بداية الحمدلله على نعمه التي تعد ولا تحصى . قدّر الله واصيب عبدالعزيز بفايروس كورونا والحمدلله انها مرّت ولا ضرّت 18 / 9 / 1442 هـ.
كيف ادارت ام الريش التنظيم والحركة داخل المنزل خلال فترة حجر الولد ؟
البيت كله ولله الحمد اخذ اللقاح ماعدا عبدالعزيز يقول بعد الاختبارات
كيف ادارت ام الريش التنظيم والحركة داخل المنزل خلال فترة حجر الولد ؟
البيت كله ولله الحمد اخذ اللقاح ماعدا عبدالعزيز يقول بعد الاختبارات
فعلا اذا قالوا (قلب الأم دليلها) وابو الريش ما جاب خبر .
مع اني مالاحظت عليه شيء الا انه طلب بنادول حس بصداع خفيف
على طول قالت احجز ورح افحص وخذ هالفتوى المستعجلة لا تصلي في المسجد ولا تروح للاسطبل والنادي لين تطلع نتيجة الفحص
مع اني مالاحظت عليه شيء الا انه طلب بنادول حس بصداع خفيف
على طول قالت احجز ورح افحص وخذ هالفتوى المستعجلة لا تصلي في المسجد ولا تروح للاسطبل والنادي لين تطلع نتيجة الفحص
وتواصل ام الريش قراءة الفتوى المستعجلة صلة رحم مافيه وعلى أجر وانا أمك ، بروح اسلّم على عمّي عبدالله او عمي سعود والا خالتي الجوهرة والا بمر خالتي علياء مافيه وسيتم نشر بيان عاجل في القروبات العائلية بمنع الزيارات حتى إشعار آخر
الحمدلله طلعت النتيجة ( ايجابي ) من هنا بدأت الحكاية
التعامل بهدوء
وابلاغ ربعه ومن قابلهم بأنه مصاب وعليهم الفحص
بعد ذلك قامت أم الريش بأخذجولة استطلاعية في المنزل لاختيار المكان المناسب واختارت له أحد أقسام فتم تجهيزه ليصبح جناح فندقي
التعامل بهدوء
وابلاغ ربعه ومن قابلهم بأنه مصاب وعليهم الفحص
بعد ذلك قامت أم الريش بأخذجولة استطلاعية في المنزل لاختيار المكان المناسب واختارت له أحد أقسام فتم تجهيزه ليصبح جناح فندقي
تجهيز مكان الحجر ب : نت خاص به ، وتلفزيون ذكي بوه كل التطبيقات المشتركين بها ، وكتبه العامة والدراسية ، وعدة شاهي وقهوة ، والبلايستيشن ، واجهزة تمارين
ثم التنبيه على جميع افراد الاسرة اي واحد اشوفه يوطوط عند الجناح والا يستخدم مغاسله او دورات المياه برنه على راسه ( في يدها اليمنى الملّاس وفي اليسرى معصاد الجريش ).
ابو الريش قم ودني لعتيقة لدكاكين البلاستيك ، طيب جنبنا محلات بلاستيك .. بتوديني والا اخذ اوبر ، نوديك الشكوى لله
ابو الريش قم ودني لعتيقة لدكاكين البلاستيك ، طيب جنبنا محلات بلاستيك .. بتوديني والا اخذ اوبر ، نوديك الشكوى لله
انتي ليه مضخمة الموضوع تراه سهل وبسيط وش هو له كل الحرص والتعقيدات والطلبات .. اقول هـهـا بس هو ما يضيعنا الا هالتساهل
لو الله يفكنا من ( ترى الموضوع سهل ) كان احصائية كورونا اليومية عندنا ارقام لا تكاد تُذكر ، لكن الله يعين حقين الصحة عليكم
لو الله يفكنا من ( ترى الموضوع سهل ) كان احصائية كورونا اليومية عندنا ارقام لا تكاد تُذكر ، لكن الله يعين حقين الصحة عليكم
عدنا للبيت واجتماع طاري بطلب من ابو الريش ، كل واحد يحط جواله على الطاولة ، وباخذها واحد واحد وافعل التطبيقات ذات العلاقة بالكورونا وخصوصا تباعد ، وكل يوم بشيك على جوالاتكم
التعامل والتواصل مع عبدالعزيز عن طريق ام الريش هي اللي تتابع وتحط اكله وما يحتاجه عند الباب وهو ياخذه ، ( فحصنا مرتين خلال فترة الحجر) مع اننا ماخذين اللقاح وما شفنا عبدالعزيز من يومه ، لكن خشية حمله ونقله لآخرين
كل شوي ام الريش جايبتن لي وصفة من الواتس منها خلطة كركم مع زنجبيل وليمون بنقعها واسقيها الولد ( بتصلحين برياني ) ، فكينا من وصفات خواتك وخواتي يوفرونها لطبخاتهم ويرسلون لنا بادية
عطيه بس منقوع ينسون يزين حلقه ، اشوف محمد عبده ياخذه قبل ما يغني وصوته من سبعين سنة ماتغير 😂
عطيه بس منقوع ينسون يزين حلقه ، اشوف محمد عبده ياخذه قبل ما يغني وصوته من سبعين سنة ماتغير 😂
طبعا الفطور والسحور وما بينهما يُطبخ حسب حسب رغبة المُصاب ( عبدالعزيز ) حتى وهو ما يشم ولا يستطعم ، حنّا ناكل وبس ومالنا اي طلب مُجاب وممنوع اي طلب من تطبيقات التوصيل او الأسر المنتجة وأسعارهم المعقولة جدا !!!
والحمد لله عدت الفترة على خير وتعافى الولد وتغير لون تطبيق توكلنا للأخضر ، وتعيدنا سوا على سفرة خوص يتوسطها صحن جريش وقد غرس في وسطه ( غضيّرة صغيرة ) وقد ملئت بالسمن البلدي المبخر بحجر مرو
حفظ الله الجميع من كل مكروه، اسأل الله ان يزيل هذا الوباء عن بلادنا والعالم أجمع
حفظ الله الجميع من كل مكروه، اسأل الله ان يزيل هذا الوباء عن بلادنا والعالم أجمع
التي لا تعد *
الله يجزاكم خير ويحفظكم من كل مكروه
ويخلي لكم احبابكم واهاليكم واسركم وامهات ريشكم
والعذر والسموحة ودي ارد عليكم واحد واحد
ويخلي لكم احبابكم واهاليكم واسركم وامهات ريشكم
والعذر والسموحة ودي ارد عليكم واحد واحد
جاري تحميل الاقتراحات...