ثريد سريع عن السيكيوريتي للاسف اتعرضرله بشكل شخصي عن سرقة التليفونات بس اعتقد التجربة ممكن تكون مفيدة لناس كتير. ربنا ميتكتبها علي حد انه يقع في الموقف ده ابدا بس عالاقل هيبقي مفيد لو وقعت فيه انه ميبقاش موت و خراب ديار.
مبدايا نصيحة متطلعش تليفونك في الشارع تتفرج عليه لانه بسهولة ممكن حد علي عجلة او موتوسيكل ينتشه. الموضوع ده منتشر في العالم كله في مصر مثلا مشهور الاتينن اللي علي موتويسكل بينتشوا الشنط في اوروبا العجل كتير فالسرقة بتبقي بالعجل اكتر. اه صح يقال انجلترا هي عاصمة سرقة التليفونات
و صدقني مش هتلحق تتصرف لان اللي بينتش مبيقفش اصلا و حتي لو رياضي عمرك مهتجيب سرعة العجلة او الموتوسيكل. طيب ايه مشكلة السرقة. فيه مشكلتين اولا هي خسارة التليفون و ثانيا لو التليفون عليه بلاوي توديك في داهية زي حسابات بنوكك مثلا او داتا للشغل بتاعك ممكن تكون اغلي من ثمن التليفون
طبعا اول حاجة انك لازم تكون قافل تليفونك ب PINو لو تليفونك بيدعم ال Biometric زي ال Face Id لازم تكون مفعله. ده عالاقل هيضمن ان اللي سرق التليفون مش هيعرف يوصل للحاجة اللي جواه فتبقي عالاقل مش شايل هم الداتا اللي جوا او شغلك
اه مبدايا انسي حوار التتبع و الكلام الفاضي ده. الحرامية عارفيه و هارسينه و حتي لو مشغل Find My Phone مش هتوصل لحاجة لانه بعد ثانية بيحطف في شنطة signal blocker بحيث ان ميتعرفش تتبعه. زي اي بلد في العالم هتروح تعمل محضر و تديهم ال IMEI علي اساس انه يعني الحرامي ميعرفش يبيعه
غالبا الحرامي بيطلع التليفون برا البلد بحيث ان ميظهرش عالشبكة بتاعة البلد و كدة محدش هيوصله. طيب في التليفونات الحديثة اصلا هو ميعرفش يفرمتها او يفكها الا لو عارف ال PIN و ال iCloud او ال Google account بتاعك فازاي الحرامي هيحاول يبيع تليفونك برا البلد حتي ؟
الحرامية دلوقتي اتطورا و بقي الموضوع شبكة منظمة. اولا اول طرف هو الحرامي اللي نتش التليفون ده بيوصله للطرف التاني في العصابة. لو تليفونك فستك هيفرمته و يبيعه اما لو انت مثلا ماك تليفون الامان فيه عالي زي iPhone الحرامي مش هينفع يتباع علي طول فبخشوا عالجزء التاني من العملية
زي الشطور لما تليفونك بيتسرق بتخش علي Find My Phone و تحط التليفون في Lost Mode و تسيب رقم تليفون للتواصل (علي اساس مثلا انك هتتفاوض مع الحرامي). اللي بيحصل ان الحرامي بياخد الرقم ده و يلعب عليك لعبة ظريفة
هتجيلك رسالة من رقم هيقول انه Apple Support و ان تليفونك اتحدد مكانه او الشرطة لقيته و يديك لينك شبه بتوع Apple علي اساس انك تدخل بيانات حسابك فيه (عشان تشوف مكان التليفون يعني)
طبعا مع الادرنالين ممكن تغلط و تدخل الPin بتاعك و بيانات حسابك و ساعتها انت سلمتله نفسك 😅
طبعا مع الادرنالين ممكن تغلط و تدخل الPin بتاعك و بيانات حسابك و ساعتها انت سلمتله نفسك 😅
في الحالة بتاعتي انا قمت واخد الموقع ده و عملت DDOS عليه و SPAMMIN لبيانات غلط لحد مالموقع وقف. او العصابة قفلته يعني و هتنقل علي موقع تاني. غالبا كدة هيفقدوا الامل و هيرموا تليفوني لاني قدام اني قفشت اللعبة انا متاكد ان فيه 100 عالاقل وقعوا فالنصبة دي.
اللي وقع في النصبة دي مش بس سلم الحرامي تليفونه يبيعه. لا ده سلمله كل حاجة عالتليفون من شغل و حسابات بنوك و هكذا. و دي للاسف ساعات بتبقي اغلي من التليفون نفسه.
انا دمي محروق علي تليفوني اللي جايب فلوسه بتعبي و حسبي الله في الحرامية و اتمني ناس كتير تشوف الثريد ده عشان متقعش في غلطاتي اللي بدات اني كنت فاكر اني في امان و مش مدي خوانة لحد النصباية اللي كانت هتتعمل عليا عشان يفتحوا التليفون. و الحمد لله اني عرفت اقرفهم و قفلتلهم موقع نصب
جاري تحميل الاقتراحات...