(الذهن يتبعك) هذه الجزئية أو القاعدة هي أصل لكنها ضاعت مع الأيام وصارت العكس، والناس تعيش هذا الفهوم المعكوس وما يحتاج نثبته، ولو تفتح رأس كل واحد راح تلقى خلايا نحل وضجيج يزعج بلد بحالها، فكيف تصنع ذهن هادئ وتركيز جيد مع مرور الوقت، قلت مع مرور الوقت، لأن البعض يتوهم الحل السحري
ولذلك، تحتاج تقيم وضعك، لا تسوي معادلات، لكن افهم وضعك ذهنيا، وكيف تقدر تحسن من جودة هدؤوك الذهني، ماأبغاك تسوي جلستين تأمل وبعدين نشوفك على خير، الفكرة أعمق من كذا، الموضوع مرتبط بلايف ستايل، نمط مستمر، لأن ممكن تنزعج وتنضغط في الافكار في وقت ما، ولا خلال عمل أو دراسة، طبيعي.
مشاعرك/أفكارك هالاثنين يحتاجون ترتيب، تضبيط، جرد ثم سرد، تعامل معهم بحكمة ولين، لو كنت مضطرب تحتاج علاج، لو كنت تفكر دائما فأنت تحتاج تعديلات وتركيز، الفهم يأتي أولا، لا تروح تطبيق جلسات تأمل ومافي أسهل منها، لكن تعلم تتعامل مع الفكرة والشعور أولا، ثم تنطلق في تطبيقات وتستمر فيها
كيف تعرف انك بدات تتحسن في فهم الافكار والمشاعر عندك؟ غالبا تشعر بوضوح، خفة، تعجب، تبدا تصيد نفسك عل الطالع والنازل،كانك حارس عمارة وتشوف اللي يطفي النور واللي يخرج ويدخل، وتعرف الشعور الغريب كأنه تسريب من مكان بس تبجث يطلع حنفية مكسورة ولا مكان يحتاج صيانة، هذا تشبيه يساعدك :)
وصلتك الفكرة، الان، اعمل جرد لمعظم أفكارك المكررة، ومشاعرك الغالبة،الفكرة والشعور علاقاتهم طويلة وملتوية ومباشرة وغير مباشرة،شوف الرابط بين الافكار والمشاعر، لاحظ الشعور الغير مفهوم، والافكار اقبض عليها، مش تفكر فيها بس :)علمتكم كيف تقبض على الافكار (الكتابة،المشي) حاليا الاسهل
وصلتك الفكرة، الان، اعمل جرد لمعظم أفكارك المكررة، ومشاعرك الغالبة، الفكرة والشعور علاقاتهم طويلة وملتوية ومباشرة وغير مباشرة، شوف الرابط بين الافكار والمشاعر، لاحظ الشعور الغير مفهوم، والافكار اقبض عليها،مش تفكر فيها بس :)علمتكم كيف تقبض على الافكار (الكتابة،المشي)حاليا الاسهل
بعد هذا الفرش والتمهيد لوضعك، قرر بوضوح، وش مسببات ضغطك الذهني، هل هو طريقة تعاطيك مع الامور، قلة خلواتك، عدم ممارسة تطبيقات، بالعربي اهمال، قرر كيف ممكن تخفف من هالعبء، ثم خذ ما يناسبك من التطبيقات التالية
🔹أكتب يوميا، خصوصا لو جديد عليك الامر، قبل النوم أو وقت الاستيقاظ، اللي يناسبك، شوف جرب الانسب لك واللي يشتغل معك، بليز لا أحد يسال عن الكتابة، شرحت كثير، روح للقناة، أو انتظر الكورس يا جميل ..
🔹 التأمل المنتظم، ٣٠ يوم ولا تسوي يا بطل، ١٠-١٥ دقيقة الي تقدر عليه، أول عشرة أيام كلها خبال ومقاومة، عادي، أبغاك تروح للايام الاخيرة وتحكم، التأمل إعادة تربيط وشد أذرعه، كأنها سيارة مفككة وكلها أصوات، التأمل ورشة ذهنية بارك الله في أيامك يا اللي تفكر كثير :)
🔹مارس رياضة، تحرك، أدخل قانون الحركة لجسمك، ٣٠ دقيقة أقل شي، أنتظم فيها، الجو بيتعدل الان أمشي وشوف نفسيتك وأفكارك كيف تتأثر في فن المشي وعلومه :)
🔹مارس طقوسك الخاصة، قد تكون مبدع وتنغمس في مشروع لساعات، أو في محرابك تخلع أفكارك وتخشع، تعلم الخلوة، تمرسها، كانت زمان عبادة الصالحين، اليوم في الصحة النفسية أصبحت ضرورة مع كثرة المشتتات والضغوط، لا تستهين بجلسات تغسل فيها نفسيتك ومشاعرك :)
🔹 وأخيرا، إرفع جودة أفكارك، من خلال تغير بيئتك، تعلم مهارات ، الذهن القوي أحب وأفضل في المعالجة من الذهن الضعيف والواهن، واهتم بأكلك، الاكل الخايس يلعب بمشاعرك ونفسيتك، إعمل ديتوكس وشوف كيف يروح الثقل من جسمك وشعورك، خفف حمولتك بعدة طرق..
وينكد سعيد 🌹
جاري تحميل الاقتراحات...