فجأة لقيت نفسي على جبل كاترين و في شهر يناير، ازاي دا حصل، معنديش فكرة 🙈🙈😂😂! و المأساة اننا بدأنا نطلع الساعة واحدة بالليل ودرجة الحرارة كانت -3 مؤية وطبعا زي ما انتوا عارفين كل ما تطلع كل ما الجو يسقع و كل كا تقرب على الفجر برده بيسقع -1
أنا أصلاً بابرد جدا وبالتالي مأجلة الرحلة دي من زمان عشان مش حاطلعها غير والدنيا ربيع والجو بديع عشان كان عندي قناعة اني أكيد لو طلعت في الشتا حتجمد.
أول ما استوعبت الي حصل، قلت خلاص يبقى ربنا كاتبهالي في الميعاد دا وبدأت أعمل ترتيباتي وأشوف المفروض ألبس ايه بقى عشان اصمد 🙄 -2
أول ما استوعبت الي حصل، قلت خلاص يبقى ربنا كاتبهالي في الميعاد دا وبدأت أعمل ترتيباتي وأشوف المفروض ألبس ايه بقى عشان اصمد 🙄 -2
اللبس بيكون طبقات، أول طبقة على الجسم تكون ثيرمال (دفاية) لو معندكش يبقى بوليستر، بلاش قطن عشان لما تعرق حيتبل ويبردك. ممكن بعدها بولستر وبعدها صوف عشان تدفيك (صعب تلاقي 100% صوف فاستخم حاجة ميكس). الوتر برووف مش حتحتاجه الا لو في مطر او ثلج. والطبقة العازلة هي سويتر ثقيل. – 3
وانت طالع ما تلبسش كل طبقات الهدوم، لفها على وسطك أو حطها في الشنطة، بس حتفضل لابس الجوانتي والأيس كاب. خد كوفية عشان تغطي مناخيرك لما البرد يشد. طبعا لو حتطلع وتنزل أثناء النهار او مش في البرد القارس مش حتحتاج كل اللبس دا، كشاف الرأس مش أهم حاجة، ممكن كشاف عادي أو من غير – 4
الحقيقة انا كنت فاكرة ان الناس كلها بتطلع تحضر الشروق، بس اكتشفت ان ممكن تطلع في أي وقت، بس ميزة انك انك بتطلع بالليل في الظلمة هي انك تقدر تستحمل المجهود أكثر ، دا غير ان الشروق من فوق الجبل منظر و لا الخيال. عشان تطلع الجبل لازم تاخد معاك دليل بدوي تتفق معاه من تحت -5
جبل موسى (الي بنسميه كاترين ) ارتفاعه 2.3 كيلو فوق سطح البحر. عشان توصل فوق حتمشي الأول حوالي 5 كيلو طلوع (4 والممشى قبل) وبعدين حتلاقي 750 سلمة محفورين في الجبل ودول أصعب جزء .
وانت طالع ممكن تأجر جمل. خد بالك الجمال مش بتطلع السلم، فلو عارف انك حتتعب خد جمل ووفر مجهودك للسلم- 6
وانت طالع ممكن تأجر جمل. خد بالك الجمال مش بتطلع السلم، فلو عارف انك حتتعب خد جمل ووفر مجهودك للسلم- 6
مشكلة السلالم غير المجهود هي البرد و الهوا، من أول السلالم لبست كل الهدوم الي معايا لأن الهوا كان رهيب والبرد بقى مرعب.
في 4 استراحات قبل السلم ممكن تقعد، تشرب حاجة سخنة، تاكل نودلز، تجيب عصير أو سناكس، بس نصيحتي حاول تقف بالكثير 90 ثانية لو طالع في البرد، لأن جسمك بيبرد بسرعة -7
في 4 استراحات قبل السلم ممكن تقعد، تشرب حاجة سخنة، تاكل نودلز، تجيب عصير أو سناكس، بس نصيحتي حاول تقف بالكثير 90 ثانية لو طالع في البرد، لأن جسمك بيبرد بسرعة -7
قبل أخر 100 سلمة حتلاقي استراحة أخيرة، ممكن تأجر فيها بطانية ب50 جنيه. بس نصيحتي حاول تطلع وتوصل قبل الشروق بشوية صغيرين عشان ما تقعدش كثير في البرد. مدة الصعود حتكون في المتوسط 4 ساعات حسب قدراتك.
حتلاقي في قمة الجبل كنيسة يونانية صغيرة وجامع صغير بس الصورة مش حلوة من الزحمة -8
حتلاقي في قمة الجبل كنيسة يونانية صغيرة وجامع صغير بس الصورة مش حلوة من الزحمة -8
و طبعا لازم ننوه ان الحمامات تقريبا كدا مش نضيفة ، أنا شخصيا سمعت ما شفتش 😄!
و انت في أخر رحلة النزول لازم تزور دير سانت كاترين و الي للأسف كان مقفول ومتاح بس تزور الساحة عشان الكورونا. الدير مميز جدا بشجر اللوز وورده الأبيض.
مدينة كاترين نفسها هادية جدا، و جوها برضه برد -9
و انت في أخر رحلة النزول لازم تزور دير سانت كاترين و الي للأسف كان مقفول ومتاح بس تزور الساحة عشان الكورونا. الدير مميز جدا بشجر اللوز وورده الأبيض.
مدينة كاترين نفسها هادية جدا، و جوها برضه برد -9
حاول تتمشى في السوق، واشرب شوربة من عند أبو سالم. بيقولوا أحسن أعشاب ممكن تجيبها من عند دكتور أحمد (معرفش لها مفعول ولا لا)
وانت في كاترين حاتزور مقام النبي هارون (هو مش مدفون هناك، لكن المكان رمزي) وقصاده نحت صخري أحسبه من عوامل التعرية لحيوان الناس بتظن انه بقرة بني اسرائيل -10
وانت في كاترين حاتزور مقام النبي هارون (هو مش مدفون هناك، لكن المكان رمزي) وقصاده نحت صخري أحسبه من عوامل التعرية لحيوان الناس بتظن انه بقرة بني اسرائيل -10
حاتزور كمان مقام صالح (دا مش النبي لكن مقام لشيخ مهم هناك)، وما يفوتكش انك تزور الصحراء الزرقاء ودي الفنان البلجيكي جان فيرامي لونها بالأزرق الي بيرمز للسلام بسبب معاهدة السلام بين مصر وإسرائيل، واستخدم في دا حوالي 10 طن دهان. لازم عربية ربع نقل أو دفع رباعي عشان تروحها. -11
و لو زرتم الكافيتريا الي على الطريق أول كاترين سلموا على صاحبتي و أكلوها، احنا اتعرفنا على بعض من كام شهر في رحلة تانية أحكيلكم عنها قريب ان شاء الله بس المرة دي لقيت معاها ابنها الصغير 😊😊😊 الي زمانه بقى عريس ، ودمتم -12
جاري تحميل الاقتراحات...