واحدة من أهدافي الحقيقة في المرحلة الجاية من حياتي لكل شيء أعمله في حياتي هو أني أعد للسؤال جوابا ، اسئلة صعبة زي عملت إيه في مالك ووقتك وأولادك ومجتمعك، لازم يبقى عندي إجابة واضحة لكل واحدة فيهم ، لأني مسئول عن كل واحدة في يوم الدين.

الحقيقة أنت مفروض بتعمل كده من يوم ما بلغت ( يعني من فوق ال 10 - 12سنة تقريبا ، لكن مع تقدم العمر بتلاقي نفسك أحوج لوضع تصرفاتك في إطار واضح يسمح ليك بأنك تجهز ورقة الإجابة، يمكن لأنك بتأخد قررات كبيرة تأثر فعلا على حياتك وحياة غيرك

ليه أنا بقولكوا الكلام ده، محدش عارف خط النهاية حيجي إمتى، والموت ممكن يكون بعد لحظة، فإعداد الإجابة والتفكير فيها واجب مش مجرد رفاهية، فلو معملتش كده ابدأ، ولو عملت كده، فكر في التفاصيل، ولو فكرت في التفاصيل، علم غيرك يعمل إيه وفكره وخاصة أقرب الأقربين