رتبها

هتكلم عن اللبس الواسع🌚💛
تابعوا ال Comments 💛

1/لو عندنا بنبونايه غاليه جداً وجميله جداً اول م الذباب بيشوفها بيتلم عليها هنعمل فيها إيه !
=هنغطيها صح !
-طب ليه !
=عشان نحافظ عليها وتفضل نضيفه💛
-طب م انتِ لؤلؤه وغاليه جداً ياقوته الكل بيتمناكي،حبيبگ سماكي قاروره يعني حاجه غاليه جداً وجميله جداً ليه متصونيش نفسگ
يتبع ..

وتحافظي عليها لحد م ييجي اللي يستاهلگ ي جميل 🌚💛..!
2/-هتقوليلي مش باللبس ،انا بلبس بناطيل وعارفه ربنا الحمد لله ،وآخلاقي عاليه ،المهم حجاب الروح مش حجاب الجسد.
=كلامگ جميل وفوق دماغي بس جيباه منين الكلام ده في حديث بيقول المهم حجاب الروح مش الجسد ،ولا القرآن فرض
يتبع ..

الصلاه والصيام ومفرضش الحجاب الصحيح !
=فُل اووي تيجي اقولگ بقا كلامگ ده غلط ليه ! 🖤
3/ -ليه !
=أولاً :- لإن الدين (عبادات ومُعاملات) الإتنين مع بعض دايماً مينفعش نهتم بشوويه االمُعاملات وننسي العبادات اللي ربنا آمرنا بيها ، والعكس هُما الإتنين بيكملوا بعض لازم اخلاقي
يتبع ..

تبقا عاليه ولبسي يبقا شرعي ويرضي ربي.
ثانياً:- لإن كُل إناء ينضح بما فيه،إذا صلح الجوهر صلُحَ المظهر،مينفعش ابقا بتعامل كويس وبنزل بلبس يفتن الشباب،مينفعش ابقا بصلي ولبسي كاسي عاري هيطردني من رحمه ربنا 🖤
4/-هتقوليلي بيبقوا مُنتقبات وبيتصرفوا تصرفات سيئه والناس بتكره
يتبع ..

النقاب بسببهم.
=هقولگ البشر كُلهم ناقصون ما كَمُلَ من الخلق إلا مُحمداً(صلي الله عليه وسلم) ،إيه يعني لما مُنتقبه تغلط هي معصوومه من الغلط..!
هي ملاگ نازل من السمااء..!
هي بنت زيگ وزيي بس يكفيها فخراً إنها حافظت علي نفسها وثبتت في زمن كَثُرت فيه الفتن فرفقاً بيهم😌💛
يتبع ..

5/-وبعدين ي حبيبتي المُنتقبه او غيرها مش حُجه علي الدين ،طب ما في مُسلمين بيسرقوا،وبيرتكبوا الكبائر..إلخ
هل كده الإسلام وحش ونسيبه عشانهم !
البشر مش مقياس ي روحي إحنا لينا كتاب وسُنه بنرجعلهم وبنطبق اللي ربنا امرنا بيه ملنااش دعوه بغيرنا وقدوتگ مش المنتقبه إنتِ قدوتگ
يتبع ..

أُمگ خديجه ،وعائشه😌💛
6/-طب انا مُحجبه ي ستي الحمد لله غيري مش لابس حجاب خالص.
=بصي ي حبيبتي خلينا علي نور ومُتفقين إن البديهات اللي بتحدد حجم دراعگ دي مش حجاب وإن الكارينا اللي بيفصل رجلگ ده مش حجاب،وإن التيشرتات اللي ع القمر دي مش حجاب،والبنطلووون
يتبع ..

ي اختااااه البنطلون لا ينتمي للحجااب ،والطرحه اللي بتغطي رقبتگ بالعافيه اللي لو غطيتي قفاكي بيبان صدرگ لو غطيتي صدرك بيبان قفاكي مش حجااب🙂🖤..!
7/-ياه انتِ عقدتيني امال ايه الحجااب...!
=بصي ي روحي الموضوع بسيط مفهوش تعقيد ولا حاجه 😹💛
يتبع ..

الحجاب مشتق من الحجب اي المنع والغطاء والغرض منه ستر الزينه مش إظهارها،(وَلَا يُبْدِينَ زِنَتَهُنّ) يعني تختاري اللبس اللي يُستر زينتگ مش يزينگ اكتر ف عيون الشباب وتشيلي آلاف الذنووب ...
ذنب شااب مُلتزم بيجاهد عشان يغُض بصره شافگ إنتكس وفتنتيه.
ذنب بنت صغيره شافتگ
يتبع ..

قالت انا لما اكبر هلبس كده.
ذنب بنت مُلتزمه شافتگ واتغرت بنظر الناس ليگِ قالت انا هغير لبسي الاستايل ده هيليق عليا وقلعت الخمار بسببگ.
كُل ده ف ميزان سيئاتگ متستهونيش💔!
8/-يااه كُل دي ذنوب انا خوفت اووي💔
يعني البس إيه عشان ربنا يرضي عني وأبقا لابسه حجاب صحيح ..!
يتبع ..

=الحجاب ي قلب أختگ بينقسم لحاجتين(حجاب،جلباب)
اول حاجه الحجاب:يكُون فضفاض،مغطي منطقه الصدر كلها،مش شفاف، ولا ملون ألوان مُلفته،بإختصار عشان اسهلهالگ الفرض عليكي الخمار😹💛
(وَلْيَضْرِبْنَ بِخُمُرِهِنَ عَلَي جُيُوبِهِنّ) ،طب مش بتعرفي تلفيه ..!
يتبع ..

شوفي حد يعلمگ مش هقولك البسي طرحه برضو 😹💛
9/- تاني حاجه الجلباب:يكُون واسع،فضفاض،لا يصف،ولا يشف،ميوصفش جسمگ متبقيش باينه انتِ تخينه ولا رفيعه !
عارفه الحلوي المُغلفه ..!
تبقي حلوه مُغلفه💛
م الأخر :عارفه إسدال الصلاه اللي بتوقفي بيه بين إيد ربنا ..!
يتبع ..

يكون زيه بالضبط لإنگ ف الشارع برضو بين إيد ربنا🌝💛🐣
10/-طبعاً متنسيش إنگ ممكن تبوظي حجابگ ده كُله ب 3 حاجات إسمهم (مُفسدات الحجاب.
=1/هما البرفيوم بأنواعه.
2/الميگ اب بأنواعه.
3/الكعب العالي
يتبع ..

11/-يعني امشي بريحتي وحشه..!
=لأ ي روحي حُطي اي برفيوم قبل م تلبسي ب10 دقايق ينعش الهدووم ويكون خفيف ريحته تطير علي م تلبسي يعني ميشمهااش غير صحابگ وهُما بيحضنوكي فقط😌💛.
-وامشي بوشي بهتان الناس يقولوا عليا تعبانه ..!
يتبع ..

=لأ ي عمري إستخدمي ماسكات طبيعيه تديكي نضاره طول م انتِ ف البيت وقبل م تنزلي حطي شويه مايه ورد ع وشگ ونشفيهم هتبقي قمر ومعصيتيش ربنا😌💛.
-طب انا قصيره وصحابي بيتريقوا عليا🥺💔.
=كلام النااس ميشغلنااش انتِ واثقه ف نفسگ ومش علبه كانز ولا حاجه البسي كوتشي عالي شوويه
يتبع ..

اللي كلنا بنلبسه بس مش لازم هيلز كعبه 2 متر وتمشي نفكر حصان ماشي 😹💛.
12/-طب انتِ عقدتيني اوي وخلتيني احس إني حاجه وحشه ولازم تتداري،وهتخليني اندم إني طلعت بنت🙂💔..!
= بالعكس انتِ حاجه غاليه اووي ،ورقيقه ااوي،وحلوه جداً،وربنا فرض عليكِ الحجاب عشان يحفظگ
يتبع ..

ويصونگ من النظرات المسمومه،ومرضي القلوب،والذئاب البشريه،ربنا غلاكي عشاان مش كل من هب ودب يشوف مفاتنگ دي تتحفظ لـ حلالگ بس😌💛
13/-طب هغير لبسي بس واحده واحده..
=وليه واحده واحده خير البر عاجله توكلي علي الله وخلي الأيه دي قصاد عينگ.
(وَعَجِلْتُ إِلَيْكَ رَبّ لِتَرْضَي)
يتبع ..

- يعني انا جيالگ يارب وبتخطي كل الصعاب،والعقبات،وبجاهد نفسي، عشان ترضي عني بس ،اناا مش هرضي شهواتي عشان بحبگ يارب هعمل اللي يرضيگ بس انتَ ارضي عني🥺💛
14/-طب عارفه أُمگ عائشه قالت إيه ..!
قالت :
(يرحم الله نساء المُهاجِرات الإول،لما أنزل الله قوله تعالي
يتبع ..

"وليضربن بخمرهن علي جيوبهن"
شققن مروطهن فأختمرن بها.
-نااس بتحب ربنا بجد اول م نزل أمره نفذوه ف ثواني نااس همهم الأخره عارفيه إن الدنيا فانيه والأخره خير وأبقي وكُلنا إلي الله نمضي💛
خدي الخطوة العمر مش مضمون والدنيا فانية لا تسوى جناح بعوضة والاخرة خير وابقى💛
#البسوا_واسع

@Hazem08007439
اظن ده هيساعد البنات الي بعتولك ع صراحة

@SanaaMa49622530 @rody__Y @Esraa_ahmed12a @Esraa79316434 @Aae488888 @MahetabAhmed012 @zahraa28179766 @SedraMuhhamed_ @Ro_Ma34 @fatmara37750253 @sabaa_nour @AalaaMo78451351 @ayoOo4aaa @hhh_1_11 @Walaa_2003_
انتو اصلا كلكوا مختمرين ومنتقبين اللهم بارك بس اعملوا ريت تكسبوا ثواب🥺🤍

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة