اهم استثمار تسويه في نفسك هو الاستثمار في صحتك.
انا كنت من النوع اللي يقول (لازم ناكل عيوش عالغداء) طبعا بحكم عاداتنا فالامارات.
لكن اعتقد جيلنا الحالي واعي باهمية الصحة.
السكري و ضغط الدم من اكثر الأمراض المنتشرة فالخليج و هذي امراض مالها علاج و تعتبر lifestyle diseases.

و تكبد دول الخليج الكثير في سبيل علاج المواطنين و المقيمين.
اهتمامك بصحتك و نشر هالوعي ف عايلتك يساعدك الدولة بطريقة غير مباشرة تستغل مواردها بشكل افضل (اتكلم من ناحية اقتصادية)
و قبل كل شي بيساعدك تعيش اطول و بطريقة احسن، مش سهل تغير عاداتك انا لليوم اعاني مع هالشي.
و فوق كل

شي بيوفر عليك فلوس وايد، فلوس الاكل المب صحي، فلوس العلاج، فلوس الدواء الخ.
حسب علمي اغلب الجمات فالامارات تقدر تروح بدون اشتراك و تدفع 30 درهم فاليوم.
ما تحب الجم؟ نظم اكلك و سوي رياضة ف بيتكم تقدر تشتري معدات او بدون معدات حتى بس امشي فالحوي او شارعكم.
نشر هالنوع من الثقافة

مهم جدا.
انا عمري 31 سنة و لاحظت ان الايض قل و اعتقد بيقل كل ما اكبر فالعمر، لكن كل هذا مش مهم اذا انا اعدل اسلوب حياتي.
طبعا بادية من شهر و اعاني للامانة😅 لكن اتخذت قرار اعيش حياة افضل و النفس الامارة بالسوء تقدر تزعل برايها🤣😆 مع انها تغلبني احيانا.