قابلت كده نوعين من الناس كرهوني في حياتي من اول ما بدأت الامتياز:
البنات اللي بتحسها قرفانة من كل حاجة ومعندهاش استعداد تشيل شغل وأوه ماي جاد عايزينا نقعد ل٨ بالليل؟ اه ل٨ بالليل ولا فاكرة نفسك شغالة في شركة وبتقبضي بالدولار؟
ده غير نظرات الامتعاض لما يتطلب منها حاجة.. ١ا

النوع التاني الولاد اللي التزويغ بيجري في دمهم.. اللي يروح مشوار المعمل يغيب ٣ ساعات..او يقول حجيب حاجة من تحت ويموت باين..نوع زي الزيبق متعرفش تمسكه..بحترم جدا اللي يجي يقول لزمايله معلش ورايا مشوار وحستأذن ..لكن متختفيش فجأة حضرتك مش خفاش٢

يعني كل واحد يراعي ضميره في شغله وانت دونا عن كل البشر طلعت دكتور يعني حياة ناس.حتقولي ده انا امتياز كحيان..حقولك مجرد انك تروح مشوار تجيب دم ولا تحاليل بتيسر علي مريض تعبان وانك سايب بيتك وجاي تسهر ع المرضي مسمهاش قاعد مبعملش حاجة انت بتؤجر علي الثواب..٣

انا مش ملاك واكيد ليا هفواتي وسقطاتي بس كلنا بنعافر ونجاهد اننا نبقي احسن.. كفاية اني بروح اخر اليوم انام مرتاحة عشان مكنش في ايدي حاجة اعملها ومعملتاش واني بطريقة ما مقصرتش...
"كلٌ ميسر لما خلق له" ❤

دي وجهة نظر شخصية اللي مش عاجبه عادي يشباب كل واحد حر😌