ثريد عن : هل البروتين مضر ؟
هل كثره البروتين تدمر الكلي و تأثر علي العظام و الكالسيوم ؟
هل كثره البروتين تدمر الكلي و تأثر علي العظام و الكالسيوم ؟
البروتين هو اساس جسم الانسان ، زي ما بكرر دايما اخر اهمية ليه هي بناء العضلات بيكون قبلها حاجات مهمه اكتر زي ان كل خلايا الجسم معتمده عليه اغلب الهرمونات و الجهاز المناعي و الانزيمات كمان و حتي صحه البشرة و الشعر و الاظافر و كمان الdna ، دايما بنسمع كلام زي ان البروتين بكميات
بيكون مضر و انه بيسبب فشل كلوي و انه بيزود خروج الكالسيوم ف البول الي بدوره بيقلل من قوه العظام و بالتالي بيعرضها اكتر للكسور و بتكون عرضه كمان لأمراض زي هشاشة و ضعف العظام،كمان ان زياده البروتين بتزود احتمالية الكانسر و انه بشكل عام مينفعش تستهلكه بكميات كبيره خصوصا مع كبار السن
الموضوع بدا سنه ١٩٢٠ لما دراسه طلعت و ادعت ان زياده البروتين ف النظام الغذائي كانت سبب ف زياده خروج الكالسيوم ف البول و بعد ٥٠ سنه طلعت دراسات عكس دي بتقول ان حتي مع نسب بروتين عالية امتصاص الكالسيوم ف الامعاء متأثرش و مع ذلك كان نسبه خروجه ف البول زياده عن الطبيعي ، و بما ان
الامتصاص متأثرش و ان الجسم امتص الكالسيوم و دخل الدم ف دا معناه ان في سبب تاني غير ان البروتين بيأثر علي امتصاص الكالسيوم ف دا اتحول ل استنتاج ان اكيد الكالسيوم دا بييجي من مكان ما ف اكيد العضم و الي طور ادعاء اسمه acid-ash hypothesis الي معناها ان زياده الاحماض الامينيه بسبب
ان في بروتين زياده ف النظام بيزود نسبة الحماضيه ف الجسم وبالتالي الجسم ك رد فعل طبيعي هيحاول يرجع للنقطه صفر الي اسمها ال buffer ب انه يعادل الحماضيه دي ب حاجه قلويه من العظام الي هتسبب خروج الكالسيوم من العضم و بالتالي التسبب ف هشاشه العظام ، الموضوع يبان منطقي بس العلم مش بيمشي
بنظام a=b و b=c ف a=c ، طيب ايه الغلط ؟ السبب هو ف الدراسات القديمة الي قالت ان زياده البروتين مأثرتش علي امتصاص الكالسيوم بس ف الحقيقة هي زودت امتصاصها بشكل كبير و معروف ان المعادن و الاملاح كفاءه امتصاصهم ضعيفه ف وجود البروتين مش بس مأثرش علي الامتصاص بالعكس هو زوده و الي سبب
معادله الحامضية بشكل طبيعي من غير ما الجسم يحتاج انه يسحب كالسيوم من العضم ، و اتأكدو من دا بإنهم استعملو نوع كالسيوم للتجارب isotope بمعني اصح بيكون مميز و سهل تتبعه و تميزه عن باقي جزيئات الكالسيوم التانية و لقو ان نفس الزياده ف الامتصاص هي نفسها الزياده ف الخروج الي بتخلي
الناتج زيرو ف الاخر يعني الجسم مدخلش ف حاله هدم للعضم ، ف ملخص الموضوع ان البروتين حسن امتصاص الكالسيوم ف الزياده خرجت ف البول من غير ما يضر العضم و ان الادعاء دا كان سببه الدراسات القديمة الي نفت زياده امتصاص الكالسيوم ف وجود البروتين، و ال national foundation of osteoporosis
قالت ان مفيش دليل ان زياده البروتين بتأثر علي كثافه العظام بالعكس ان ٥٠% من العضم هو بروتين اصلا ف ممكن زياده البروتين تزود من كثافه العضم مش العكس و دا هيبان اهميته اكتر عند كبار السن و خصوصا السيدات بعد ال٥٠ الي الاستروجين بيقل ف جسمهم و بيسبب مشاكل ف العضم بسبب دوره ف حمايته
طيب هل البروتين الزياده بيأثر علي الكلي ؟
المشكلة بدأت بسبب ان زياده البروتين عند شخص عنده مشكله ف الكلي ممكن تخلي الحاله اسوء و تزود الاضرار و الحقيقة مريض الكلي بذات الي بيغسل هو بيكون ليه مقاييس مختلفة حتي ف نسبة الاملاح الي بياخدها زي البوتاسيوم مثلا ف هنا افترض نفس فكره مريض
المشكلة بدأت بسبب ان زياده البروتين عند شخص عنده مشكله ف الكلي ممكن تخلي الحاله اسوء و تزود الاضرار و الحقيقة مريض الكلي بذات الي بيغسل هو بيكون ليه مقاييس مختلفة حتي ف نسبة الاملاح الي بياخدها زي البوتاسيوم مثلا ف هنا افترض نفس فكره مريض
السكر ب انه لازم ميستهلكش سكر و يكون مراقب الكارب بتاعه عشان يحافظ علي نسبة السكر ف الدم عنده مظبوطة ، طيب الشخص العادي ماله ب دا ؟ مينفعش اطبق شروط خاصه بمريض علي شخص عادي ، و ف الحقيقة في دراسات قويه كتير بتثبت ان نسبة البروتين العالية ملهاش اي تأثير ضار بالكلي بالعكس الكلي
قدرت تزود و تحسن من معدل الفلتره الخاص بيها الي اسمه glomerular filtration rate الي بيكون علامه علي تحسن الكلي ، و دا ينطبق علي كبار السن الي بتقل عندهم كفاءه الكلي ف دا مش معناه اني هقلل كمية البروتين عشان هما بيحتاجو البروتين اكتر من الشاب لزياده معدلات الهدم ف الجسم بسبب السن
و ان تقليل نسبه البروتين ملهاش علاقة بتحسن حاله الكلي او تقليل ال glomerular filtration rate و في دراسات اثبتت ان حتي نسب البروتين العاليه الي بتوصل ل ٤.٤ جرام لكل كيلو من وزن الجسم علي مدار اكتر من سنه مكنش ليها اي تأثير علي الكلي السليمة ، خلاصه الموضوع زيادة البروتين مش مضره
و ملهاش اي علاقه بالمشاكل الي اتقالت فوق دي كلها بالعكس بيحسن صحه الجسم و بيقلل من الشيخوخة و امراض العضلات و بيحسن من شكل الجسم و بيساعدك تحافظ علي وزنك و اخيرا بيساعدك تبني كتله عضلية ، افتكر دايما ان العلم مش مهتم بإحساسك ب ان دا مضر او مفيد العلم بيتعرف بالتجربة و الدراسة فقط
جاري تحميل الاقتراحات...