خليك سنجل لحد ..
—
شوف الـ Thread
—
شوف الـ Thread
١- لحد ما تحب و تقدر نفسك ، مشكلة كبيره انك تدخل في علاقه عشان تستمد من الشخص ده قيمتك و اهميتك ، لو انت مش مقدر و بتحب نفسك و بتستمده من برا فأنت بتدمر نفسك
٢- لحد ما تتعافى من كل علاقاتك السابقه و مشاكلك النفسيه اللي ممكن بسببها تظلم نفسك و الشخص اللي معاك
٣- لحد ما تلاقي الشخص اللي كل مناقشاتك معاه لها معنى و عندك شغف في الكلام معاه في كل حالاتك و تكون على طبيعتك معاه
٤- لحد ما يكون تفكيرك انك محتاج شخص عشان تكبروا و تنضجوا سوا و تشاركوا بعض في الوحش و الحلو ، مش مجرد انك محتاج شخص يدعمك و يخلي باله منك
٥- لحد لما تحس انك مكتفي بنفسك و ممكن تقعد فترة كبيرة مش محتاج حد معاك او جنبك
٦- لحد ما تكون قادر انك تملى الفراغ اللي جواك بنفسك و بهواياتك مش مجرد ترتبط بشخص عشان يملالك وقت فراغك ، و تفهم ان لكل شخص مساحته الشخصية اللي بيلاقي نفسه فيها
٧- لما تكون متعود خصوصاً في وقت زعلك و اكتأبك تشارك الشخص اللي معاك بمشاعرك ، مش تروح تقعد لوحدك و تقفل على نفسك لان ده من حقه عليك
٨- لما تكون عندك طاقه كافيه انك تكون مع شخص تاني ، الطاقه دي بتشمل الوقت و البال و المشاعر
٩- لما تكون عارف انك مش عايش لوحدك و تقدر تضحي ببعض حاجات في شخصيتك عشان الشخص اللي معاك و عشان العلاقه تكمل ، و تشيل من دماغك تفكير اصل اللي بيحبني يتحمل عيوبي
١٠- لما تكون سوي نفسياً و تتخلص من رغبتك في التحكم و السيطرة على اللي معاك او تبتزه عاطفياً او تكون بتسمع و بتدي ودنك للناس اللي حواليك و يأثروا على قرارتك
١١- لما تكون بتقدر تسامح و بتعدي للي قدامك و تقدر انكم بشر وارد حد يغلط
جاري تحميل الاقتراحات...