٣ اسباب ليش ملتزم بالتمرين ووزنك ماينزل
١- الاكل بعشوائية.
الكثير يعتقد انه لما يلتزم بالتمرين سوا اللي عليه خلاص، اكيد التمرين حيطور من صحتك ولكن في سياق خسارة الوزن ضروري يكون فيه متابعة للاكل. لانه الاساس لنزول الوزن هو انك تاكل اقل من احتياج جسمك.

متابعة الاكل والسعرات الاغلب يستصعبها ولكنها مهارة بسيطة تحتاج ممارسة وتطبيق فقط.
٢- النقنقة
تروح المطبخ تشوف باقي نص كيكة من امس تاكلها، تفتح الثلاجة تاكل حاجة عالسريع، تكون مع اهلك او اصحابك تشارك معهم لقمة لقمتين. السعرات البسيطة هذي ممكن تتراكم عليك وتطلع سعراتك فوق احتياجك

٣- الوجبة المفتوحة
السعرات وكمية الاكل الاسبوعية اللي تدخلها برضو مهمة، يعني لو انت شخص ملتزم طول الاسبوع بالاكل ممكن تجي نهاية الاسبوع الوجبة المفتوحة هذي تطلعك فوق سعراتك الاسبوعية ويروح كل تعبك بسببها.
هذا لايعني انك ماتدخل وجبة مفتوحة، ولكن الفكرة انك تعتدل بالكميات

اللي تاكلها فيها، او تدخلها بطريق استراتيجية عن طريق ترتيب سعراتك الاسبوعية عشان تدخلها بدون ماتأثر على نتائجك ابدا. ولو ماتبي تتابع اكلك اعتدل بكميات الوجبة المفتوحة هذي.