🔴يومك ضايع في السوشيال ميديا والتلفون؟
هل تعاني من عدم القدرة على التركيز لفترات طويلة؟
هل فكرت في اخذ "إجازة" عن مواقع التواصل الإجتماعي؟
🔴كيف ممكن تاخد كل الايجابيات بتاعت السوشيال ميديا بدون التاثيرات السلبية المرتبطة بيها؟
هل تعاني من عدم القدرة على التركيز لفترات طويلة؟
هل فكرت في اخذ "إجازة" عن مواقع التواصل الإجتماعي؟
🔴كيف ممكن تاخد كل الايجابيات بتاعت السوشيال ميديا بدون التاثيرات السلبية المرتبطة بيها؟
قبل فترة انتبهت انه فترة استخدامي للتلفون زادت بصورة كبيرة. والمشكلة الأكبر انه زاد عندي الاحساس البخليني عايز ادخل اشوف مواقع التواصل كل 5 دقايق. عايز اشوف اذا في مسجات او في تعليقات.
حتى لما اكون بذاكر او حتى بلعب بليستيشن بكون عندي شعور قوي اني عايز اخد لفة عالتطبيقات العندي.
حتى لما اكون بذاكر او حتى بلعب بليستيشن بكون عندي شعور قوي اني عايز اخد لفة عالتطبيقات العندي.
بالإضافة للنقاط الفوق كصانع محتوى دايما بيكون عندي إحساس انه لازم اعمل ثريد، لازم اعمل فيديو، لازم اقدم محتوى.
فقررت أوقف سوشيال ميديا شهر. مسحت تويتر، انستاغرام، تيكتوك ويوتيوب وسنابشات لأنها أكتر تطبيقات بضيع زمني فيها وبدخلها كتير!!
فقررت أوقف سوشيال ميديا شهر. مسحت تويتر، انستاغرام، تيكتوك ويوتيوب وسنابشات لأنها أكتر تطبيقات بضيع زمني فيها وبدخلها كتير!!
أول اسبوع بتحس بي فراغ كبير في حياتك ولحظات الملل والانتظار بتكون لا تطاق.. بتقعد تفتش في الشعار حق التطبيقات في القائمة وما تلقاهو وبتحس بي شعور المدمنين وهم بيحاولوا يتخلصوا من إدمانهم.
مرات لمن امسك التلفون وما بلقى التطبيقات بقيت بشوف الايميل😂
مرات لمن امسك التلفون وما بلقى التطبيقات بقيت بشوف الايميل😂
بالاضافة للملل بيكون في شعور بالجهل كدا. ما عارف الحاصل شنو في العالم.. في اصحابك.. في التايملاين.. وبما انه اغلبنا بنعرف الاخبار من السوشيال ميديا انا كنت ضايع حتى ما عرفت اليورو والكوبا ونتائجهم الا من الواتساب والناس.
ثاني اسبوع خلاص بتتعود على كل الفات دا وبتبدا تعرف تستغل ال6 ساعات الاضافية في يومك.. انا بقيت بقرا كتب وقت اكتر، بلعب بلايستيشن، بذاكر، بشتغل، وبنوم بدري.
بعدها احساس الضياع والفضول عن حال العالم واصحابك بيختفي برضو وبتتعايش مع حياتك كدا.
بعدها احساس الضياع والفضول عن حال العالم واصحابك بيختفي برضو وبتتعايش مع حياتك كدا.
خلال الفترة دي ذاكرت وامتحنت امتحان مهم جدا.. اشتغلت على حاجات تانية كتيرة ما عايز اذكرها بس اديتها وقت واهتمام كبير وطلع بي فائدة الحمد لله.
لكن السؤال: حتستمر كم شهر ولا كم يوم يعني بدون سوشيال ميديا؟ مصيرك ترجع صح؟ هل لما ترجع حترجع زي زمان ولا افضل ولا اسوأ..
لاحظ انك مدمن ولو في مدمن تدخين وقف سجائر وبعد شهرين جا واحد عرض عليه سيجارة.. ممكن ياخدها ويرجع اسوأ من زمان.
لاحظ انك مدمن ولو في مدمن تدخين وقف سجائر وبعد شهرين جا واحد عرض عليه سيجارة.. ممكن ياخدها ويرجع اسوأ من زمان.
فالتحدي الحقيقي هو ما انك تاخد بريك من السوشيال ميديا لانه دي ساهلة وبعد اسبوع حتتعود.. لكن التحدي انك ما ترجع اسوأ من زمان.. التحدي هو انك تقوي ارادتك ومقاومتك للإلهاءات عشان حتى ترجع تاخد كل الايجابيات بتاعت السوشيال ميديا بدون ما تركيز ويومك يضيعوا.
لو عايز تجرب الشعور وتاخد بريك فانا بنصحك لسبب واحد فقط.
راحة البال!!
انتوا شايفين التايملاين كيف عامل.. لمن تختفي، الناس البتردم بعض بيختفوا.. الناس الوهمية بيختفوا.. الناس البيردموك بيختفوا.. الحاجات الصغيييرة البنشوفها هنا وبنقراها سواء موجهة لينا او لا وبتأثر علينا بتختفي.
راحة البال!!
انتوا شايفين التايملاين كيف عامل.. لمن تختفي، الناس البتردم بعض بيختفوا.. الناس الوهمية بيختفوا.. الناس البيردموك بيختفوا.. الحاجات الصغيييرة البنشوفها هنا وبنقراها سواء موجهة لينا او لا وبتأثر علينا بتختفي.
غير كدا دي نصائح بتخليك تركز اكتر وتقدر تسيطر على ادمانك للسوشيال ميديا بصورة مفيدة أكتر.
1)بدل ما تاخد بريك شهر او اسبوع، حاول تاخد كم بريك في اليوم. يعني حدد ساعات معينة ما تمسك فيها تلفونك خالص الا للمكالمات المهمة. حتى مكالمات الونسة مافي. استغل الوقت دا في الحاجات المؤجلها.
1)بدل ما تاخد بريك شهر او اسبوع، حاول تاخد كم بريك في اليوم. يعني حدد ساعات معينة ما تمسك فيها تلفونك خالص الا للمكالمات المهمة. حتى مكالمات الونسة مافي. استغل الوقت دا في الحاجات المؤجلها.
او مثلا كم يوم في الاسبوع او حتى يوم واحد بس تستمر عليهو لفترات طويييلة. عشان تشوف نتيجة فعلية.
مهم جدا تقاوم كل احاسيس الملل والاعذار الحيطلعها ليك مخك في الوقت دا. زي انك فجأة تتذكر صاحبك من الابتدائي وتقرر تتطمن عليه الآن عشان بعدين ما تنسى. لا ياخوي اكتب في النوتس اي شي "خايف تنساه" وبعدين اعمله لمن ترجع.
المقاومة المستمرة للملل هي الشي الحيفيدنا واقعيا في زيادة التركيز. لمن نلتزم بالساعات البدون سوشيال ميديا حنقوي التركيز. واثناء شغلنا او مذاكرتنا حنقاوم الالهاءات الحتجينا بصورة اكبر بي كتير مقارنة باخذنا لي بريك شهر من السوشيال ميديا وبعده نرجع للإدمان.
2) اعملو تسجيل خروج من التطبيق بعد ما تستخموه.. حتكتشفوا انه مرات كتيرة الشعور بالكسل من انك تكتبوا كلمة السر كل مرة اقوى بكتير من فضولكم اللحظي انكم تشوفو الحاصل شنو في السوشيال ميديا.
3) لو اشتراك النت قطع او التلفون قطع بطارية، حاولوا كملوا ساعة ساعتين لغاية ما تفعلوا باقة تاني او خلوا التلفون يشحن 100% قبل ما تمسكوه واستغلوا الوقت في الحاجات المؤجلة. مافي داعي للستعجال استغلوا الوقت دا مع اهلكم اوعدكم انه مافي شي مهم فايتكم!
4) اذا بتستخدموا كمبيوتر او لابتوب حاولوا بس تدخلوا تويتر من هناك. وبما انكم ما حتستخدموا الكمبيوتر بنفس القدر حتكتشفوا انه حتخشوا بصورة أقل.
5) لصناع المحتوى والناس العندهم متابعين كتير.
مافي زول حيفرق معاه انت موجود ولا لا.. دا وهم في راسنا بس.. المتابعين ما حينقصوا لو ما نزلت كل شوية.. لو نزلت تغريدة ما لازم تتابع كل الردود ممكن تعمل ليها ميوت عشان الناس البتحب تسيء ليك بدون سبب ما يخربوا ليك يومك.
مافي زول حيفرق معاه انت موجود ولا لا.. دا وهم في راسنا بس.. المتابعين ما حينقصوا لو ما نزلت كل شوية.. لو نزلت تغريدة ما لازم تتابع كل الردود ممكن تعمل ليها ميوت عشان الناس البتحب تسيء ليك بدون سبب ما يخربوا ليك يومك.
وشكرا جزيلا.. لو في اي سؤال اسئلوا ولو مافي ريتويت😘
جاري تحميل الاقتراحات...