#ثريد نحنا ليه بنتغير ؟؟ ليه شعورنا ناحية بعض بتغير ؟؟ وبذبل وبموت ، ليه مابنفضل بي نفس الشغف و الجنون طوالي ؟؟ أنا عايزك تمشي أى محل بتاع موبايلات وتشترى ليك تلفون بي سعر قول بي 100 ألف لو إشتريتو خلال ربع ساعة بدون ما تكون عارف شكلو أو مكانو مسبقاً أهنيك إنت ماحاتتغير بسهولة
بالمقابل الطبيعي لي معظمنا إننا حاناخد 3 أو 4 ساعات عشان نشترى التلفون دا عشان لازم نقارن بينو وبين باقي التلفونات الفي السوق ونسأل فلان ونستشير علان الشاهد إنو فكرة ال100 ألف جنيه دي قروش كتيرة بالنسبة لي معظم الناس العاديين بالتالي إنت بتشوف نفسك عالى القيمة ونادر وعظيم وقابل
للانقراض ومافي منك على كوكب الارض إتنين والاحساس دا متوفر بالمناسبة عند الناس المتزوجين وبظهر عليهم بعد أول خمسة سنين زواج إحساس التسرع في الاختيار وإني لو صبرت كنت حااجيب أحسن منها وهكذا ، إنت بي بساطة شديدة عبارة عن ال100 ألف جنيه دي وبس وشريكك فى العلاقة هو التلفون الجديد دا
حاتلقى تلفونات كتيرة أشكال وألوان إختيارات كتيرة ومبهرة وجذابة وبتحاول تلفتك بي أي وسيلة ، نحنا فى زمن لو عنتر عمو رفض يعرس ليهو عبلة فى نفس اليوم بعمل فلو لي سارا بت عمها طوالي ويكتب ليها في الدي إم بحبك تعرسيني؟؟ نحنا ياسادة فى زمن ردود الافعال والعلاقات الإنتقامية لأننا بنداري
الجرح القديم بي لصيق شخص جديد بنجرحو إنتقاماً لمن جرحنا من قبل ، نحنا بنتغير لأننا شايفين روحنا حاجة كبيرة أكبر من إنها تبقى ملك شخص واحد رغم إنو أرقى حاجة فى الدنيا إنك تبقى شئ خاص جداً لأحدهم تحت مسمى الحب وشايفين الطرف التانى قابل للإستبدال أو التعويض ودا غلط وبصراحة شديدة
البساعد في العملية دى هى كمية الإختيارات الكتيرة المتوفرة وكم المعروض المزيف فى أشكال كتيرة ، فياعزيزي لن تجد السعادة فيها إطلاقاً خليك زى ما إنت ما تتغير بل حارب عشان واحد وعيش معاو باقى عمرك الفضل💕
جاري تحميل الاقتراحات...