چيم واندورفينز وeuphoria؟؟ ياعم انا بروح الجيم ارجع مكتئب ..السؤال هنا هل ممكن ترجع من الچيم مكتئب فعلا ولا ده احساس كاذب؟ هل ممكن فى نص التمرينه تاخد ركن وتعيط ؟ الاجابه اه ..وليها اسباب علميه وممكن تتجنبها ..الثريد ده هيبقى عن ازاى تتجنب الجانب المظلم من الچيم 🧠🌚
مبدأيا اللى لازم تعرفه ان الانسان كائن معقد جدا..ومخه مفهوش زرار on يحسسه بسعاده وزرار off ..هو complex كده بيتأثر بعوامل كتير..وان فى أشخاص فعلا بيبقى عادى بس يروح الجيم يكتئب ويخش فى حاجه اسمها workout hangover
منها اسباب جسديه : زى نقص نسبه السكر فى الدم ..لما السكر يقل الجسم بيبدأ يعرق اكتر وبيفقد سوائل اكتر ويبدأ الشخص يحس بعدم التركيز وده بيخلى التمرين كأنه تكدير ..قله النوم برضه اللى بتخلى الشخص بيحس بارهاق شديد ..الشعور بالارهاق ده اللى بيسبب شعور الsadness أثناء التمرين
وفيه اسباب تخص التمرين ذات نفسه : واهمها ال overdoing أو المبالغه فى التمرين..أشخاص كتير بيحسوا بشعور الحزن والاكتئاب لما بيمارسوا high intensity exercise يعنى تمارين شديده مرهقه غير ملائمه لمستوى لياقتهم أو قوتهم الجسديه
زى مثلا هتلاقى كوتش ماسك عيل ويقوله والله ما حد غيرك هيشيل ال 50 كيلو ديه النهارده يا بن كوم الأولمبياد ..التمارين العنيفه ديه ليها تأثير عكسى على أشخاص كتير وبتسبب الشعور بالاكتئاب ..الافضل انك تلعب تدريجى..ومش كل الأشخاص ينفع معاهم تمارين عنيفه
من اسباب الاكتئاب انك مش حابب التمرين اصلا..انت قاعد تغير اصلا فى اوضه تغيير الملابس وبتلبس لبس التمرين ودمعتك على خدك..أو شايل هم التمرين ..فى الحاله ديه قدامك حل من اتنين..يا تغير نوع التمرين ..أو تلعب رياضه مختلفه ..يا تشوف partner بنفس مستواك وتلعبوا مع بعض
حاول تختار رياضه انت بتحبها ..مش لازم تلعب جيم واوزان..لو انت بتلعب رياضه مش بتحبها وخاصه لو الرياضه ديه عنيفه زى الintense workout لقوا أن ليها تأثير جسدى مشابه تماما لشعور الanxiety
لقوا أن عند بعض أشخاص لو داخلين التمرين بnegative thoughts التمرين ذات نفسه بيزود الأفكار ديه..والتفكير فى أحداث سلبيه أثناء التمرين بتبقى أسوأ من التفكير فيها فى اى وقت تانى ..فبينصحوا انك تتجنب اى التفكير فى اى أفكار سلبيه وتحاول تخلى التمرين distraction لاى افكار
اخيرا من الأسباب اللى بتأثر على بعض الأشخاص هو الhigh expectation أن هو مش شايف نتيجه ملموسه للتمرين سواء عايز يخس مثلا او يعمل shape..من ضمن النصائح اللى اتقالت للأشخاص ديه هو انك تركز على اللحظه الحاليه اينعم انت مش ملاحظ تغيير خارجى بس كونك بتتمرين انت أصبحت شخص healthy
فكر دائما فى التأثير الداخلى زى مثلا أن ضغط دمك هيتظبط..مستوى الدهون فى دمك قلت ..بقيت اقل عرضه لأمراض القلب والجلطات ..كل ديه حاجات غير ملموسه انت اتغيرت فيك..التأثير الخارجى بياخد فتره لو ركزت عليه هو بس هتحس بإحباط وتخش فى post workout sadness .
جاري تحميل الاقتراحات...