مساء السعاده ... النهارده عايز اشاركم تجربتي في تجديد رخصة العربيه (وفحص فني كمان) في وحدة المرور الالكترونيه ب سيتي ستارز .. الموضوع بدأ معايا بخبر كان مشيره صديقي العزيز @Ahmad_Hakim_1 وكان برضه في تجربه حكاها قريب برضه @SamerM9S واللي افادني كتير بصراحة واحب اشكره
الموضوع بدأ ان كان عندي مشوار في محل جنب سيتي ستارز علي طول وبعد ما خلصت قلت ادخل اشوف الدنيا فيها ايه وما كنتش ناوي اعمل حاجه .. وانا داخل الجراچ سألت علي المرور وقالولي انه في Level -3 .. نزلت لقيت الدنيا مش زحمه ... هوب سحبت رقم وكان فاضل حوالي نص ساعه علي دوري
قلت استغل الوقت ده وطلعت جبت شهادة المخالفات من مكتب البريد اللي في اول دور .. اديت الموظف الرخصه وطبعلي شهادة المخالفات في اقل من دقيقه كنت ماشي بعد ما دفعت الرسوم والحمد لله مكانش في مخالفات
رجعت علي لجنة الفحص واخدت دور وتم عمل اللازم للفحص الفني بالكامل ودفعت رسوم الطفايه والذي منه واخدت برينت اطلع بيه وحدة المرور المميزه في الدور السابع
الوحده نفسها اكتر من رائعه ومريحه جدا وفيها كافتيريا هايله ... خدمه خمس نحوم .. دخلت علي الموظف وفي اقل من ٥ دقايق كنت دافع الرسوم وعلي ما شربت فنجان قهوه كانت الرخصه اتطبعت واستلمتها ... تجربه اكتر من رائعه بتبين اننا فعلا نقدر نعمل اي حاجه بشكل محترم ومنظم
كل المدفوعات عن طريق الفيزا (مفيش اي كاش)
عرفت منهم ان حيتعمل زي الوحده دي في اكتر من مول كبير
اخيرا اتحقق الحلم ان احدد الرخصه من غير ما اشتري ورق ولا ملفات ولا اي زفت ... مجرد الموظف اخد الرخصه القديمه وسلمني الجديده
انا اخدت ساعتين بالظبط علشان الفحص الفني
عرفت منهم ان حيتعمل زي الوحده دي في اكتر من مول كبير
اخيرا اتحقق الحلم ان احدد الرخصه من غير ما اشتري ورق ولا ملفات ولا اي زفت ... مجرد الموظف اخد الرخصه القديمه وسلمني الجديده
انا اخدت ساعتين بالظبط علشان الفحص الفني
لكن لو مجرد تجديد رخصه بدون فحص .. حرفيا هيا ربع ساعه مش اكتر
لو حد عايز يسأل علي اي حاجه انا في الخدمه
لو حد عايز يسأل علي اي حاجه انا في الخدمه
@SamerM9S @Ahmad_Hakim_1 تسلم وتعيش ... تجربتك شجعتني بأمانه والحمد لله الدنيا كانت لطيفه جدا
بالمناسبه هما شغالين من ١٠ صباحا ل ١٠ مساءا
جاري تحميل الاقتراحات...