٣ حاجات تمنيت اني كنت اعرفها اول مابديت اتمرن.
١- مافي احد قاعد يطالع ويحكم على جسمك وانت تتمرن.
اول مابديت اتمرن كان عندي شعور بعدم الامان وعدم الثقة بجسمي لانه كان عندي نحافة شديدة، فكنت دائما احس انه كل الجيم يطالع فيني وانا اتمرن.

ولكن الحقيقة كل شخص مشغول بتمرينه والاحساس اللي كان عندي هو وهم كنت عايش فيه فقط. ودائما تذكر كل شخص فينا لازم يبدى من مكان وحتى اقوى واحد عندك بالنادي بدي من نفس مكانك او اقل كمان.
٢- عادي انك تغلط.
بدون ماتجرب تتمرن وتغلط بالتمرين ماحتتعلم الطريقة الصحيحة.

أكيد لو توك بادي اغلب التمارين حتحسها صعبة ولكن مع الوقت حتتقنها كلها.
تتذكر اول مابديت تتعلم تسوق سيارة؟ ومتوتر وتحس انك حتصدم؟
وبعد كم شهر ممارسة ممكن تسوق الحين بيد وحدة. نفس الشيء تمرينك.

٣- النتائج الحلوة تاخذ وقت.
اكبر قاتل للتطور هو الاستعجال. لو قدرت تقتنع انه الوصول لنتيجة حلوة حياخذ منك وقت وتستمتع بالرحلة حتقدر توصل لمراحل خرافية. وتذكر دائما لو الموضوع كان سهل او بالسرعة اللي اغلب الناس تتخيلها، كان كل الناس اجسامهم وصحتهم كويسة.