توفيق له كم يوم مسوي مشكلة وتفاقمت عليه بسبب مكابرته وصارت ثلاث مشاكل بأعدها لكم وحدة وحدة ،، جيرانا الجدد مسافرين مكة والاخ جايب عمال يرشون مبيدات زراعية في بيته والباقي من علب المبيد راح كمل به على الشجر اللي في رصيف الجيران الجدد اللي مانمون عليهم (هذي المشكلة الأولى) ،، يومين
والشجر ميت وتجمعت عليه حشرات غريبة ،، راح جاب عمال يقصون الشجر يقول طالع عليها قرار انها أشجار مضرة بالصحة العامة وباسوي فيهم خير مسافرين مايدرون مساكين (المشكلة الثانية)
البيت عليه كاميرات عن طريق الجوال وراعي البيت نزل المقطع في القروب وقال اشهدوا عليه لو ما رجعها والا ترى ببلغ
البيت عليه كاميرات عن طريق الجوال وراعي البيت نزل المقطع في القروب وقال اشهدوا عليه لو ما رجعها والا ترى ببلغ
عليه ،، قال ماتت مقدر ارجعها وبعدين هذا جزاي اسوي فيكم خير واحميكم من الاضرار وعلى حسابي؟؟ قال اقولك رجعها خلال يومين والا ترى بأبلغ عليك بتهمة التعدي على أملاك خاصة ،، رد توفيق: ماتفهم انت يامسلم؟؟ (اذا قال يامسلم يعني تراني معصب) ،، رد عليه وقال: أفهم ومهو انت اللي تفهمني
انتهت المحادثة مدري شصار الظاهر اتصل عليه واتفقوا خلاص ،، كتب المشرف انه يعتذر على سوء الفهم وان الموضوع انحل بالتفاهم وتنفسنا الصعداء ،، بعد 50 دقيقة من الصمت التام استقبلنا وبشكل مفاجىء رسالة تصعيد غير مبرر من توفيق (ماقرأ آخر رد من الجار لأنه طلع وقتها من الواتس عشان يكلمه
اتصال ويوم رجع للقروب بعد انتهاء المشكلة قراه وطاش يحسبه رد جديد ،، هذا تحليلي للتصعيد)
كتب: ايه افهمك اذا منت راضي تفهم وترى الحق راكبك من راسك لساسك لأنك شهرت بي في قروب مليان ناس ماتسوى (المشكلة الثالثة)
احلف ان نيته طيبة ومتأكد ان قصده (مليان ناس ، ماتسوى) الفرق فاصلة
كتب: ايه افهمك اذا منت راضي تفهم وترى الحق راكبك من راسك لساسك لأنك شهرت بي في قروب مليان ناس ماتسوى (المشكلة الثالثة)
احلف ان نيته طيبة ومتأكد ان قصده (مليان ناس ، ماتسوى) الفرق فاصلة
يعني يقصد القضية ماتسوى تشهر بي قدام قروب مليان ناس ،، لكن الغثا يدور أهله ،، طبعاً محد رد عليه لأن محد فاضي يتناشب معه ،، وجارنا الجديد راسله جارنا فهد وشرح له قصة توفيق وانه يحتاج تعامل خاص ،، قال انتم اللي دللتوه والدليل انه يسفل فيكم وساكتين ،، قال كيف يسفل فينا؟؟
قال اقرا ايش مكتوب بالقروب يقول عنكم ناس ماتسوى ،، فهد زعل وصور المحادثة في القروب وارسلها لأبوي يقول والله انه صادق كله من مجاملاتنا له حتى انت يا ابو احمد خلاك ماتسوى ،، ابوي زعل وقال يمكن اثار الصوم اتركوه الله يهديه ،، بس باقي القروب زعلانين لأن فهد يمشي ويشبب فيهم بالخاص
وانا من ضمنهم وصلتني على الخاص رسالة فهد اللي فيها كابتشر المحادثة ،، شخصياً المشكلة الثالثة متأكد انه مايقصد يسب القروب هو اصلاً يرى فيهم ضمان بقاءه حياً وبدونهم مايقدر يكمل حياته ومحد راح يتحمله ويفهمه مثلهم ،، وبنفس الوقت انا مستحيل ادافع عنه واصحح له موقفه قدام الباقين لأنه
مايستاهل ولو انا اللي غلطت كان فضح بي وقوم الدنيا علي وما قعدها ،، المهم تعاطفاً معه قررت اكف خيري وشري وابقى على المدرج أتفرج ،، لين تفاجئت برسالة خاص منه يقول اسأل زملائك في العمل عن مكان بيع نوعية الأشجار عشان اشتريها (يقول اسأل زملائك كعذر عشان يستفزع بي والا شدخل زملائي؟؟)
وانا محتار ان فزعت له ابوي بيدري اني تراجعت عن حلفي بعدم مساعدته وبيصير يحول علي كل مشاكله ،، وان مافزعت له بيكبر المشكلة مع الجار الجديد لأن تكتيك توفيق قائم على مبدأ إذا مالقيت مخرج فجرها في وجه خصمك وصعد المواضيع ،، وهذا غالباً اللي بيصير معه اذا مالقى مخرج ،، بشوف وش يصير
جاري تحميل الاقتراحات...