● ثريد#5 عن الفيتامينات و المعادن
المعادن بتنقسم لنوعين macrominerals بيحتاجها الجسم بكميه اكبر من ١٠٠ مليجرام ف اليوم و microminerals بيحتاجها الجسم بكميه اقل من ١٠٠ مليجرام ف اليوم ، اول حاجة هي ال macrominerals و هنبدأ ب الكالسيوم الي بيمثل حدود ١.٧٥% من وزن الجسم ، معدن ضروري للعظام و الاسنان و الاعصاب
كمان انقباض و توسيع الاورده الدموية و تجلط الدم و تنظيم الانسولين و انقباض العضلات من احسن مصادره منتجات الالبان ب انواعها و الخضروات الخضراء و البقوليات ، الكالسيوم بيمتص و يتوزع علي الانسجة عن طريق فيتامين دال و هرمون الغده جار درقية الي مجرد ما يقل الكالسيوم ف الدم بيقلل من
عملية إخراجه من الجسم و يكسر من كالسيوم العضم عشان يرجع الاستقرار لنسبه الكالسيوم ف الدم و هو كمان المسئول عن تحويل فيتامين دال لصورته الفعاله عشان يحسن من امتصاص الكالسيوم و مجرد ما يرجع الكالسيوم لنسبة الطبيعيه الهرمون دا بيقل ف الدم ف يعتبر دا ميكانيزم دفاع جسمك
مصادر الكالسيوم النباتية كلها فيها oxalic acid الي بيتربط بالكالسيوم و معادن تانيه زي الزنك و المغنسيوم و الحديد و يقلل امتصاصهم بنسبة كبيره بس لحسن الحظ انه بيتكسر بسهوله بمجرد نقع الخضار في ميه مغلية لثواني و هتاخد ميزه تانية ان الoxalic acid مسئول عن الطعم المر الخفيف ف الخضار
ف مجرد نقعه ف ميه مغلية بيتكسر و دا بيخلي الاطفال يتقبلو الخضار اكتر و دا بسبب ان الاطفال مستقبلات التذوق عندهم قوية ف عشان كده اغلبهم مش بيحب الخضار ، كمان في ال phytic acidف الرده و بعض انواع القمح الكامل و الي بيقلل من امتصاص الكالسيوم ف لازم تبعده عن الوجبة دي عشان تستفيد منه
انك تاخد نسبة كالسيوم كافية ف اليوم اجباري للاطفال و البالغين و كبار السن عشان هو مسئول بشكل مباشر عن كثافة العظام الي حصل فيها اي خلل بتعرضك لهشاشه العظام و كمان زياده الكسور و دا بيحصل ف الاطفال الي مش بياخدو احتياجهم من الكالسيوم و السيدات بعد ال٥٠ و دا الفرق بين شكل العظم
احتياج الكالسيوم بيزيد للرياضيين و خصوصا لو الرياضه فيها اعتماد كبير علي العظام زي الجري و ممكن الرقم المطلوب يوصل ل ١٥٠٠ مليجرام يوميا عشان تقدر تحافظ علي صحة العظم و تاخد احسن اداء و كل الدراسات بتقول ان السيدات بتستهلك كميه اقل من المطلوب دايما ف بيكون نسبة المشاكل عندهم اكبر
انك مبتكملش احتياجك من الكالسيوم بيكون مرتبط ف الاغلب بنمط حياه غير صحي الي هيعرضك لزياده الوزن كمان زي ما قولنا نقص الكالسيوم بيزود هرمون الغده الجار درقية الي بيزود من تخزين الدهون كمان ، نقص الكالسيوم بيعمل مشاكل ف ضغط الدم و كمان النواقل العصبية و خلل ف نسبة حمضية المعده
الي بدورها هتأثر علي كفاءه امتصاص الاكل و خصوصا البروتين ، تسمم الكالسيوم سيء بنفس درجة النقص فيه عشان هيعمل امساك و مشاكل ف الهضم و كمان مشاكل ف عضلة القلب و غير ان وجود كميه كبيره من الكالسيوم هتعترض امتصاص معادن مهمه زي الحديد و الزنك و المغنيسيوم ف هيحصل نقص فيهم
Phosphorus
من المعادن المهمه بيكمل الكالسيوم بحيث ان كل ٢ جزيء كالسيوم ف الجسم قدامهم ١ فوسفات،ليه نفس دور الكالسيوم ف صحة العظام و الاسنان كمان ليه دور ف عملية الميتابوليزم لل٣ مغذيات كمان هو اساسي لطاقة الجسم و في مسار طاقه كامل معتمد عليه كمان هو المكون الاساسي لعملة الطاقة
من المعادن المهمه بيكمل الكالسيوم بحيث ان كل ٢ جزيء كالسيوم ف الجسم قدامهم ١ فوسفات،ليه نفس دور الكالسيوم ف صحة العظام و الاسنان كمان ليه دور ف عملية الميتابوليزم لل٣ مغذيات كمان هو اساسي لطاقة الجسم و في مسار طاقه كامل معتمد عليه كمان هو المكون الاساسي لعملة الطاقة
ف الجسم ال atp الي هي عباره عن ادينوسين و ٣جزيئات فوسفات و احتياج الحامل و المرضعة منه بيزيد الضعف بسبب احتياجات الجسم الزياده ف الفتره دي ، بيتحكم فيه نفس المتحكمين ف الكالسيوم ف لو نقص الكالسيوم هرمون الغده جار درقية بيطرد الفوسفات من الجسم عشان يفضل في توازن بين نسبتهم ف الجسم
موجود بكثره ف كل الاطعمه عالية البروتين و كمان منتجات حبوب القمح الكامل و المشروبات الغازية ، بيحصل نفس مشكلة امتصاص الكالسيوم و هي وجود ال phytic acid ف القمح الكامل الي بتتعارض مع امتصاصه ف ممكن تستعمل حبوب خميره بيكون فيها انزيم بيكسر الحمض دا و يزود من قدره الجسم انه يمتصه
نقص الفوسفات شبه مستحيل عشان هو موجود ف اغلب الاكل الا ف حالات محدوده زي سوء التغذية الشديد او ان الشخص يكون بيستعمل نوع ادوية للمعده من كلاس ال antacid الي فيها aluminum hydroxide ف بيتحد مع الفوسفات و يكون مركب غير قابل للإمتصاص.
علامات النقص فيه بتشمل ضعف عام و ضعف الشهية
علامات النقص فيه بتشمل ضعف عام و ضعف الشهية
و ضعف العظام و وجود تنميل مستمر ف العظام و الاصابع و لو حصل النقص ف الاطفال بيسبب مرض الكساح، مريض الكلي لازم ياخد باله ان الكلي مش هتقدر تنظم كمية الفوسفات ف الجسم زي الشخص الطبيعي فلازم يراقب استهلاكه عشان النتايج بتكون عكسية علي صحة العظام و مشاكل ف القلب.
جاري تحميل الاقتراحات...