فى البدايه عاوزه اتكلم عن تجربتى مع جراحة السمنه او الجاستريك سليف بما انى عاملاها من 2013
واعتقد انى هجاوب على معظم الاسئله ، ليه حد بياخد القرار ده، ليه بنخبى ، ليه الحياه بتتغير ، المميزات والعيوب ، هل مفيده او لاء . واللى عنده اى سؤال يتفضل بعد ما اخلص الثريد واتحملونى حبه
واعتقد انى هجاوب على معظم الاسئله ، ليه حد بياخد القرار ده، ليه بنخبى ، ليه الحياه بتتغير ، المميزات والعيوب ، هل مفيده او لاء . واللى عنده اى سؤال يتفضل بعد ما اخلص الثريد واتحملونى حبه
انا طول عمرى وزنى قليل ، كنت بتعاير ببطنها لازقه فى ضهرها، كميه تريقه رهيبه مع ان وزنى 58 وطولى 168، بس على ايامى كنت معصعصه وتوم بوى وفعلا بلبس لبس اولاد لاسباب كتيره لا مجال لذكرها فى الثريد ده ، ورغم ثناء زميلات الدراسه على شكل جسمى الا انى كنت انسكيور 1993
اتجوزت وبدأت ازيد فى الوزن وبدأت اتعاير بطريقه اخرى ، فين المانيكان اللى اتجوزته، او ان اخواتى يغيظونى بلبسهم وانه مش داخل فى وزنى بقى 70 كيلو ، واتحرمت من لبس كتير وبقيت اشوف روحى فعلا وحشه وتخينه جدا ، من الاخر سمت صوره مشوهه عن جسمى فى خيالى
فى الحمل وزنى وصل ل110 ونزلت بعد الولاده بكام شهر لوزن 80 كيلو ، وفضلت فى لعبه اليويو ، بدايه من الابر الصينيه فى عز مجدها لحد ما وصلت للادويه فى 2005 ، وكل ده وانا عماله العب فى وزن من 85 ل75 كيلو، مافيش حاجه فى الدنيا ما جربتاش لنزول الوزن
خلفت تانى ووزنى ثبت عند 85 ، ومصاريف بالهبل واحباطات كتيره ، انى انزل اشترى لبس فارفض مقاس 14 واجيب مقاس 12 او 10 ، ويتركن فى الدولاب على امل انى اخس وفى نفس الوقت ده كان رفضى لشكلى ووزنى والمقاس ده ، تحولت من جوايا لست كئيبه، وزنى كأنه طابق على عقلى ونفسيتى
الخروجات قلت ، حتى الاكل بقيت امتنع عن الاكل مع اسرتى ، باكل ايموشنالى ، ودايره جهنميه لا تنتهى ، وكأنى باكل انتقاما من نفسى ، ازعل اكل ، افرح اكل، اتوتر اكل ، بقى الاكل هو تعبيرى الوحيد عن كل المشاعر وكل الافراح والاحباطات ، وكأنى اتخرست وبقى ومعدتى بس هم وسيله التعبير
جت فتره بقيت ادعى ربنا يجى لى سكر او سرطان عشان اخس ، هتعتبروها مبالغه ، لاء، ده كان بيحصل وعياط كتير وصلاه ، جربت اخطر الادويه وبرضه بالعب فى رينج العشره كيلو
تعليقات اللى حوالى ، اقفلى بقك حبه ، انت ما عندكيش اراده ، اه حلو بس لو تخسى ، شكلك كبير اصلك تخينه شويه ، لدرجه انه كان بيتم تهميش رايى او عدم اخذه على محمل الجد لان مش ممكن واحده تخينه هتكون بتفهم لو كانت فالحه كانت خدت بالها من روحها
وحصلت ازمه فى جوازى وكانت التعليقات ماهو من تخنها ، ما طبعا ماهو لو كان شكلها ، اصلها قصرت ، وكلام كتير بالاتهام بالضعف والخنوع الطفاسه وانى بروطه ولا فائده منى 2007
من 2011 قررت انى الاقى حل ، مش ممكن العلم عقم عن انه يلاقى وسيله وكتبت على جوجل لوسنج ويت اوبريشن ، وبدأت العناوين والبحث ، والبحث يجر لبحث ، عاوزه حاجه توقفنى عن الاكل بالغصب وما ازيدش ابدا مهما ان اكلت جوزى كان داعم لى جدا لانه حس برغبتى العارمه فى انقاص وزنى،
وبدأت ادخل منتديات واقرا كتير بجنون واتفرج على العمليه فى المكسيك بتتعمل ازاى والمضاعفات
سنتين كاملين وكانت ظهرت جراحه تحويل المسار ، دورت على دكاتره المشاهير ، العمليه ب100 الف وناس كتير فى المنتديات اشتكت منهم ، منهم اللى عمل عمليه حسين الجسمى ، الناس بتشكى من المضاعفات ،
سنتين كاملين وكانت ظهرت جراحه تحويل المسار ، دورت على دكاتره المشاهير ، العمليه ب100 الف وناس كتير فى المنتديات اشتكت منهم ، منهم اللى عمل عمليه حسين الجسمى ، الناس بتشكى من المضاعفات ،
درست المضاعفات وعرفت سببها وطريقه التغلب عليها وقررت انى مش هخليها تخصل لى
المهم وصلت لدكتور محمد طالبور طبيب ايرانى هو تقريبا مخترع الجراحه فى ايران ، تواصلت معاه وقال لى انه بطل يعملها لكن فيه له تلميذ سورى عايش بمصر ممكن يعملها لى ، وادانى بياناته ، كلمت مدحت ورحنا للدكتور
المهم وصلت لدكتور محمد طالبور طبيب ايرانى هو تقريبا مخترع الجراحه فى ايران ، تواصلت معاه وقال لى انه بطل يعملها لكن فيه له تلميذ سورى عايش بمصر ممكن يعملها لى ، وادانى بياناته ، كلمت مدحت ورحنا للدكتور
اسف وزنك قليل 85 كيلو لازم يكون 100 على الاقل عشان اقدر اعملها لك ، شهرين باكل زى المجنونه ، وزنى زاد ورحت له ورحت له تانى ، وقلت له عاوزه اعمل سليف عشان لو فشلت يبقى عندى فرصه اعمل تحويل مسار ، ساعتها اتكلفنت 35 الف ، الدولار كان ب6 جنيه ،
اتناقشت فى تكنيك العمليه ، وطلبت يصورها ، دخلت اوضه العمليات وخرجت منها بعد 45 دقيقه بالضبط ( انا فاكره الفلوس نسيتها فى البيت والدكتور دخلنى اعملها وقال هاتيهم بعدين ) جوزى ساله بسرعه كده قال له انا عارف بعمل ايه وتكنيكى فاطمه عارفاه وده اامن تكنيك
خرجت من العمليه وروحت البيت وكانت اول نوبه بكاء رهيبه انى ضعيفه وخايبه ولا استحق وانى قطعت حته من جسمى عشان مش عارفه اقفل بقى / وكل اللى بيتقال لى بقى له سنين بقيت انا بقوله لنفسى واسوأ بكتير ، كتير اوى اوى
ما كنتش عارفه يعنى ايه اكل وبطنى هترفض وارجع ،
ما كنتش عارفه يعنى ايه اكل وبطنى هترفض وارجع ،
ده اللى كنت محتاجاه حد يجبرنى اوقف اكل ويقول لى كفايه بما ان مخى ومعدتى مش عارفين يقولوا ده ، العمليه كانت العسكرى اللى هيوقفنى عند حدى ، وماله انا محتاجه حد يقود طالما مش عارفه اسوق نفسى ، مش عيب
وابتديت اتعلم الاكل من اول وجديد زى الطفل وفى اول شهر وزنى نزل 15 كيلو ، بدات الاسئله خسيتى ازاى ، لمده سنه كنت بقول دايت لانى عارفه اللى هيتقال كويس ، فلوسك كتير ، ماعندكيش اراده ، دول كام كيلو ، اصلك بتستسهلى ، انت بروطه ، واضعف الايمان ، خسيتى بعمليه مش بمجهودك يعنى
وزنى وصل 59 كيلو فى 6 شهور ، وحياتى اتقلبت ، ورجعت من جوايا بنت 18 سنه ، بالبس واتنطط،،،،،، وثقتى فى نفسلا خلتنى فعليا ممكن البس اى ترنج وانزل اجدعها مول بعد ما كنت اطلع الدولاب كله عشان الاقى حاجه تشد النظر بعيد عن وزنى، انتوا مش متخيلين الحريه
جوزى نفسه بقى يشترى لى من غير ما اقول ، رجعت لمقاس 8 و6، مهما ان وصفت مش هغرف اقول لكم ، لقيت نفسى ، بقيت مرحه اكتر ولطيفه وواثقه فى روحى ، رغبتى فى استخدام ماد التجميل واللبس الماركات اللى بيلهى العين عن عيبى قلت ، تصدقوا ، الناس بقت تاخدنى على محمل الجد اكتر
لحد ما اتطمنت وافصحت عن انى عملت عمليه وكان على فيسبوك ، وقلت للكل انا خبيت ليه وساعتها كل الناس حطت لسانها فى بقها ، حتى انى اقول لحد اصلى تعبت وبحاول لى 20 سنه وكان لازم الاقى حل بطلتها بقى الرد ، انا حره ، او اوك فلوس مش عارفه اوديها فين ، انا واحده بحب الراحه وريحت نفسى
الكلام الرود ده كان له مفعول السحر ، الكل لزم مكانه ، ما بقاش حد يلوم ، والايه اتقلبت ، بعد التريقه بقيت انفلونسر فى التكميم فى 2013 فى محيطى، ومكالمات من مصر والخليج وامريكا عشان ناس عاوزه تعملها ،
انا باكل كل حاجه فى الدنيا بس نونونو نو،
انا باكل كل حاجه فى الدنيا بس نونونو نو،
عيوبها سقوط الشعر والنحول الجامد فى الاول اللى بيتظبط بعد كده بالوصول لوزن الجسم بيعتاده
حاليا وصلت 65 كيلو ، اقل وزن 57 واكتر وزن 73 ، عامله العمليه لى 8 سنين ، لبسى مقاسه هو هو ....
حاليا وصلت 65 كيلو ، اقل وزن 57 واكتر وزن 73 ، عامله العمليه لى 8 سنين ، لبسى مقاسه هو هو ....
اتمنى بس كل صورم بيقول لواحده عملت عمليه انت وانت ـ يا تعملى زينا يا تتبطى وتسكتى لانك مش دريانه بحاجه وعايمه فى ميه البطيخ ،
اللى بيموتوا منها راحوا لدكتور جااااهل ، وحصلت عدوى ، العمليه امان لو اتعملت عند حد محترم ، والمحترم مش لازم يكون غالى ،
اللى بيموتوا منها راحوا لدكتور جااااهل ، وحصلت عدوى ، العمليه امان لو اتعملت عند حد محترم ، والمحترم مش لازم يكون غالى ،
انا كسبت حياتى وسعادتى النفسيه والروحيه والعقليه ، ولو كان التمن حته من جسمى ، هدفعه بنفس راضيه الف مره ، انا 20 سنه بكافح ، فلوس وصحه واحباطات ونكد، كان لازم الاقى حل يقطع الطريق ده مهما ان كلفنى لان كنت هبقى بظلم روحى لو كملت فى طريق مافيش منه رجا بالنسبه لى .
اللى بيزيدوا بيزيدوا ليه ، لانهم ببساطه بيستبدلوا الاكل بالشوكولاته اللى بتتحول لسائل فيستهلكو منها كميه رهيبه ، هم حولوا سلوكهم من اكل كتير لسعرات كتير مع اكل قليل
بس يا سيدى ،
الخلاصه ، لو حد اتهمك بالراحه طلعى له لسانك ، دور على مخرج، ومش عيب تقول تعبت ولازم الاقى حد يساعدنى
بس يا سيدى ،
الخلاصه ، لو حد اتهمك بالراحه طلعى له لسانك ، دور على مخرج، ومش عيب تقول تعبت ولازم الاقى حد يساعدنى
جاري تحميل الاقتراحات...