التعليم
الهندسة
تطوير الحياة المهنية
المهارات الفنية
العمل الجماعي
مهارات الاتصال
المهارات الناعمة
المهارات
المهارات غير التقنية
ناس كتير بتـoverestimate أهمية الـtechnical skills على مستوى الـcareer وبتـunderestimate الـnon-technical skills.. وحابب أقول انه للأسف دي ممكن تبقى غلطة هتاخد بالك منها متأخر لما توصل لمرحلة فارقة في الشغل (مش هتعرف) تكبر غير لو ركزت في الحتة التانية اللي مكنتش مهتم بيها ..
١/٥
١/٥
كل يوم عندك شوية وقت تتعلم حاجة أيًا كانت سنين خبرتك؟ مش دايمًا الصح انك تروح تتعلم لغة برمجة جديدة او نوع داتابيز مختلف او cloud platform. لازم تقرا شوية عن إزاي تبقى team player شاطر، إزاي تعرف تطلب وتستقبل وتدي feedback، إزاي تعلّم ناس صغيرة، إزاي تعرف تقول status واضحة..
٢/٥
٢/٥
ده طبعًا مع أهمية ما يُسمى بـZero talent skills ومن إسمها هي مش مهارة او ذكاء بقدر ماهي انضباط وتركيز، زي انك تلتزم بمواعيدك، اجتهادك وأمانتك في الشغل، تحكمك في الـbody language بتاعتك، الـattitude بتاعك وإنك تبقى محضّر دايمًا لأي ميتينج عارف انه ممكن يتطلب فيه رأيك ..
٣/٥
٣/٥
محدش عاقل المفروض يخلي حد يبقى team leader لو مش بيعرف يتحكم في غضبه، مش محضّر كلامه كويس، مش بيعرف يـhandle conflicts، مواعيده بايظة، معندوش فكرة عن نوعيات شخصيات الناس.. حتى الحاجات دي ممكن تمنع حد انه يبقى senior في أماكن كتير .. وقتها حجة "أنا مركز تكنيكال" دي مش هتفيد ..
٤/٥
٤/٥
أنا اعرف ناس stuck أو وقفوا سنين كتير في الـcareer بتاعهم بسبب المشكلة دي، والمهارات دي للأسف محتاجة ممارسة ومتنفعش انك تتقنها بين يوم وليلة وبالتالي لما تقرا عنها وتستغل سنينك الأولى بتتعلم وتنفذ مع اللي حوليك، هيبقى الموضوع أسهل وأفيد من لما تعمله لفترة صغيرة وانت مضطر ..
٥/٥
٥/٥
جاري تحميل الاقتراحات...