طبعآ مثل ما وعدت البنات بنزل لهم تغريدة خاصة بخصوص الأغراض الي ياخذونها سواء مريضه أو مرافقة.
أولا نبدا بالجسم خذي لك غسول وجهه بس ما يكون مقشر لان بنحافظ على الجسم والوجه يكون مرطب+ شفرات حلاقة+ +فوط صحيه وكثري بس مو مره لان احيان يكون متوفر عندهم ويعطونك، والاغلب بيصير معك مثل النزيف بعد الزراعه لكن ما يطول فتره ٣-٥ ايام تقريبا.
اذا تحبين الميكب خذي معك روج ومسكارا وأشياء خفيفة،للامانه انا كنت تعبانه شوي بعد الزراعة من الاستفراغ ف لما صحصحت كنت احط ميكب خفيف روج مسكار رسم حواجب،مره مره كان يغير من نفسيتي،انا حتى الشمعة اخذتها😂 النيه علشان تغير لي ريحه المكان لكن ما كانت موجوده بالشنط آلي معي💔
للامانه ما عندي علم اذا ممنوعه او بالمستشفى او لاء 🌚💔، بخصوص الميكب اسألي دكتورك قبل انا سألته وقال عادي وكنت أحط الحمدلله لكن أنتي اسألي افضل،وكثير جتني اسأله عن الحواجب والرموش اذا طاحت او لاء،انا ما اخذت اشعاعي ما طاحت الحمدلله صديقتي اخذت بس صارت شوي خفيفة فقط.
نجي الملابس اذا كنتي مريضه لا تاخذين سنتيانات اثنين او ثلاث تكفي لان ما تقدرين تلبسينها علشان القسطرة بالصدر وكثري كلوتات بتحتاجينهم اكثر حاجه بالتنويم،اما اذا انتي مرافق وما تحبين لباس المستشفى لانهم بيعطونك لكن لكِ الحريه اذا تبين تلبسين منهم او لاء ف خذي لك ملابس الي تكفيك حق
اسبوع ونص مثلا وتغسلين الي تلبسينه كل يوم جيبي ديتول معقم للملابس،مثل ما قلت بالتغريدات الاولى الشعر بيطيح بعد كيماوي المهاجمه بعد الزراعه مو قبل ف بكذا اذا تبغين تاخذين سيراميك او سيشوار تجفيف برضوا عادي حتى للمرافق وخذي معك كم قطعه مثل الي بالصورة لانك بتحتاجينهم بعد الزراعة.
نصيحه خذي كل شيء يعدل نفسيتك انا كل شيء كان يعدل نفسيتي أخذته والحمدلله عدت الزراعه سهله وبسيطة انا لو يسمحون لي اخذ بخور آخذت لأنه النمبر ون عندي بتعديل النفسيه 😂.
بعد الزارعة راح تصحيحين وتحتاجين كل الامور الي كتبتها لك فوق وبتحتاجين أغراض اكثر ب نزل المستشفى مثل الملابس الشامبو الليفه المنشفة واغراض ثانيه.
أهم شي رتبي أغراض بشنطه متوسطه وما تكون كبيره حيل علشان ما تزاحم عليك الغرفه وخذي معك علاقات للملابس علشان تعلقين عباتك والشال بلاش تتسفط ووتعطج عليك.
في شيء ضروري ما ذكرته كريم الترطيب الكيو ڤي ما اعرف اذا كل المستشفيات يصرفونه او لاء لكن الافضل خذي لك علبه منه حتى لو صغيره بتحتاجينه مره، في سر بقول لكم عليه في كريم أسمه فيتامين A&D مره يجنن للتشققات سواء للفم او الرجلين طبعآ ذا الكريم اطلبيه من الدكتور هو بيصرفه لك.
بالصورة بيخلي رجولك قطنه قطنه حتى شفايفك مره يجننن، و اذا تذكرت شيءٍ جديد راح انزله هنا واذا تبون شيءٍ ثاني تعرفون اذا مسموح آو لاء اكتبوا لي هنا او خاص عادي أتمنى اني افدتكم ب الي كتبته والله يسهل لكم كل خير يارب. 💗
جاري تحميل الاقتراحات...