رتبها

#ثريد
هل فعلًا نقدر نستغني عن النادي ونتمرن بالبيت بأقل تكلفة ونحصل ع نتايج نفس الي بتجي مع تمرين النادي؟

خلكم معاي بالثريد هذا بتكلم عن تجربتي وبما اني ولله الحمد وصلت لمستوى قوي ولجسم قوي بتمرين البيت بحط لكم كل الي احتجته
ملاحظة🔴 : هالاشياء خذيتها ع مدار سنين ماخذيتها مرة وحدة

اول حاجة اشتريتها هي شنطة الاوزان بو ٥٠ كيلو،سعرها يتراوح من ٣٥٠ ريال الى ٥٠٠ ريال (ع حسب بعد الاونلاين يجي سعره رخيص)،ليش دايمًا انصح ب٥٠ كيلو ؟لانه بتتم معاكم فترة طويلة وانتوا تعرفون بين فترة وفترة نحتاج نزيد الوزن عشان نستمر نتطور والي بيساعدك بالشي هذي استمرارك بزيادة الوزن

استمرت هالشنطة معي فترة حلوة كذا سنة تقريبا (سنة كاملة مادفعت فيها غير هالسعر وجسمي يتطور😉)
بعدها حسيت احتاج اوزان اكثر فرحت خذيت الشنطة الجديدة ونفس الشي بو ٥٠ كيلو فصار عندي اليوم ١٠٠ كيلو بالبيت وبتقعد معي اكثر ومستقبلا باخذ اكثر لانه شوي وبقفل ال١٠٠ بالهيب ثرست والددليفت🤣

ابتدينا باول شي اساسي واحين نجي لبعده :
١-طبعًا تحتاج مات للتمارين وفيه منها انواع واشكال كثيرة
٢- ممكن حبال مقاومة
٣- باند

تره اخر شيئين مب اساسيين ولكن انا حبيت اشارككم بالاشياء الي جمعتها ع مدار ٤ سنين ،ماشريت كلشي مرة وحدة تره
شوي شوي وبيصير عندك جم متكامل
طيب نجي للاشياء الي ممكن تضيفها بجمك المنزلي✔️

بنش :
يساعدك تادي تمارين الصدر مثلا بكل زواياه واذا بتاخذه احرص يكون الي تقدر تغير بارتفاعه(اذا ماتقدر تاخذه عادي البدائل كثيرة)

سكوات راك :
لكن هل هذا يعني انه الارجل عندي ماتقوى بدونه ؟صح انه يساعدني اادي السكوات ولكن اذا ماقدرت توفره عادي
اكتب بيوتيوب
Dumbbell squat workout
بتطلع لك اشكال لتمارين السكوات كثير
دايمًا ابحث عن الشي البديل المناسب لك ولظروفك

Barbell pad
حلوووة اريح لج وانتي تادي التمارين خصوصا الهيب ثرست

العقلللةةةة خذيتها ورهيبة وسعرها تقريبا ٦٠ ريال وتثبتها ع الباب عدل بس شوف طريق التثبيت يوتيوب وماتطيح تره لتخافون 🤩🤩تعلقوا فيها كل بيتنا بكل الاحجام والاوزان🤣

تمام تقريبا خلصنا الاشياء الي نحتاجها للمقاومة وقلنا اشياء اساسية واشياء ثانوية
نجي للكارديو :
الكارديو ببساطة باي مكان تقدر تسويه حتى والله ماله داعي تاخذ جهاز مشي وفر المبلغ هذا للحديد احسن🤷🏻‍♀️✔️

المشي بالحوش كارديو
نط الحبل كارديو
صعود الدرج ونزول الدرج كارديو
ترقصين وتهزين ليل نهار كارديو 🦦🔥
مقاطع الكارديو باليوتيوب
مثال :

وبس يعني حاولت ارويكم اغلب الاشياء الي ساعدتني والي يقول تمرين البيت دلع هذا مايعرف شي لانه وصلنا لاشياء فخمة واحنا نتمرن بالبيت وصلنا لقوة وبناء لانه التزمنا،ومشينا ع خطة تغذية وتمرين عدل والبدائل موجودة ☑️

تمرين البيت ساعدني التزم اكثر مع ضغوط حياتي اليومية بحيث اني اي وقت اقدر اتمرن ما احاتي روحة النادي ورجعته اتمرن ليل صبح ظهر عصر متى ما شفت نفسي مستعدة اروح وكلشي عندي وباي وقت باتمرن.
وبس معاد عندكم عذر للتكاسل عن التمرين🦧💛💛
Bigg loove 🤪💛💛💛💛

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد