ثريد ديرتنا الرهيبه
فالبدايه ديرتنا لحد يسال وينها لان حتى انا ما اعرف وين موقعها الجغرافي بذا العالم ،المهم جدي متزوج اكثر من وحده وجاب ١٨ ولد وبنت وكل ال١٨ ذولي متزوجين وكل واحد فيهم جايب اقل شيء خمسه بزران
فالبدايه ديرتنا لحد يسال وينها لان حتى انا ما اعرف وين موقعها الجغرافي بذا العالم ،المهم جدي متزوج اكثر من وحده وجاب ١٨ ولد وبنت وكل ال١٨ ذولي متزوجين وكل واحد فيهم جايب اقل شيء خمسه بزران
ومن الخمسه ذولي تلاقي واحد ولا اثنين متزوجين ، وترا حتى لو ما قلتوا ماشاءلله جدتي ترا ماتبقي احد الا تقرا عليه وتدهنه بفكس مدري وش السر بس يعني حمايه وكذا ولو مو موجود بالديره تدق سناب ايش دراكم متطوره جدتي وبرضو تقرأ عليك
بس مايضر تقولوا ماشاءلله يعني
نبدأ بالبزران ما اقووووول الا الله يهدي جدي بس اسمه محمد وكل ماجاء بزر جديد قال يا تسمونه على اسمي يا ما برضى عليكم ترا ويلا خذلك كل ماجاء بزر سموه محمد صرنا ننادي بعض محمد الاول محمد الثاني محمد الثالث محمد التسع طعش تحس انك بالدوله الامويه مو بالديره
ولا احكيلكم عن السوبر ماركت والبقالات حقت جدي طبعا بالديره ما في الا احنا وجدي من زود الكرم مايخلي اسرته تدفع ولا ريال ويلا كل ما دخلوا الصغار عبو عربياتهم كلها حلويات وشبسات وايسكريمات ومايدفعون ولا ريال
والصراحه حتى احنا الكبار زيهم نعبي عربياتنا للسهره و نستحي ماندفع بس نجي نقول ياصديق حط على حساب، يعني ترا عزه نفس بنرجع ندفع بعدين واصلا مافي لا حساب ولا هو شاف وش بالعربيه اصلا ولا شيء بس كذا كشخه
اصلا حتى العامل ياخذ راتب وهو جالس ما ظنتي يعرف اسعار الاشياء لان ماقد احد حاسب عنده اصلا مافي بالديره الا احنا
وترا تحسبون عمال كثير عندنا واغنياء وكذا لا لا هو عامل واحد يشتغل كاشير ويرعى الغنم ويأذن بالمسجد وحتى بالعزايم يسوي حنيذ راعي واجب الله يجزاه خير
ودامنا جبنا طاري جدي تراه يحب ولد عمي الكبير حب الله لا يوريكم لانه هو محمد الاول ، اول من تسمى بهذا الاسم حتى بالقدرات جاب ٧٣ سوا له حفله وانا كرفت وجبت ٩٧ ودخلت طب ولا عبرني ماغير يعطيني الادويه حقته يقول متى اخذه هذا ؟ يا جد والله مدري توني خلصت تحضيري
طبعا بالديره هناك عندهم لاق شوي متاخرين على المنهج ولد عمي ابو ٧٣ قدرات اول مره ركب طياره بعمر ١٨ والمضيفه طلبت منه يربط الحزام وجلس يحكيني عنها كيف هي تحبه وتخاف عليه وحط اسماء عيالهم من الحين عايض والريم ، بغض النظر عن اسماء الديره ذي وظيفتها يابقره وش تبي فيك
واذا انت جوعان ومالقيت اكل بالمطبخ ؟ الموضوع بسيط وسهل ، روح مطعم جدي ماكدونالدز تروح تلاقيهم يبيعون رز ودجاج زرف الاسم وخلاه اكلتنا الشعبيه ياعيني عالتسويق ياجد
واذا جيت تبغا تتكشخ وتتضبط وتحلق للعيد ؟ تذكرون الكاشير والمؤذن وراعي الغنم ؟ ايييوووه بالضبط حتى هو الحلاق تجيه وماتقله وش تبغا هو عاد يسوي فيك اللي يسويه هو ادرى بمصلحتك
وطبعا بالديره في عداوه بيننا احنا عيال العم وبنات عمي مو نكره بعض بس كذا نزبد للرايح والجاي مننا يعني مره ابي ادخل المطبخ مع ولد عمي وكان في سيب يفصلنا وكل اللي فيه بنات ، جلست اقول احم احم اتنحنح عشان يروحون وتلخبطوا وسوو ازعاج جت بنت عمي قالت خلاص ادخلوا ادخلوا من زينكم اصلا
تحسبون دخلنا ماعندنا عزه نفس يعني؟
لا الصدق والله دخلنا جوعانين وكان في رز ودجاج من ماكدونالدز ماقدرنا نقاوم
لا الصدق والله دخلنا جوعانين وكان في رز ودجاج من ماكدونالدز ماقدرنا نقاوم
وطبعا روتينا الصباحي في الديره العيال يروحون يجيبون ساندويتشات من البوفيه والبنات يسوون العصيرات ماناخذ من البقاله لان بيخلص المخزون حق جدي احنا عددنا كبير، ونروح ونقول ياصديق جيب ٧٠ ساندويتش وينصدم يقول كيف ! ها ! كيف سوي ، ويا لله يا الله نقنعه
طبعا هو عنده زهايمر نجي اليوم اللي بعده نقول ياصديق سوي ٧٠ ساندويتش وينصدم من جديد ها ! كيف سوي سبعين مجنون انتا ياصديق والله جيناك امس طيب ! ويا الله يالله نقنعه من جديد وعلى هالحال كل يوم
طبعا اللي ماتعرفونه بقالات جدي عندها خدمه الدفع عن الاستلام والتوصيل تدق عليه يجيب لك لين حدك بس تحسبون بسياره ؟ ناقه؟ لا لا كعابي تطلب الساعه ٨ تتعشى وحده ونص
طبعا هنا وصلنا نهايه الثريد اذا عجبكم سووو فولو ولايك ورتويت وشير وسبسكرايب وكل شسييء ،وترا لسا في سوالف كثيره واشياء تضحك اكثر لكن طولت عليكم وشكرا لكل اللي قرا ويارب اعجببببكم❤️❤️
جاري تحميل الاقتراحات...