مشاهد تخيلية :
معاذ يسوق سيارته .. صار له حادث كبير .. كان صاحي لكن عنده اصابات متفرقة.
اهله واقاربه وصلو لمكان الحادث وانقسمت ارائهم الى ٤ اراء مختلفة :
اصحاب الرأي الاول : سالوه فيك شي ، تحس بشي ؟؟ تقدر تحرك ؟؟ مارد وحاول يتحرك وقام ،، الرد : امورك طيبة .. واخذوه للبيت.

اصحاب الرأي الثاني : اخذوه للمستشفى .. سوو له فحوصات واشعة وراقبو حالته فترة ، صار عنده بعض الرضوض والكسور احتاج تثبيت وجبيرة ، مسكنات و ادوية ، وطلع يتعافى تدريجيا ، ونصح بالمتابعة والعلاج الطبيعي.

اصحاب الرأي الثالث : اصرو ان اللي جاه عين وقامو يقرون عليه .. اخذوه لواحد يقرا عليه .. جابو له زيت ، مويه ، اعشاب ومسكنات مانفعت ،، ثم اخذوه للمستشفى .. فحصوه و لقوا عنده كسر متاخر .. حاولو العلاج لكن كان متاخر ،، ويحتاج الى وقت اطول وتدخل اصعب وربما سيتحسن جزئيا فقط ؟؟!!

هذا مايمكن ان يحدث ايضا مع المشاكل النفسية ومشاكل الادمان و المصحوبة باعراض شديدة .. نرى حالات كان لديها مشاكل تتفاقم لسنوات طويلة .. ولم تراجع الا متاخرة عند وصول الاعراض الى مستوى شديد او خطير جدا .. الاسباب غالبا عدم الوعي ، التهاون ، او الخوف من الوصمة.

وهناك اصحاب الرأي الرابع : اخذوه للمستشفى مثل الرأي الثاني ، واخذو ايضا باساليب التشافي الاخرى التي لاتؤثر سلبا على العلاج بعد ما سالو الطبيب واخذو رأيه وتابعو معه بدون تردد او تخوف ،، اقتنعو بان العلاج والتشافي له عدة اوجه ويحتاج متابعة واهتمام ومبادرة.