بمناسبة قصة الغارمين والغارمات اللي بتطلع علينا كل سنة في هذا الأوان ...
أنا قُدر لي بحكم شغلي مع فئات العمال والصنايعية إني أحضر فرح أحدهم وهو من قرية صغيرة أهلها من المزارعين في حوش عيسى محافظة البحيرة ...
أنا الحقيقة إتفاجئت من كم التجهيزات اللي كانت أشبه بمباراة بين الأهل
أنا قُدر لي بحكم شغلي مع فئات العمال والصنايعية إني أحضر فرح أحدهم وهو من قرية صغيرة أهلها من المزارعين في حوش عيسى محافظة البحيرة ...
أنا الحقيقة إتفاجئت من كم التجهيزات اللي كانت أشبه بمباراة بين الأهل
وساقني فضولي إني أكتشف إيه السر .. وبعد إصرار شديد من صاحب الليلة إنه يفرجني بيته .. فوجئت بالتجهيزات الآتية ... ثلاجة ديب فريزر بوتاجاز ٥ شعلة ٣ شاشة تليفزيون في كل حجرة وفي الصالة وكل واحدة برسيفر منفصل .. تكييف في أوضة النوم وكل أوضة فيها مروحة سقف ومروحة ٢٢ بوصة في الصالة
الأوض مفروشة بالكامل وأطقم الملايات تحتل رف عرضي كامل في كل دولاب .. أخدت بالي من ٢ كرتونة مفرش سرير سوري و٤ كرتونة بطانية ده غير الكوفرتات ... لاحظت إن في ٣ سجاجيد مفروشين وزيهم ملفوفين.. ولما سألت عن السبب قالوا ان إحتمال تحمل بدري ومش هتكون قادرة على التنضيف معرفش ليه ...
الستاير حدث ولا حرج وأهم حاجة الأورجانزا ... مكنسة غسالة اوتوماتيك و ٦ أطقم فوط متنوعة في علبها ... طبعا بقى مطبخ بمشتملاته وحاجات تانية مش فاكرها أهمها ٤ شباشب بيت برضو معرفش ليه .. طبعا ده غير متعلقات العريس والعروسة الشخصية اللي شوفتها قبلها بيوم طالعة في ٩ شنط ومراتب سوست ووو
الشاهد إن حتى لو الناس دول مقتدرين في زيهم بيعملوا ده بالدين .. والنتيجة الحبس ويبقى إسمهم غارمين.. طيب إيه المنطق في كل التجهيزات دي اللي مبيحصلش زيها في القاهرة تحديدا و معرفش اسكندرية نجيت من المرض ده ولا لأ الحقيقة ... الأسوء من وجهة نظري .. إن الأم أو الأب بيدخل السجن...
أما البنت بقى عروسة جديدة .. مش فاضية وعايشة في العسل ... والكائن اللزج جوزها عايش عادي وحياتهم زي الفل والأب أو الأم في السجن عشان الجوازة دي ...
قوم إحنا اللي لازم نشيل الليلة ونفكرلهم في حل .. وحد يخترع انه يتخصم جنيه من كل موبايل كل شهر عشان الناس دي ... لاااااا والأهم من كل
قوم إحنا اللي لازم نشيل الليلة ونفكرلهم في حل .. وحد يخترع انه يتخصم جنيه من كل موبايل كل شهر عشان الناس دي ... لاااااا والأهم من كل
ده إنه لو تم سداد دينه وخروجه أو خروجها هيكرر نفس الفعل مع اللي وراها واللي وراها وطبعا بدون الخوض في تفاصيل عدد الأبناء اللي هو أصلا معروف سلفا...
طب هو إحنا بجد بنفكرلهم في حل ودعم مادي.. ولا هنفكر نمنع الفعل من أصله ونجرمه كمان لإن ده مش منطق يا إخواننا.. إستقيموا يرحمكم الله
طب هو إحنا بجد بنفكرلهم في حل ودعم مادي.. ولا هنفكر نمنع الفعل من أصله ونجرمه كمان لإن ده مش منطق يا إخواننا.. إستقيموا يرحمكم الله
جاري تحميل الاقتراحات...