رتبها

قبل وبعد
ضبطت مساحة تخزين مع جلسة بدون ما أطلع من البيت وبتكلفة 5500﷼ تقريبًا

المساحة مصممة على أنها تكون لطاولة طعام كبيرة، لكن طاولتنا صغيرة، وما حبيت أحط طاولة كبيرة لأن المكان صاير ممر أساسًا
في البداية جزء منها كان لطاولة القهوة،
ومهما رتبت باقي شكله مزعجني

بعدين لاحظت أكثر مشكلة تواجهني أن الدور الأول كله مفتوح وماعندي أي مكان تخزين أو حتى غرفة معيشة مغلقة للعفوش الصغيرة، وقررت أسوي دواليب تخزين مع جلسة شباك.
وحصلت رفرنس مرة قريب من الي في بالي
وبدأت بأخذ المقاسات

بعدين حملت google sketch app
وحاولت أصمم فيه وآخذ فكرة مبدئية كيف بيطلع وإذا بواجه أي مشاكل خاصة مع ارتفاع الشباك. لأن جزء من السقف مفتوح للدور الثاني وجزء بسيط داخل على سقف الصالة

بعدين رحت لمحل مخازن ووريتهم التصميم وطلبت يجون يتأكدون من القياسات. طبعًا كل رغباتي رفضوها وأولها إن الباب لازم يصير سحّاب، وأنا مرة أكره السحّاب. "واقترحو" بالغصب أحط مراية في الباب. وطفشوني بالارتفاع والعمق. غير ان ما عندهم لون أبيض صافي
(اوكي طلعت من البيت بس هذي ما تحسب😂)

آخر شيء كنسلتهم ودخلت موقع آيكيا
ورحت لدواليب الملابس PLATSA
وعندهم من خلال الموقع تصميم ثري دي وصممت فيه.
وطلعت بالضبط بالمقاسات الي أبيها، وحتى عندي إمكانية أزيد دواليب فوق إذا احتجت بعدين
والأهم أنه عندهم اللون الأبيض🤍
هذا رابط التصميم الي سويته:
#B754J9/checkout?linkType=copy_link" target="_blank" rel="noopener" onclick="event.stopPropagation()">ikea.com

ikea.com/addon-app/plat…

خلال 5 أيام آيكيا وصلو وركبو المخازن!
طبعًا لازم يكون بعض القطع ناقصة بس ماعليه

في النص كنت ناوية أجيب بنش وتنفتح للتخزين بس ما حصلت شيء بنفس المقاس، وبالصدفة واحنا نشيل طاولة القهوة شفنا أن جزء منها صار مناسب بالملي.
رحت طلبت لها أبواب نفس الدواليب وشلت الأرجل وخليتها بدون مسكات يد

طلبت ستاير net وقصصتها وصمغتها داخل الدواليب. حطيت 4 طبقات

بقى الجلسة، دخلت انستقرام كتبت "تنجيد الرياض" وأول حساب طلع لي تواصلت معهم يجون للبيت ويجيبون أقمشتهم معهم أختار، ومنها يقيسون المساحة
وعطيتهم هذي الصورة:

وركّبت سبوت لايتز تضيء الممر والدواليب من داخل. واضائتين خفيفة للجلسة كلهم من آيكيا.
والشجر لو تلاحظون بأول صورة كان قصير والحين طال، والباقيات بالطريق بيعطي شكل جميل🌱