ثريد الاسبوع عن سكر الفركتوز ، هل هو مضر ؟ هل الفاكهة ممكن تكون مضره فعلا ؟ هل هو سبب ف زيادة الدهون علي الكبد ؟
كل فترة بيتصدر لينا من الاجانب فكرة جديدة مطرقعة و احنا ك عرب ما بنصدق نلاقي حاجة جديدة تعمل جدل و تزود الريتش و نبقي تريند الفترة ، شوية الانسولين و شوية ديتوكس دايت و دلوقتي اخر حاجة هي ان سكر الفركتوز مضر و ان الفاكهة لازم نعاملها معاملة الحلويات لإنها ممكن تدمر الجسم
بدأ الموضوع ان اتعمل دراسة و تم ربط زيادة معدلات السمنة بزيادة استهلاك المشروبات الي بيكون فيها بشكل اساسي سكر الفركتوز علي هيئه high fructose corn syrp و بما ان سكر الفركتوز بيروح الاول للكبد و يتخزن فيه و مش بيستفيد بيه باقي الجسم علي عكس الجلوكوز مثلا ف هو اولا هيزود الوزن
و ثانيا هيكون سبب ف ترسب الدهون علي الكبد و الي بتسمي طبيا fatty liver disease ، الكلام يبان منطقي بس ف الواقع دا مش صح ، اتعمل دراسة tightly controlled لمدة ٨ اسابيع و دا معناه ان الناس دي كانو ملتزمين بكل حاجة ف الدراسة و مفيش اي cheating و انقسمو جروبين منهم جروب اخد ١٥٠ جرام
من الفركتوز ف اليوم (الي بيعادل حوالي ٢٠ موزه او تفاحة كبيرة) و الي مش منطقي ان حد ياكل ٢٠ موزه ف اليوم و كانت سعراتهم محسوبة و كانت النتيجة ان ف عجز السعرات او من غير فائض سعرات مفيش اي تغيير ف المؤشرات الصحية ليهم و مفيش فرق بينهم و بين الجروب الي مأخدش الفركتوز
طيب ايه السبب الي بيقوي ادعاءتهم ؟
السبب ان سكر الفركتوز مختلف شوية عن باقي انواع السكر زي ما قولت انه بيروح للكبد بشكل مباشر ف بالتالي الجسم مش بيستفيد منه خصوصا العضلات عشان مفيش انزيم بيحوله ل جلوكوز و هو نوع جليكوجين العضلات و ثانيا انه بيزود عملية تحويل الكارب ل دهون
السبب ان سكر الفركتوز مختلف شوية عن باقي انواع السكر زي ما قولت انه بيروح للكبد بشكل مباشر ف بالتالي الجسم مش بيستفيد منه خصوصا العضلات عشان مفيش انزيم بيحوله ل جلوكوز و هو نوع جليكوجين العضلات و ثانيا انه بيزود عملية تحويل الكارب ل دهون
الكلام دا صح ؟ اه صح
بس كمان لو الكبد متشبع بالجليكوجين من الفركتوز ف دا معناه ان باقي الكارب هيتخزن ف الجسم و كده هيبقي اسمه sparing لل جلوكوز بمعني انه بيسيبه لباقي الجسم و كان اتعمل دراسة علي معدل مليء مخازن الجليكوجين ف الجسم ب جلوكوز بس و سكروز (جلوكوز و فركتوز) و مكنش في
بس كمان لو الكبد متشبع بالجليكوجين من الفركتوز ف دا معناه ان باقي الكارب هيتخزن ف الجسم و كده هيبقي اسمه sparing لل جلوكوز بمعني انه بيسيبه لباقي الجسم و كان اتعمل دراسة علي معدل مليء مخازن الجليكوجين ف الجسم ب جلوكوز بس و سكروز (جلوكوز و فركتوز) و مكنش في
فرق كبير ف النتايج ، ثانيا عملية تحويل الكارب للدهون هي من اكتر عمليات الجسم المعقدة و عمرها ما هتحصل غير ف حالتين بالترتيب ١. ان الشخص بياخد سعرات اكتر من احتياجه بفرق كبير جدا ٢. ان الجسم خزن كل الدهون و لسه في زيادة من الكارب بسبب السعرات العالية ف ساعتها بيتخزن الكارب ك دهون
و علميا اقل من ٥% من دهون الجسم مصدرها كارب و الباقي هو دهون بس بما ان الدهون بتتخزن من غير عمليات حيوية (لو اكتر من احتياج الجسم) ، طيب ايه السبب ان تم ربط الفركتوز بزيادة الوزن و دهون الكبد؟ عشان اغلب الناس بتستهلك المشروبات دي ك زياده عن الوجبة العادية بمعني انه اكل وجبة كامله
ف هيشرب بعدها عصير فيه high fructose corn syrup او حتي عصير فاكهه بما ان محتاج كمية فاكهه كبيره عشان تعمل ٢٠٠ ملي عصير مثلا ف بالتالي الشخص دا بيستهلك سعرات اكتر من احتياجه و الي هي السبب الاساسي ان زيادة الوزن بتحصل و بيتراكم الدهون ف الجسم بما فيهم الكبد مع ان العكس ان الدراسات
بتقول ان الناس الي بتستهلك فاكهة و خضار كتير هما اقل عرضه لزيادة الوزن عشان اولا الفاكهة و الخضار صعب تاكل منهم كميات كبيرة ثانيا فوايدهم الصحية مهولة ثالثا فيهم الياف عالية هتزود من الشبع اجباري و هتقفلك منها مثلا مفيش حد هياكل ١٠ تفاحات مره واحده او كيلو سلطه ف وجبة
ف بالتالي اغلب الناس دي وزنهم مش عالي عشان محافظين علي سعراتهم ، صحتهم احسن بسبب الفيتامينات و مضادات الاكسدة ، متوقع ليهم عمر اطول من غيرهم بسبب مؤشراتهم الصحية الاحسن بسبب العوامل السابقة، و اتعمل كمان دراسة meta analysis و هي اعلي انواع الدراسات دقه و اساسها هو تجميع دراسات
قديمة و البحث فيها و نقدها من جديد و مكنش في فرق بين شخص استعمل مصدر كارب ك فركتوز ف الدايت بتاعه و شخص تاني مستعملوش و لو هنخاف من حاجة ف اكيد مش الفركتوز ممكن الدهون المشبعة مثلا ؟ اتعمل دراسة علي مجموعيتن اخدو سعرات اكتر من احتياجهم من فركتوز و دهون مشبعة لمده اسبوع
و كانت النتيجة ان الدهون المشبعة زودت من مؤشرات دهون الكبد اكتر من الفركتوز ب ٧٠% ، و بالمناسبة فاكهة اكتر يبقي الياف اكتر يعني تحكم ف مستوي الكوليسترول الضار خصوصا اكتر ف بالتالي الناس الي بتاكل فاكهة اكتر منطقي ان ال lipid profileعندهم يبقي احسن من غيرهم الي مش بياكل فاكهه كتير
ملخص الموضوع:
كلمة السر ف السعرات ف انت هتاكل اكتر من احتياجك ف انت بتفتح بنفسك كل اضرار زيادة الوزن و اولهم تراكم الدهون ف الجسم كله و اكيد الكبد و الاعضاء الداخلية معاهم ساعتها الزيادة هتكون مؤذية و سكر الفركتوز هيبقي مؤذي زي ما اي حاجة زيادة عن احتياجك غلط لكن طول ما انت ف
كلمة السر ف السعرات ف انت هتاكل اكتر من احتياجك ف انت بتفتح بنفسك كل اضرار زيادة الوزن و اولهم تراكم الدهون ف الجسم كله و اكيد الكبد و الاعضاء الداخلية معاهم ساعتها الزيادة هتكون مؤذية و سكر الفركتوز هيبقي مؤذي زي ما اي حاجة زيادة عن احتياجك غلط لكن طول ما انت ف
نطاق سعراتك اليومية او ف عجز منها ف الفاكهة مش مضرة و حتي سكر العصاير ال high corn syrupمش هيسببلك اي اضرار او دهون عشان انت جسمك ف عجز السعرات بيخسر دهون مش بيخزنها ، متخليش حد يقولك اي كلام و تصدق طالما انه شخص مشهور او عنده مليون فولورز علي تيكتوك و انستجرام العلم مش بالفولورز
جاري تحميل الاقتراحات...