شهر رمضان جاي وقرّب ونفسي اتكلم عن هذا الموضوع وكيف انه شهر عظيم ولازم نستعد له استعداد قوي جدا ❤️
اول شي في هذا الشعر بالذات ابعدي عن الذنوب كلها ترا حرام والله العظيم تضيعين كل ثانيه فيه في اشياء تافهه ومسلسلات وغيرها ابعدي عنها كلها وابدي رحله مع ربي وشوفي ترا يمكن قلبك يتعلق بهالتجربه وتصيرين كذا طول حياتك وانا ما احس فيه شخص راح يجرب هذي التجربه ويبعد عنها الا اذا شاء ربي
قال صلى الله عليه وسلم (رغِم أنفُ امرئٍ أدرك رمضانَ فلم يُغفرْ له ) رغم انفه اي : خاب وخسر من ادرك رمضان فلم يغفر له يعني يا بنات حسافه نضيع هذي الفرصه العظيمه الكبيره والله انه الخسران المبين لما يمر رمضان واحنا نفس ما احنا ما تغيرنا
فضائل شهر رمضان ؟ طبعا هو افضل الاشهر عند الله سبحانه وتعالى وفيه انزل القران كما قال تعالى (شهر أنزل فيه القرآن هُدىً لِلنَّاسِ وَبَيِّنَاتٍ مِنَ الْهُدَى وَالْفُرْقَانِ) وفيه ليله خير من الف شهر وهي ليله القدر وفيه سوره في القران الكريم تتكلم عن هذي الليله وعن فضلها العظيم
طبعا ليله القدر هذي هديه من الله لنا لان الله سبحانه ينزل فيها الى الدنيا ومعاه الملائكه تخيلوا العظمه وفيها تستجاب الدعوات عشان كذا في العشر الاواخر لازم نجتهد فيها وليله القدر تكتب فيها الاقدار يعني الانسان الذكي يعرف ان هذي الليله عظيمه ويستغلها عشان ربي يقسم له حظ من الاقدار
كيف استغل رمضان ؟ راح اعطيكم خطه ولكن اهم شي تستمرون عليها لين نهايه رمضان بكل قوه وصدقوني راح تشوفون العجب العجاب بحياتكم
نبدا من صلاه الفجر احرص على السنن الرواتب والصلاه في وقتها واجلس في مصلاك اذكر ربي لين شروق الشمس وصل ركعتين بعدها تدري هذا فضله عظيم جدا بالايام العاديه فكيف بك اذا كان في رمضان والاجور تتضاعف ؟ وش فضلها ؟
عن أنس بن مالك قال: قال الرسول صلى الله عليه وسلم: (من صلى الغداة في جماعه ثم قعد يذكر الله حتى تطلع الشمس ثم صلى ركعتين كانت له كأجر حجة وعمرة قال الرسول صلى الله عليه وسلم: (تامة تامة تامة) (رواه أبو داود في كتاب الصلاة وأخرجه الترمذي) وبعد لا تنسون اذكار الصباح ❤️
وبعدها صلاه الضحى وفضلها عظيم
وبعدها سنه الظهر وصلاه الظهر وخصصوا وقت القران وحطو لكم ختمات معينه وكل ما فضيتوا اقرؤا وبعدها صلاه العصر ومساعده الام والاهل واحتسبي الاجر وبعدها الدعاء ساعه الافطار وتذكري ان للصائم دعوه ما ترد وبعدها اقري قران وحاولي تتعلمين وتحفظين وتفسرين الايات وشوفي فيدوهات يوتيوب عنها
ولا تنسين صلاه التراويح والوتر والدعاء في الثلث الاخير صدقيني لو استمريتي على هذي الاشياء راح تتغير حياتك ١٠٠٪ حرفيا وراح تشوفين اشياء عظيمه وكبيره وتتعلقين بربك لا تفوّتون رمضان عليييييكم 🥺❤️
جاري تحميل الاقتراحات...