ح أديكم ثريد في 20 نقطة عن تعب رمضان حيخليك لو عندك دم تخش تبوس يد أمك وأختك وزوجتك علي الانجاز البعملوه دا ❤️❤️
1- دائماً بجهز الفطور متأخر والاذان بأذن وانا لسة في المطبخ بس دا عمره ماحصل لمن تجهيز الفطور كان علي أمي وأختي
2- من بدا رمضان وانا بصوم بالفطور بس عشان انا كسلان اسوي عشاء بالليل وبرضو دا عمره ماحصل وكل يوم اختي كانت بتعمل لينا فطور وعشاء
3- غسيل العدة دا والله ألم زي ألم الولادة فياريت لو تساعدوا فيها علي الاقل تفرحوا قلب اهلكم
4- انا كزول ساكن براي دايماً بكلفت وبحاول اخفف علي نفسي الشغل يعني ممكن اكل في الطوة عشان ما اوسخ صحن زيادة واضطر اغسله وبرضو عمري ما أكلت في صينية مكلفتة ولا مبشتنة طول ما انا كنت وسط امي واختي
5- رمضان دا وضح لي قدر شنو انه انا ماجاهز ابسط شي ماموفر عدة تكفي لي اي حاجة تتعمل عشان كدا بعمل العصير في الجك بتاع ماكينة القهوة لانه ماعندي جك عصير في البيت ودا برضو ماكان ناقصني زمان
6- تخيل بس يا انسان انك تضطر كل يوم تضوق الاكل بطرف لسانك عشان تتأكد انه ملحه مظبوط او تضوق العصير بطرف لسانك عشان تتأكد انه السكر مظبوط عشان تجهزه لي واحد بصحي بعد الضهر ويمسك تلفونه ويرقد في المكيف، ان شاء الله عنه ماطفح مش جاك الاحساس دا بس دا البعمله هسي وزمان ماكنت جايب خبره
7- طبعاً كنت فاكر نفسي نضيف وبنضف بيتي دايماً لكن رمضان جا وراني اني مابقدر اعمل كل الحاجات دي سوا وهسي من بدا رمضان مانضفت البيت ولا لميت الكركبة الحاصلة دي وبرضو عمري مالقيت البيت مكركب بحجة الصيام دي 😂 غايتو بكرة مؤجز ان شاء الله انضف ✊🏽
8- مرات بحاول حتي في الاكل افضل شي عشان اضرب عصفورين بحجر اول شي اقلل مجهود تجهيز الفطور يوم بكرة وتاني شي اقلل غسيل العدة المؤلم دا وبرضو دا عمره ماحصل لمن كنت مع امي واختي بل كل يوم صينية مليانة فطور وعشاء
9- كل يوم بعد افطر بنجدع في الكنبة لحدي عشرة بالليل حتي اقوم اصلي العشاء واغسل عدتي زمان كنت بكل سخف بعد الفطور اجي افتح التلفزيون واقول العدة دي لسة راقدة هنا ليه حالته ماكان بكون عدا علي الفطور نص ساعة وهسي انا اقل شي بقعد ساعتين حتي اقوم
10- انا بقوم اخش المطبخ عشان اجهز الفطور بعد اخلص مسلسلاتي عشان كدا دايماً متأخر ومرات كتيرة بكسر حنك الاكل البحتاج شغل كتير عشان كدا في الغالب بفطر بسلطة دكوة او أوملت وبرضو زمان كنت بدق طار لو الصينية نقصت صحن
11- كعادة اي زول شغال بطلع للشغل 6:30 صباحاً لمن ارجع برقد لي ساعتين وشوية واقوم قبل المغرب بنص ساعة عشان اجهز بس زمان لمن اختي تجي من الشغل وتكون عايزة ترتاح بقول ليها قومي اتحركي جهزي الفطور مع امي ومتأكد كل الاخوان بالثقالة دي
12- بيني وبين نفسي لمن الاكل مايعجبني واطنطن بقول لي روحي اعمل ليك شنو يعني ماعاجبك ماتاكل انا براي تعبان وشغال من الصباح يعني حتي من نفسي مابقبل النقد فما بالك زول تاني يتعب يجهز ليك اكل وتنتقده
13- مرات وانا راجع من الشغل بتجيني فكرة شيطانية كدا واقول ماتخش ياود الdrive threw بتاع ماكدونالدز وشيل ليك ساندوتشين وكولا افطر بيهم وكفي الله المؤمنين القتال ، تخيل بس لو اختك اقترحت كدا في رمضان عشان ترتاح حيحصل ليها ايه
14- تخيل بعد كل التعب البحصل دا تجي خاشي علي امك واخواتك وتقول ليهم انا عازم اصحابي يوم الجمعة 😂
يعني ماكفاية مكفينك جايب اصحابك كمان 😂 اي نعم من افطر صائماً والاجر واي حاجة لكن ابقي ضكر لمن تعزمهم تخش تساعد في تجهيز فطورهم عشان تاخد الاجر دا
يعني ماكفاية مكفينك جايب اصحابك كمان 😂 اي نعم من افطر صائماً والاجر واي حاجة لكن ابقي ضكر لمن تعزمهم تخش تساعد في تجهيز فطورهم عشان تاخد الاجر دا
15- ذكرنا العدة لكن لازم نعيدها لانها والله مؤلمة والبت وهي داخلة المطبخ تغسلها بتحس انها داخلة الزنزانة تتعذب غايتو دا الاحساس البصلني وماظنيت في زول بحب احساس الغسيل دا 😂
16- بالله ياثقيل ماتجي ترقد وتقول كبوا لي من عصير الكركدي دا قبيل في الفطور ماشربت منه ، الناس بتحاول تقلل في عذاب الزنزانة دا فما تزيده عليهم
17- خلي عندك زوق لمن اخواتك او امك يمرقوا من المطبخ ويجوا يقعدوا في طرف سريرك القصاد المكيف انك تزح مش تقول ماتضايقوني لانه المطبخ مسخن ومروحته ماشغالة كويس وربنا يسامحني علي السماجة الكنت بعملها زمان دي
18- الناس دي حيلها مهدود في الفطور والعشاء ماتمشي تقضيها كشتينة وتجي قبل الصبح بنص ساعة عايز تلقي العشاء جاهز ولو لقيته جاهز من باب المجاملة بعد تاكل غسل عدتك لانه انتظروك بيها ولو كان جيت في وقت الاكل كان غسلوها ، ماتخلي الناس تصحي وتشيل هم العدة تاني
19- ماتتشرط وتطلب زي المرة البتتوحم والبختوا ليك اكله لانه لو قالو ليك سوي الاكل دا حتمد بوزك شبرين ولو بقيت براك زي كدا😂 حتاكل صحن واحد بس لو ماقضيتها ساندوتيشات 😂
20- حسبي الله علي الزول الاخترع العدة 😂
جاري تحميل الاقتراحات...