ببدا اليوم اكتب عن تجربتي في اول مشروع عقاري(او اول مبنى ابنيه).مجموعه نصائح من واقع تجربه عشتها.للتوضيح المبنى في اماره دبي (مبنى تجاري سكني)
المشروع عباره عن عماره سكنيه(للعائله)تم هدم المبنى القديم وبناء مبنى يديد بداله.المشروع كان المفروض ينتهي في غضون ١٦ شهر بس خذ له اكثر من ٣ سنوات.وبشرح لكم الاسباب
من الاشياء الي تعلمتها.
١-اختيار الاستشاري مهم جدا جدا جدا. ٢-شو ما كانت خبرتك دائما اسمع لاهل الاختصاص.٣- دائما حط لك فوق الميزانيه المتوقعه ٢٠ بالميه احتياط للطوارئ
١-اختيار الاستشاري مهم جدا جدا جدا. ٢-شو ما كانت خبرتك دائما اسمع لاهل الاختصاص.٣- دائما حط لك فوق الميزانيه المتوقعه ٢٠ بالميه احتياط للطوارئ
والحمدالله الله وفقني باستشاري فوق الممتاز وكان اخ لي قبل لا يكون مجرد استشاري ومعماري للمشروع instagram.com
٣-حاول تقعد وتعرف شو الي تحتاجه انت مب الناس.عيالك مب الناس. شريكه حياتك مب الناس.لانه الكثير منا يروح يبني بيت فيه ٥ غرف وهو توه متزوج لو تكلمنا بالعقل الغرفه الثالثه ما بتستخدمها اله بعد مرور ١٥ سنه يوم ولدك ولا بنتك بتوصل مرحله انه يرقد روحه
٤-وصارح الاستشاري بالتزاماتك الماليه وكم تقدر توفر من ميزانيه فوق القرض الحكومي الي بيوصلك عشان يعرف يخطط لك مراحل سير العمل
٥-تذكر دائما ما تقدر توقف عن العمل في اي مرحله على مزاجك لانه في وقفات امان ووقفات ممكن تهدد الي صرفته كله.يعني تقدر توقف بعد نهايه مرحله العظم.لانها مقاومه للعوامل الجويه
٦- بس ما تقدر توقف في مرحله الطابوق لانه بتكون التمديدات الكهربائيه توصلت في الطابوق وهني ممكن تنسرق ولا تتلف مع مرور الوقت وللعلم يمكن شغل الكهربا من اغلى الاشياء الي بتصرف عليها
٧-البيت الطابقين في اغلب الاحيان يكون ارخص عليك من البيت الارضي لانه البيت ٣ الاف قدم ارضي بياخذ مساحه ٣ الاف قدم من تسويه للارض واعمده رئيسيه والبيت الدورين ٤ الاف قدم بياخذ منك الفين قدم فقط كقواعد لانه الالفين الثانيات بيكونن فوقه السابقات
٨-ودائما تذكر انه الاستشاري منو ما كان بينكم علاقه شغل ولا تستحي تصارحه بالاشياء الي انت تباها واذا هو حاول يفرض عليك شي ارفضه بس تذكر خبره الاستشاري مهمه جدا جدا مرات تكون نصائحه هي الي بتفرق عليك @somar_faraj وبعد حديثي مع الاستشاري وافق يكون موجود لاي استفسارات من اي حد
٩-ونصيحه مني خصوصا اذا ما كنت تحتاج للبيت على طول.ابني بيتك بالقرض السكني الممنوح لك من الحكومه وبعدها اقعد على مزاج خلص الامور الكماليه من حجر ورخام وزراعه وغيره.لانه الكثير يجهل انه المقاول ممكن يسلم لك البيت فاضي من داخل وكامل من برع وعقب تقعد على راحتك تخلص @somar_faraj
١٠-وتذكر انه سور البيت يكلف ما يقارب ١٠ بالميه من قيمه القرض(لاماره دبي) فلو حاب ما تفسفس فلوسك قلل مطاليبك في السور وحطهن في البيت ابرك لك مثل زياده طول الجدار او التشكيلات الهندسيه الثقيله على الجدار الخارجي الي بتكون فقط كشكل ما راح تفيدك في شي @somar_faraj
١١-الحجر او التكسيه الخارجيه للبيت.تذكر اخوي دائما وابدا انه نحن في منطقه صحراويه وحاره جدا والغالب على الارض اللون الرملي والبني ومع مرور الوقت الحجر الابيض والاملس راح يستوي شكله بشع بفعل العوامل الجويه.تمر اليوم على بيوت حجريه تحس البيت مبقع لانه حطوا اغلى نوع بس مب المناسب
١٢-واذا كنت من الاشخاص الي بحكم شغله اغلب الوقت مشغول استخدم المثل(عط الخباز خبزه)بس في نفس الوقت لا تهمل المشروع لانه هذا مشروع العمر.واستفدت انا شخصيا @somar_faraj من السستم الي وفره لي الاستشاري انه اعرف النازله والطالعه في المشروع عن طريق برنامج وكيمره يوفرها لك في المشروع
١٣-مرات الواحد ما تكون عنده قدره انه يتصور المساحات كيف بتكون.اطلب من الاستشاري والمقاول انه يحطون على ارضك ابعاد المبنى طابق طابق وروح امش فيه.يصفون لك الطابوق على مساحه الارض بالمخطط والمساحات وبتقدر تحدد ساعتها.تراك دافع فلوس استخدم الاستشاري والمقاول لين ترضى @somar_faraj
١٤-ودائما قول للاستشاري يعطيك الحلول الانجح هندسيا مثل الاطوال والقصات والزوايا.بعطيك مثال الكل يقولك سو ارتفاع السقف ٣ متر بس للعلم اخر كم سانتي بتكسر الطابوق لانه تحتاج ربع الطابوقه وبتكون نقطه ضعف للمبنى فلو زدت الارتفاع ٢٠٠سانتي زياده بتكون تفاديت هالمشكله
١٥-ودائما اعيد واكرر استغل الاستشاري والمقاول عدل لانك دافع فلوس.اسال كيف وليش وهو مجبر انه يرد عليك.واقعد بالشهر والشهرين والثلاث خطط وزيد ونقص في الموضوع لين توصل
١٦-الكل يخاف من موضوع توقيع العقد مع الاستشاري لما يترتب عليه من التزام. @somar_faraj مع هالريال حليت المشكله تدخل عليه برسوم شهريه من غير عقد ملزم بيقعد معاك هو والفريق عنده بالشهور بمبلغ بسيط ورمسي يوصل بحده الاقصى 0.75 فلس على القدم في الشهر.لين توصل للي تباه
١٧-فتقريبا مبنى مساحته ٨ الاف قدم بيكلفك ٤ الاف درهم شهريا تكلفه الاستشاره والمتابعه والاشراف وجميع ما سبق واي وقت غيرت رايك فيه وقف الدفعه ولا عليك التزام بعقد ولا ملزم بشرط جزائي ولا عقيت لك مبلغ خيالي بدون ما تقتنع @somar_faraj
١٨-@somar_faraj واعيد واكرر خلك صريح مع الاستشاري الي بتتعامل وياه عشان يقدر يخلص لك المشروع بدون توقف.لانه اختيار المقاول جدا جدا مهم.
١٩-لانه في مقاول يوقف في نص الشغل لانه يتريا دفعات القرض وفي مقاولين مثل الي وفره لي @somar_faraj يقولك عطني اي مبلغ فوق القرض مثلا المشروع مليون و٢٠٠ الف.يستلم ٢٠٠ الف ويقولك مليون القرض ما عليك منه انا بخلص المبنى لك وبستلم فلوسي من الحكومه فمشروعك ما يوقف حتى يوم واحد
٢٠-وتذكر مره ثانيه انت دافع فلوس فلازم تحصل خدماتك كلها.باني مشروع في دبي(مليون درهم +) فلازم تحصل لك بالمقابل احسن عرض او خدمه من الجميع.
@somar_faraj بعد او اثناء الشغل حاله حال وكاله السيارات من خدمه وغيره
@somar_faraj بعد او اثناء الشغل حاله حال وكاله السيارات من خدمه وغيره
٢١- @somar_faraj فاليوم مع القرارات الاخيره للحكومه الرشيده في خصوص بند الاسكان وتوزيع الاراضي الجديده توكل على الله وخطط بيتك وخطط بيتك وخطط بيتك وعقب ابنيه لا تسوي كل شي بسرعه بسرعه تذكر هالريال ياخذ 0.75 فلس على القدم يعني ما بيكلفك شي واي وقت ما عيبك الموضوع كنسل وغير
٢٢- @somar_faraj واليوم الريال هذا بمناسبه العيد الخمسين لدوله الامارات العربيه المتحده.يقدم لكم اعمال بماقيمته ٥٠ الف درهم اعمال في التشطيبات والحجر لاول ١٠ اشخاص يسيرون له.ترا الموضوع مب دعايه بس من عقب ما شاب شعري مع البنيان حبيت افيدكم وقلت له تراني بتكلم واباك تفيد الخلق
٢٣- والشركه قديما متأسسة من ٢٠٠٦ وموجوده في السوق بقوه الله يبارك له في رزقه. @somar_faraj سير واقعد وخطط بدون اي التزام غير الي قلت لك عليه وتوكل على الله واعيد واكرر سو الي يعيبك والي تباه وفي الوقت الي تباه.ما عليك من الناس ترا البيت هذا انت بتعيش فيه مب الناس
٢٤- وهذا موقعهم في الانستغرام instagram.com وهذا حساب الريال في تويتر طلعوا عينه بالاسأله وما بيقصر فيكم وقولوله برهوم وهقك والحين كلها 😂 @somar_faraj
جاري تحميل الاقتراحات...