أنا غير متفق خالص مع الرأي ده .. الطريقة اللي بتتعامل بيها مع فلوسك أهم كتير من فكرة مرتبك كام لأن لو ادارتك سيئة هتفضل مزنوق مهما مرتبك زاد .. الكريدت كارد وسيلة توفر بيها مبلغ محترم لو استخدمته صح .. الFinancial Education مهم جدا و مش موجود عندنا (١) يتبع ..
البنوك بتعرض مزايا و benefits للكريدت كارد عشان تشجع الناس منها free air miles و cashback و discounts و reward points ولو فاهم كويس اسلوب حياتك هتعرف اكتر منطقة بتصرف فيها و تجيب كريدت كارد مناسبة توفر عليك اسلوب الحياة ده .. هتقولي طب والبنوك تخسر ليه و تديك حاجات ببلاش ؟ (٢)
الاجابة انه عشان فيه ناس تانية غيرك بتتأخر في سداد الكريدت فالبنسبة للبنك اللي هيكسبه من الناس ديه هيغطي المزايا اللي بيديهالك و يكسب هو كمان .. وفيه ناس فاهمة السستم كويس جدا لدرجة انهم بقوا Credit Card Bloggers و بيسافروا و يركبوا طيران من غير ما يدفعوا مليم عشان حاسبين كل كارت
ولو أنت في الاول معندكش القدرة تلتزم و تتعامل مع فلوسك و الكريدت تقدر تعمل الليميت او الحد الاقصي للكريدت يكون اقل من مرتبك بحيث متصرفش شهريا اكتر منه و ممكن تعمل السداد اتوماتك اخر كل شهر عشان يخصم مباشرة من حسابك .. بس الدفع بالكاش او الdebit كارد ليه زيرو فايدة علي الواحد
واحب ارجع لكتاب Rich Dad, Poor Dad اللي بيقول فيه Poor people work for money, Rich people have their money work for them .. وانه طول مانت حسبتك قايمة علي المرتب اللي بييجي اخر الشهر و يتصرف كل مرة يبقي مشكلتك مش في مبلغ المرتب لكن مشكلتك في ادارة مالك
فيه ابليكشنز للspending tracking عشان تعرف بتصرف كام علي ايه شهريا و فلوسك رايحة فين عشان تقدر تحدد ايه المبلغ اللي معليهوش التزامات شهريا و تشوف تحب توظفه فين بصورة احسن بدل ماهو رايح في اماكن انت مش حاسسها .. فكر و دبر امورك كويس هتلاقي بتوصل لنتايج و فايدة ليك اكبر بكتير
واحب ازود ان بره عندهم الCulture ديه و فيه بلوجز و ناس بتشرحلك كل كارت و ايه احسن حاجة مناسبة ليك و ازاي تجيب الماكسيمم لكل تعامل مع اي بنك لأنها في الاول و في الاخر شراكة بينك و بين مؤسسة في ادارة مالك .. حاول تطلع منها كسبان و مستفيد
جاري تحميل الاقتراحات...