسي اللي اشتريته من @autonomousdotai و في كذا حاجة بتساعد على الراحة فيه، أول حاجة إنه فيه مسند للرأس ممكن يتحرك بدرجات معينة بحيث يناسب الطريقة اللي قاعد بيها و شكل جسمك. الحاجة التانية إنه فيه مسند في الخلف زيادة بيدي support لأخر جزء في الظهر.
autonomous.ai
autonomous.ai
مشكلتي الوحيدة معاه إني بقالي فترة كبيرة بشتغل من البيت و ضهري باظ تقريبًا من القعدة على الكنبة 😅 لدرجة اني بحس بألم لما أفضل قاعد فترة على الكرسي في وضعية مظبوطة و صحيحة بس بحاول أتحرك كل شوية و أقف عشان أخفف الألم ده.
الحاجة التالتة كانت شراء شاشة خارجية، و الهدف الأساسي من ده إنك غالبًا مش هتبقى بتشتغل طول الوقت من اللابتوب نفسه لأسباب مختلفة بس منها مثلاً إنك مش بترتاح في استخدام keyboard بتاع اللابتوب أو عايز تستخدم mouse بدل trackpad.
و أنا وجهة نظري أنه الشاشة لازم تبقى كبيرة بس مش أوي، يعني متبقاش اصغر من ٢٧ inch و مش اكبر من ٣٢-٣٤ لأنه الشاشات الأكبر هتعاني معاها غالبًا خصوصًا لو انت مبرمج. لو بتشتغل حاجة مختلفة ممكن الشاشة الأكبر تبقى أفضل لك. طبعًا كل شخص و تفضيلاته.
حاجة كمان مهم تبص عليها خلال بحثك عن الشاشة، و هي درجة الوضوح او resolution.
انا اخترت شاشة 4K لأسباب مختلفة. بس رأيي عمومًا إنه ال 4K يعتبر أحسن حاجة في حدود الفلوس و الجودة المتاحة لشريحة كبيرة من الناس حاليًا. لو جبت حاجة أقل من كده قيمتها هتنقص مع الوقت غالباً! 🤷🏻♂️
انا اخترت شاشة 4K لأسباب مختلفة. بس رأيي عمومًا إنه ال 4K يعتبر أحسن حاجة في حدود الفلوس و الجودة المتاحة لشريحة كبيرة من الناس حاليًا. لو جبت حاجة أقل من كده قيمتها هتنقص مع الوقت غالباً! 🤷🏻♂️
أنا مش هتطرق لأدق مواصفات الشاشة لأنه في حاجات كتير و أنواع كتير أوي تختار منها حتى من ماركات مختلفة. نصيحتي بس إنك لما تشوف الشاشة، لازم تشوف مدى توافقها مع الحامل اللي هتثبتها بيه على المكتب.
أنا اخترت شاشة من LG معاها Ergo Stand متصمم أنه يتركب بسهولة على المكتب و standardized، يعني ينفع يتركب عليه شاشات تانية مختلفة و كمان بيتيح انه الشاشة تتحرك ٣٦٠ درجة حوالين نفسها (زي ما موجود في الفيديو 👇🏼بس طبعا أنا لاففها هنا ١٨٠ درجة علشان مش هينفع أخبطها في الحيط 😅)
ده شكل المكتب بعد ما ركبت الشاشة عليه بالحامل بتاعها، و الشكل النهائي للمكتب بالشاشة مع الكرسي! 🙌🏼
طيب ايه تاني ممكن تحتاجه؟
1️⃣ keyboard خارجي لو بتقفل اللابتوب و مش بتستخدم الشاشة بتاعته
2️⃣ trackpad أو mouse خارجي لنفس السبب☝🏼
3️⃣ desk mat عشان تحافظ على المكتب نفسه و تحط حاجاتك عليه
4️⃣ noise-cancelling headphones عشان التركيز في شغلك و الابتعاد عن المؤثرات اللي حواليك
1️⃣ keyboard خارجي لو بتقفل اللابتوب و مش بتستخدم الشاشة بتاعته
2️⃣ trackpad أو mouse خارجي لنفس السبب☝🏼
3️⃣ desk mat عشان تحافظ على المكتب نفسه و تحط حاجاتك عليه
4️⃣ noise-cancelling headphones عشان التركيز في شغلك و الابتعاد عن المؤثرات اللي حواليك
حالياً ده شكل المكتب بعد ما حطيت عليه ZSA Moonlander keyboard و بستخدم Apple Magic Trackpad 2 و السماعات اللي متعلقة تحت نوعها Sony WH-1000XM4.
انا لسه عندي حاجات كتير عايز أعملها (زي مثلاً تنظيم كل الأسلاك اللي تحت المكتب دي) و الموضوع كده كده بياخد وقت، بس نصيحتي انك تبدأ خطوة خطوة و كل فترة اشتري حاجة جديدة أو زود حاجة كمان لغاية ما توصل للشكل و النظام اللي يكون مريح بالنسبة لك.
نقطة أخيرة، معظم الحاجات دي شركتي بتدفع جزء من ثمنها زي ما ذكرنا بس طبعاً في حدود معينة (في price guide على موقع الشركة مكتوب فيها تفاصيل أكتر) و الفرق في السعر انا بتحمله طبعاً
#price-guide-for-common-home-office-items" target="_blank" rel="noopener" onclick="event.stopPropagation()">about.gitlab.com
#price-guide-for-common-home-office-items" target="_blank" rel="noopener" onclick="event.stopPropagation()">about.gitlab.com
أنا طبعا عارف إن مش ضروري فرصة وجود شركة بتدعمك ماديًا علشان تعمل home office موجودة لكل الناس. بس أنا كتبت الثريد دة علشان لو حد حابب يعمل مكتب في البيت و مش عارف يبدأ منين، يمكن كلامي يساعدك شوية أو ينظم أفكارك لأني كنت في التوهة دي مدة طويلة.
لو عجبك الثريد اعملي فولو ✨ هبقى كل فترة اكتب حاجات جديدة عن home office setup و عن الشغل بتاعي و remote work عموماً 🤸
جاري تحميل الاقتراحات...