لما البنطلون يضايق بطنك والزرار يبقى صعب يتقفل
بتاخد بالك ان فيه حاجة اختلفت في جسمك
وانك محتاج تتحرك آكتر وتاكل أقل علشان البنطلون يرجع زي زمان
إللي حضرتك عملته ده بنسميه دورة التغذية العكسية feedback loop
لازمتها ايه؟
لازمتها ان النظام ما يضربش 😂
أو أنه يحافظ على اداؤه 1

من غير الدورة دي، حتفضل تاكل وماتتحركش وتجيب بنطلونات أوسع لغاية لما ماتقدرش تتحرك خالص
الدورة دي مهمة جدا مش علشان البنطلون وبس، لكن لكل حياتنا
كل حاجة بتعملها محتاج تقيمها كل فترة وتعرف هل محتاج تعدل من نفسك ولا انت تمام كده...
المثير للانتباه ان الكون كله بيستخدم الدورة دي 2

علشان مايضربش برضه 😂
الوحيدة اللي مش بتستخدم الدورة دي بكفاءة هي الحكومة 😎
ليه بقي؟
لان تكلفة الاستجابة للشكاوى (زرار البنطلون إللي مابيقفلش) من خدمة ما عالية ويمكن محتاجة تعديلات كتير، أو عدم اهتمام
أو ضعف في القوانين لصالح الموظف
والحل؟
السوشيال ميديا منصة بس مش فعالة وحدها 3

لازم يبقى فيه وحدة ما شغلتها تنزل تجرب الخدمة من منافذ المواطنين العاديين وتقيمها وتعلن التقييم ده للناس
وكمان تاخد إجراءات عقابية ضد الموظفين المهملين والادارة الرخوة
دي مالهاش دعوة حتى بالفساد بس مجرد نشر الفكرة حيردع كتير من المديرين والموظفين 4

ودي مش حاجة جديدة، جهات كتير تجارية بتعملها وبتسمي العميل
المستتر
mystery shopper
الخلاصة
اي نظام مافيهوش تغذية عكسية بيفقد اتزانه ويضرب ويبقى خارج نطاق التحكم
وكل عام وانتم بخير 😎😎😎 5