تذكرت اول اسبوع داومت فيه بعد زراعتي كان شعري شبهه صفر واسمع واشواف انواع التنمر وقتها جلست اطنش لين طفشوا هم وخلااص وقفوا من نفسهم وشافوا ان مافيه فايدة في تنمرهم ..
جلست سنة لين اخذوا ع الوضع وشكلي الجديد..

موقف ما انساه .. كنت بالساحة امشي وقت الفسحة كنت امشي وانا لابسة كاب وكنت الوحيدة اللي لابسته بالمدرسة وشكلي ملفت..
فيه مجموعة يلعبون صراحة وجراءة ووحده من الموجودين حكمت انو وحده تروح وتسحب الكاب من فوق راسي وجت وسحبته فيهم فضول يشوفون ليش لابسته.. بعد ماشافوا جلسوا يضحكون..

حسبالهم انها قصة قصيتها ومازبطت .. بعدها خلاص تعودت اني اداوم من غير اي كاب ..جلست لين ثالث ثانوي وسويت ندوتي بالمدرسة وتكلمت عن زراعتي بعدها نفس البنات اللي سووو معي الحركة اول جو وتعذرولي بعد الندوه رغم اني قلت الندوة من باب التوعية ضد المرض مو من باب اوضح وضعي العام الظاهر.

مرت وعدت ذيك الفترة بكل حلوها ومرها وصارت ذكرى الحين .. وهي خلت مني الشخص الثاني الحين وهي اللي خلتني احب كل شي متعلق بفترة زراعتي الصعبة 🤍🤍.