ثريد عن ايه سبب زيادة الوزن
البروتين الكارب الفات ؟؟
البروتين الكارب الفات ؟؟
اتعمل poll من يومين كانت نتيجته ان الكارب هو سبب زيادة الوزن و بعده الفاتس و محدش اختار البروتين ف هل الكارب او الفات عليهم اللوم فعلا و هما سبب زيادة الوزن ؟
هنبدأ من الاول خالص بشرح ال energy balance و مكوناتها ال energy input و هي دي الطاقة الي جسمنا بياخدها من الاكل بعد هضمه
هنبدأ من الاول خالص بشرح ال energy balance و مكوناتها ال energy input و هي دي الطاقة الي جسمنا بياخدها من الاكل بعد هضمه
و امتصاصه ، energy output او ال tdee total daily energy expenditure و هي الطاقة الي جسمنا بيستهلكها علي مدار اليوم سواء ف انه يفضل عايش و الي بنسميه ال rmr resting metabolic rate هي الطاقة الي بتشغل اعضاء الجسم بدون اي نشاط تاني و ال thermic effect of food و هي الطاقة الي جسمنا
بيستخدمها عشان يقدر يهضم و يستفيد من الاكل و البروتين اعلي مغذي بيحتاج طاقة بحيث ١٥ ل ٢٥% من سعراته بتستخدم ف هضمه و امتصاصه و بعده الالياف و بعدها الكارب و الفات الي يعتبر مش بيحتاج اي طاقة لهضمه و امتصاصه و خليك فاكر نقطة الفاتس دي هنحتاجها بعدين ، ال EAT و هي الطاقة الي جسمنا
بستخدمها عشان يقدر يقوم ب اي نشاط رياضي مخطط ليه مسبقا و دا اختصار ل exercise activity thermogenesis و اخر حاجه معانا NEAT و هي non exercise activity thermogenesis بمعني انها اي نشاط بيستهلك طاقة غير التمرين سواء جهدك ف وظيفتك لو واقف او بتشيل حاجات تقيله او خطواتك اليومية
او انك بتمشي الكلب بتاعك او بتعمل مشاوير البيت او حتي بتحرك ايدك و انت بتتكلم و خليك فاكر النقطة دي هنتكلم عنها بعدين ،
كلنا عارفين ان زيادة الوزن بتتحدد حسب سعراتك اليومية لو بتاكل اكتر من احتياجك وزنك هيزيد لو بتاكل اقل من احتياجك وزنك هيقل ف هنرجع لسؤال الثريد مين المسئول ؟!
كلنا عارفين ان زيادة الوزن بتتحدد حسب سعراتك اليومية لو بتاكل اكتر من احتياجك وزنك هيزيد لو بتاكل اقل من احتياجك وزنك هيقل ف هنرجع لسؤال الثريد مين المسئول ؟!
اكيد سمعت كلام زي انك ممكن تقطع كارب و فات و تاكل بروتين و خضار براحتك و عمرك ما هتزيد الكلام دا نظريا غلط بس عمليا صح الا حد ما عشان صعب تقدر تعدي احتياجك من صدور فراخ بسبب انك هتشبع بسرعه ممكن تاكل ٣٠٠جرام بس مفيش حد هياكل كيلو صدور فراخ كمان الخضار ممكن تعمل طبق نص كيلو سعراته
حدود ال١٢٠ ١٥٠ كالوري ف حتي لو كيلو ٣٠٠ كالوري ف مفيش شخص هيقدر ياكل كيلو سلطة ف هنا سبب انك صعب تزيد ف الوزن هو انك صعب تعدي سعراتك اليومية من سلطة او صدور فراخ و بياض بيض لكن نظريا لو اكلت زيادة عن احتياج جسمك منهم وزنك هيزيد عشان دي قوانين الطاقة جسمك محتاج ٢٠٠٠ لو اكلت ٢٥٠٠
كده في فائض ٥٠٠ كالوري لازم جسمك هيتعامل معاهم عن طريق انه هيخزنهم ك طاقة للمستقبل علي شكل دهون ، البروتين من المغذيات الي صعب تتحول لدهون او طاقة دا بسبب ان دا مش دوره الاساسي انه يتحول لجلوكوز او احماض دهنيه للتخزين ف دي عملية مكلفة جدا للجسم هيستهلك فيها سعرات عالية منه عشان
دا يتحقق و دا بيكون عملية طويلة زي اسمها gluconeogensis بمعني تخليق الجلوكوز من مصدر غير الكارب و كمان ممكن يتحول ل احماض دهنيه تتخزن ف خلايا الدهون بعملية اصعب من الاولي بس دا لاينفي انه ممكن يحصل لو زودت عن احتياجك.
طيب هل كده الكارب و الفاتس هما السبب؟
ف الحقيقة لا برضو
طيب هل كده الكارب و الفاتس هما السبب؟
ف الحقيقة لا برضو
الكارب هو مصدر الطاقة الاساسي للجسم كل انواع الكارب بتتحول ف الجسم ل منتجها النهائي و هو الجلوكوز حتي سكر الفركتوز بعد امتصاصه ف الكبد بيتم تحويله ل جلوكوز ف مش منطقي ان مصدر الطاقة الفوري للجسم يتحول لدهون و الجسم ياخد طاقته من البروتين مثلا بس هل دا معناه انه مش بيتحول ل دهون؟
ف الحقيقة بيتحول لدهون عادي بس دا بيحصل عن طريق metabolic pathway صعب جدا انه يحصل اسمه denovolipogensis و دي عملية مكلفة جدا للجسم و ك طبيعة البشر و اجسامهم بيحبو الطريق السهل ف عاوز اقولك ان الكارب مسئول عن ٢ل٤% فقط من نسبة دهون الشخص دا فحاله ان الشخص دا طبيعي من غير اي امراض
يعني مثلا مينفعش يكون شخص عايش علي الجانك فود و منتجات الدقيق و حصل عنده مقاومة انسولين او السكر من النوع التاني او اي مشاكل بسبب لايف ستايل غلط ف كده الموضوع مختلف و الانسولين ساعتها هيكون هرمون مؤذي و يخليك تخزن دهون و خصوصا حوالين البطن و دا بسبب ان جسمك عنده مشكلة ف التعامل
معاه مش انه هرمون مضر ولازم كلنا نسيطر عليه عشان هو تصنيفه هرمون بنائي بيبني عضلات و دهون و خلايا و انسجة و كل محترفين كمال الاجسام بياخدوه من بره عشان يعرفو يبنو كتله عضلية اكبر مع ان الخطأ فيه قاتل ف اكيد لو مكنتش فوايده كبيره ف بناء العضلات مكنش حد هيخاطر مع كل جرعه انه يموت
لكن ف الظروف العادية الكارب مصدر للطاقة فقط طالما انت بتاكل ضمن احتياجك ، اتبقي اخر حاجة الدهون و الدهون وظيفتها الاساسية انها مصدر طاقة مستقبلي (افتكر النقطة الي فوق) ان مش محتاجه اي طاقة عشان الجسم يمتصها و يهضمها عشان جسمك قادر يخزنها علي طول ك دهون من غير اي تحويلات و عمليات
و دا بيحصل علي مدار اليوم جسمك بيخزن دهون و بيستخدم دهون و الي بيحدد دا سعراتك اليومية و فكره انك تزيد دهون او تخسر دهون دا متوقف علي فرق عملية تخزين و حرق الدهون علي مدار اليوم لو زياده ف انت زدت دهون لو اقل ف انت خسرت دهون ف مش معني ان جسمك by default بيخزن الدهون انك مش هتخس
و دا ينطبق علي اي دايت سواء دايت متوازن او لو كارب او حتي كيتو ، لو بتاكل دهون عالية و كارب قليل ف جسمك هيخزن دهون اكتر بس لو كنت ف عجز من السعرات جسمك هيحرق دهون عشان يغطي العجز دا و هيستخدم الكارب بشكل اقل و العكس بيحصل لو بتاكل كارب اكتر و دهون اقل عشان جسمك لازم يكمل احتياجه
مما سبق نستنتج إن مفيش عنصر ملام علي زيادة الوزن اه الفاتس بتتخزن اسهل بس مش بتزود وزنك و اه الكارب والبروتين بيتخزنو اصعب بس ممكن يتخزنو لو بتاكل اكتر من احتياجك ، كل الي انت محتاجه انك تاخد احتياجك من السعرات حسب هدفك و الفرق بالزيادة او النقص هيكون حسب سعراتك برضو
عشان كده مينفعش تتجنب الكارب ولا الفات ولا حتي البروتين عشان كلهم ضرورين و كلهم جسمك محتاجهم و كلهم لازم يكونو ف نظامك الغذائي عشان ميحصلش عجز ف اي حاجة ف جسمك و اه الفات ضرورية عشان اغلب هرموناتك بما فيها الهرمونات الجنسيه هي دهون و لو نزلت لنسب دهون قليلة نسبه التستوستيرون بتقل
و عند السيدات بتقل النسب لحد ما تنقطع الدوره الشهرية كمان الفاتس مصدر طاقة ف تمارين ال endurance الي بتستمر مده طويلة و زي ما بكرر دايما متشغلش دماغك جسمي بيحرق دلوقتي كارب ولا فات اكتر عشان انظمة الطاقة بتشتغل كلها مع بعض بنسب مختلفة ف الاخر نتيجتهم واحده متوقفه علي سعراتك فقط
زيادة الوزن هي نتيجة ل انك بتاكل سعرات اكتر من احتياج جسمك فقط ايا كان المصدر كمان نتيجة انك مش بتعمل مجهود بدني يساعدك تحرق سعرات اقل و دا هياخدنا للنقطة التانية و هي ال NEAT اغلب الناس بتهملها مع انها بتوصل عند بعض الناس انهم بيحرقو بيها + ٢٠٠٠ كالوري زيادة يوميا حسب نشاطهم
ف مينفعش تكون قاعد ف السرير طول اليوم و تشتكي ان جسمك مش بيحرق او ان حرقك وقف مع ان مفيش حاجة اسمها حرق يقف بس دا بسبب انك مش بتبذل مجهود و اغلب الناس وزنهم بيثبت ف الدايت بسبب انهم بشكل لا واعي بيقللو من نشاطهم خصوصا ان البيئة بتساعد سواء بعربية بدل المشي او اسانسير بدل السلم
متصدقش اي حد يقولك ان الكارب مضر او الفات مضر عشان ربنا مش هيخلق حاجة تضرك مينفعش تشرب ٢٠ لتر ميه ف ساعه و تقول انا هموت ليه ف سوء الاستعمال هو السبب انك بتحول حاجة مفيده لشيء مضر ف الاعتدال هو الحل و الحل الوحيد كمان عشان تقدر تنبسط بحياتك و تحافظ علي وزنك.
جاري تحميل الاقتراحات...